1 Korintus 1:23 - Muna Southern Dialect

²³ Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 1:23 Referans Kwoze

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

1 Korintus 2:2

Kapaꞌamo tokamo abhotusie kaomponano bhe hintimiu paise amohatoangkoomu sigaoꞌano, mpahinomo bhihitano Yesus Kristus, Anoamo mateno te sau salipu.

Galatia 5:11

Bhahitieꞌiku, pedamo dua wutoku ini. Ane ibahano nandoo afofoinaꞌuꞌao putae atorano suna nandoo nofaraluu, noafa gahaꞌa sadaa-daa dofodee-dee kanauꞌao? Ane ibahano nokotuꞌu afofoinaꞌu peda naꞌa, ingka nokomaꞌana bhihitano mateno Kristus te sau salipu paemo naembali tingkuno poꞌala-alatiꞌa.

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.

Matius 13:57

Mie andoa naꞌa nondidiki lalondo sampe dokiidoemo. Gahaꞌa nopugaumo Yesus ne andoa maitu ambano, “Seemie anabii dofosibhalae ne amai liwu. Ampamo kaowu ne liwu kamaiꞌaoꞌano bhe ne lambuno wutono miina damosibhalaea.”

Matius 11:6

Dokodawua mpuu mie tapa mongaheꞌi kanau hampano kandidikino lalo.”

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Galatia 3:1

Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

1 Korintus 1:28

Mie mepandano kaengkohaꞌa we dhunia ini, mie nepisaki, bhahamo mie tapa kofaha-fahalaano ne pomatano dhunia, nopilida Lahataꞌala so namosaliꞌao melangkeno kaengkohaꞌa ne pomatando manusia.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.