1 Korintus 10:13 - Muna Southern Dialect

¹³ Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

1 Korintus 10:13 Referans Kwoze

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,

2 Timotius 4:18

Daanumo Ompu namosalamati kanau maiꞌao ne sabhaha patudhu modai. Anoa namowa kanau asumalamati amesua weo kafopahintaꞌano te surugaa. Nopantasi mpuu damosibhala Lahataꞌala ampa suhue dhamani! Amin.

2 Tesalonika 3:3

Tamaka Ompu notiparasaea. Namekatangka lalomiu bhe nadhumaganikoomu ne modaiꞌano.

Ibrani 12:4

Kapaꞌamo weo poewangiꞌamiu bhe dhosa, ingka miinaꞌo namotuhua heamiua.

1 Tesalonika 5:24

Lahataꞌala toka sumaliꞌikoomu nahumabue bhahi-bhahiꞌae naꞌa, hampano nokampuu-mpuu ne dhandino.

Lukas 22:46

Nopugaumo Yesus ambano, “Noafa gahaꞌa moodoꞌaoꞌomu? Wanumoomu sambaheaꞌomu keana nokangkanaikoomu kasoba.”

2 Korintus 1:10

Maiꞌao ne balaano mate mobhibhiisano maitu padamo nofosalamati kainsami bhe nandoo dua namosalamati kainsami. Anoamo neposahunaꞌao mani mpuu tetewei sadaa-daa namosalamati kainsami.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

1 Petrus 4:19

Dadiꞌanomo ane nandoo kumadee-deeno noposahataa bhe kapoindalono Lahataꞌala, naetaa damotawakala dadindo ne Lahataꞌala bhe sadhia dahumabu metaa. Kapaꞌamo Anoamo Fofokonandoono, nokampuu-mpuu ne dhandino.

1 Yohanes 1:9

Tamaka ane domangakuꞌao dhosantoomu ⸤ ne wiseno Lahataꞌala⸥ , teteweimo naꞌumamponie sabhaha dhosantoomu bhe namekanggelaꞌie sabhaha diu modaintoomu. Kapaꞌamo Lahataꞌala nokampuu-mpuu ne dhandino bhe noꞌadhili.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

Ibrani 11:11

Hampano kaparasaeano, Abraham neꞌawa kaꞌosa nokosampuꞌa maiꞌao ne Sara, mahinggamo umuhuno nakoana noliumo. Abraham noparasaea mpuu Lahataꞌala tetewei namekakoꞌula dhandino.

Ibrani 10:23

Fintaha motangka kaitaomu ne kaposahunaꞌao neꞌakuintoomu, kapaꞌamo Lahataꞌala notiparasaea, tetewei namekoꞌulae dhandino.

Lukas 11:4

Amponie sabhaha dhosa mani, kapaꞌamo insaodi tamaꞌafuꞌao dua kokaꞌalano ne insaodi. Koise folapasa kainsami ne sabhaha kasoba.”

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Lukas 16:26

Pakade olotano insaodi bhe hintimiu nandoo kantie tapa tilempagi, neanomo so kumalano maiꞌao ne ini pae damoolia dapolimba we hintimiu, tawa maiꞌaono we hintimiu itu pae damai te ini.’

Tula-tulando rasulu 27:44

Tapa mandeno lumenino notududamo damangka kundo daminta-mintaha ne dopi tawa ne kawengkano bhangka. Pedamo anaꞌa kosasawi mani tasalamatimo te wite.

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’