Taetasi 3:8 - Ṉa Alaofua Falu 1923 1949

⁸ Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki:

Taetasi 3:8 Referans Kwoze

Taetasi 3:14

Ma toa kulu ki lau boo keki too uria seemabe la asi ra lea ki na kai talaana si do na keki rofea e ai si ei boo, fasi e ai kesi ’uria ’ai ne ai si fuṉu.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Taetasi 1:9

Kai rau asi baea mamana ne totoo bia kwaifamanataia eri, fasi kai talaana ṉata la sulia kwaifamanataia taliṉei eri, ma faaseenoni lana toa na kera suusia.

Taetasi 3:1

Oki faaroṉo kera lau keki onotoona na keki roo sulia toa gwauwai ki, ma toa inoto ki, keki ade sulia si ṉata, keki fifarao asi ra lea ki sui bana,

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Roma 4:5

Ifana wane eri molo ne ai si ra, sui e fitoona ni nia na kai ala fafia kokoto lana toa na kera fafare faekwa atha God, kera alua fitooa nia ’uria kokoto la.

Jone 12:44

Tha Jesus ka ’ai, ka sorea, Wane na ka fitooku, e ai si fitooku, kai fitoona ni nia ne arasi nau mai.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Faelimone 1:11

Wane ne ai si adomi oe dini, ma si maṉa eri nia wane na ka adomi oe ma ni nau:

Fa Ṉu Abu ki 78:22

Uria ne a’i kesi fitoona tha God, kesi takofale kera ana marukia eri na nia ka faamaruki kera mania.

II. Korinitha 4:13

Ma uria na Spirit eri boo ana fitooa ka to ani kamilia, talafana si do na kera keda, Ku fitoo naa, mania nau ku ṉata; alafana lau boo ni kamilia mili fitoo, mania kamilia lau boo mika ṉata;

Si do Aposela ki kera ilidaki 12:15

Ma kera soree isana, O oeimola. Ma ni nia e ṉata seeraa, ka sorea si do eri e mamana. Ma kera sorea, Angel nia neri.

Efesasi 4:28

Wane ne bibili sa ka bili lau e ai: kai ulafu boo, kai ra ana abana asi do ne lea, fasi kai rikii do uria fale la ifana wane ne to ana rofe la.

I. Timothi 2:8

Mania ku thathamia wane ki keki foa ta kula si ei, keki tafoa abada ka dodoloa, rakeiria ma oli susuu la ki kei ei faisida.

I. Timothi 5:10

Keki ala fafi nia sulia si ra lea ki; mada sa nia e thai sulia wela ki, mada sa nia e beta toa kwaita ki, mada sa nia e taua aaena toa abu ki, mada sa nia e adomia toa ne taa iada ki, mada sa nia e seemabe asi ra ki sui bana ne lea.

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

Taetasi 2:7

Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

Hibaru ki 10:24

Ma kuki manatatookulua kwailiu fasi kuka are kulu kwailiu ana liothau la ma asi ra lea ki;

Mathui 20:4

Ma nia ka soree isada, Kamulua lau boo muki lae i la oolee faene eri, ma atona bana si do ne too nau kwai falea ifamulua. Ma keka lae boo.