Taetasi 3:6 - Ṉa Alaofua Falu 1923 1949

⁶ Ne kiki faamau ania ani kulu, atha Jesus Christ ne faamaruki kulu;

Taetasi 3:6 Referans Kwoze

Roma 5:5

Ma manatatoo ṉado la eri e ai si faaseenoni kulu; uria na kera kikira liothau la tha God i la ruruukulua atha Spirit Abu na kera falea ifakulua.

Si do Aposela ki kera ilidaki 10:45

Ma toa ba ana kwai kakali la na kera fitoo keka tona, toa eki sui boo na kera lae mai bia tha Pita, uria na tha Spirit Abu na kera tona falea keka kikia fafia Jenetaele ki lau boo.

Jone 16:7

Una ena mena ku faaroṉo kamulua asi do mamana; Do e lea ifamulua na nau kwai lae: uria na mada sa kwasi lae, nia na kai faainamaruki kamulua sa ka lae mai isamulua e ai; sui mada sa kwa lae, kwai arasi nia mai isamulua.

Jone 1:16

Uria ni nia e fuṉu, ma kulu sui kuka ṉalia ta si asi do nia ki, ma lea la fafona lea la.

Taetasi 1:4

Isatha Taetasi, wela mamana nau asi do eki na koro fitoona: Lea la, tatakomia, ma enenoa, ita atha God na Maka ma tha Lord Jesus Christ ne faamaruki kulu.

Efesasi 4:2

Ana abula seseka la faamau ma abula marabibi la, asi lio ni doanita tatha la, muki mamasoro kamulua kwailiu ana liothau la;

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Roma 8:2

Sulaania ṉa lo ana ṉa Spirit ana marukia atha Christ Jesus e adea kwa tonee to faisia ṉa lo ana abula taa la ma maea.

Si do Aposela ki kera ilidaki 2:33

Mania uria na kera faainoto nia ana aba aola tha God, ma uria ne ṉalia ana ṉa Maka alaṉaia eri na tha Spirit Abu, nia e kikia si do eri, na mulu rikia ma muka roṉoa.

Jone 7:37

Ma afa boṉi iisi, fa boṉi baita ana fafaṉa eri, tha Jesus e takwe, ka ’ai, ka una eri, Mada sa ta wane lione lalaṉa, kai lae mai isaku, kai kuu ana.

Jone 4:10

Tha Jesus e luua, ka soree isana, Mado so thaitoomana si do na tha God ka tona falea bana, ma ni tei na kai soree isamu, Falea mai, kwai kuu; ni oe oki gani nia, ma ni nia kai falea si kafo ana marukia iamu.

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

I. Timothi 6:17

Oki faaroṉoa toa na kera rikii do i kada nei, kesi fare baita ani kera i talaada, me kesi lio uria do na keka rikidaki ne ai si to ṉado isada, keki manatatoo ṉado uria ṉa God maruki, na kai fale baita iakulua asi do ki sui bana fasi kuki seethathala ania;