1 Korintus 1:13 - Muna Southern Dialect

¹³ Bhahaa Kristus maitu nopodawu-dawu? Bhahaa Paulus nekantai te sau salipu so hintimiu? Bhahaa hintimiu dokadiu saranikoomu weo neano Paulus? ⸤ Ingka miina.⸥

1 Korintus 1:13 Referans Kwoze

Efesus 4:5

O Ompu Kaseemie-mieꞌano, o kaparasaea sehonda kaowu, o kakadiu sarani seꞌise kaowu.

2 Korintus 11:4

Kapaꞌamo wohaꞌamiu ingka tanetaaꞌimo dua ane dofohatoangkoomu Yesus poꞌalaꞌano bhe Yesus toka nefohatoꞌao mani. Wohaꞌano tahimaeꞌomu dua rohi poꞌalano bhe Rohi toka neꞌawamiu maiꞌao ne insaodi. Pedamo dua itu ingka tahimaeꞌomu dua bhihita poꞌalaꞌano bhe Bhihita Metaa toka netahimamiu maiꞌao ne insaodi.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

1 Korintus 10:2

Olu bhe teꞌi naꞌa nembalimo dua kakadiundo sampe kosasawindo doseꞌisemo doangkafi anabii Musa.

Tula-tulando rasulu 19:5

Dofetingke peda maitu lasao dokadiuda weo neano Ompu Yesus.

Tula-tulando rasulu 10:48

Dadiꞌanomo Petrus notududamo dakumadiuda weo neano Yesus Kristus. Pada aitu desalomo ne Petrus naeate kadeki bhe andoa ampa naseꞌoleo haa oleo.

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

1 Korintus 1:15

Dadiꞌanomo bhe naseemie pae bhe so mugauno putae anoa maitu akadiu saranie weo neaku.

Roma 14:9

Kapaꞌamo ingka anaꞌaemo kamateꞌano bhe kawanuꞌano Kristus, neanomo naembali Ompundo mie dumadi bhe mie mate.

Tula-tulando rasulu 8:16

Kapaꞌamo Rohino Lahataꞌala miinaꞌo nakumabhintidaa, kaneꞌo dokadiuda weo neano Ompu Yesus.

Matius 3:6

Mie andoa ini dekapuna domangakuꞌao dhosando maka nokadiuda Yohanes we umeleno Yordan.