1 Korintus 1:14 - Muna Southern Dialect

¹⁴ Notumpu sepaliꞌa laloku hampano kabhahimiu itu bhe naseemie miina bhe nekadiuku, mpahinomo Krispus bhe Gayus.

1 Korintus 1:14 Referans Kwoze

Tula-tulando rasulu 18:8

Krispus mandeꞌaono lambu kasambaheaꞌa naꞌa bhe kosasawindo mie weo lambuno doparasaeamo ne Ompu Yesus. Dobhahi dua miendo Korintus metingkeno kafoguhuno Paulus doparasaea maka dokadiuda.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

1 Tesalonika 5:18

Ne sabhaha waweno dadi mefoampeomu katumpuno lalo, kapaꞌamo anaꞌa kapoindalono Lahataꞌala so hintimiu seꞌiseno bhe Kristus Yesus.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Efesus 5:20

Sadhia mefoampeomu katumpuno lalo ne Lahataꞌala Amantoomu weo neano Omputo Yesus Kristus, o ae maka dua neꞌawamiu.

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

1 Korintus 14:18

Notumpu laloku ne Lahataꞌala hampano idi aepake wambano Rohi afoliukoomu kosasawimiu itu.

1 Korintus 1:4

Sadhia aefoampe katumpuno lalo ne Lahataꞌala hampano padamo nofosampuangkoomu rahamatino noangka ne Kristus Yesus.

Filemon 1:4

Taenomo asambahea sadhia asambiliko bhe notumpu laloku ne Lahataꞌala,

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

Tula-tulando rasulu 10:48

Dadiꞌanomo Petrus notududamo dakumadiuda weo neano Yesus Kristus. Pada aitu desalomo ne Petrus naeate kadeki bhe andoa ampa naseꞌoleo haa oleo.

1 Korintus 1:15

Dadiꞌanomo bhe naseemie pae bhe so mugauno putae anoa maitu akadiu saranie weo neaku.