Taetasi 3:3 - Ṉa Alaofua Falu 1923 1949

³ Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

Taetasi 3:3 Referans Kwoze

Kolose 1:21

Ma ni kamulua, na kera lalakwatai kamulua dini mai inao ma liomulua na si lio ana maalimae ki asi ra taa kamulua ba ki, e alu kamulua muka kwaimani lau bi nia

Roma 6:17

Ma sore lea la ifatha God uri kamulua, ni kamulua toa ni ra la ana abula taa la, sui ruruumulua e thathamii ade sulia si do na mulu lio uria ana kwaifamanatai la na kera fale kamulua ania;

Kolose 3:7

Abula la na mulu abubula mania inao, si maṉa na mulu toto asi do eki.

Roma 6:22

Ma si maṉa eri na kera adea na muka tonee to faisia abula taa la, ma kamulua toa ni ra la atha God, mulu rikia foee do kamulua ana faaabu lamulua la, ma gwauna na ṉa marukia tatha.

I. Pita 1:14

Mala kala wela na kera thathamii ade sulia si ṉata, musi ade ’uria si thathami la taa totonao kamulua ki asi maṉa ne ai musi thaitoomana si do ki:

II. Korinitha 12:20

Uria nau ku mau, ada mado e ai, lalae ku fula, kwai fulatoomulua fafia abula lamulua na nau kwasi thathamia, ma ni kamulua muki fulatooku fafia abula laku na ni kamulua musi thathamia; ada firu la kai fula mai, uga la, rakeiria, tafulu si lio, ṉata buri la ki, ṉata faekwa la ki, nau‐ni‐baita la ki, ṉalu la ki;

Jone 8:34

Tha Jesus e luuda, ka una eri, Mamana, mamana, ku soree isamulua, Ni tei na kai abula taa bana, nia wane na kera suuwai nia ka tona ra ifana abula taa la.

Mathui 21:29

Nia luua, ka sorea, E ai kwasi lae: sui iburiana nia akeletania manatana, ma ka lae.

Fa Ṉu Abu ki 36:2

Uria ne tala gafogafo nia italaana inaofana maana, sorea sa kesi rofetoona abula lana asi do kera lufia, ma kesi rikia ka taa.

Jemesi 1:26

Mada sa ta wane manataia na nia manata baita atha God, si maṉa ne ai si rau fafia meana ma ka tala lolea ruruuna, manata baita la wane eri na ṉa tonee do.

Galesia 6:3

Sulaania mada sa ta wane manatana na nia baita, si maṉa ne tonee do, wane eri ka tala lole nia i talaana.

Luke 21:8

Ma nia ka sorea, Muki fia ada keki talai garo ani kamulua: uria na toa oro toto keki lae mai ana thataku, keki una eri, Nau ni nia; bia, Si maṉa ni karaṉi naa: mania musi lae iburiada.

Si do na kera fatai nia 18:2

Ma nia ’ai ana ’ai la baita, ka una eri, E aga, e aga, Babilone baita e aga, me lioe biu spirit taa ki, ma fuila spirit eki sui bana na kera taa, ma fuila thaaro eki sui bana ne taa ma do ni mamagu la ania.

Si do na kera fatai nia 13:14

Ma nia lolea toa na fanua nei iano ana bala si do eki na kera alu nia kai ilia inaofana do maruki eri ne kwasi; ka soree isana toa na fanua nei iano keka thauwai nia nunui do ifana do maruki eri ne kwasi, na kera kwae mala iana ana nini ni firu, ma sui e maruki.

Si do na kera fatai nia 12:9

Ma kera naṉa ana baekwa baita eri, wa aala eri na ita u ka to, nia na kera alaṉia atha Devil ma Satan, na ka lolea toa na fanua nei iano sui boo; keka naṉa ani nia kai sifo uri fanua nei iano, ma keka naṉa ana angel nia ki bi nia.

Roma 6:6

Uria na kulu thaitoomana si do eri neri, wane totonao kulu kera fota fafia ofu bi nia, fasi keki faaaia seedo eri ana abula taa la, fasi ita asi maṉa eri kesi suuwai kulu kuki roo lau sulia abula taa la;

Roma 6:12

Mania musi alamatania abula taa la si inoto fafia seemulua na toto kai mae, fasi muki ade sulia si thathami la taa nia ki:

Roma 11:30

Uria talafani kamulua dini mai inao musi fitoona tha God, ma sui si maṉa eri mulu fulatoona tatakomia uria fitala lada,

II. Timothi 3:6

Uria na toa una eki kera maladala mai i maafera ki, keki gafoa kini oeaia ki na abula taa la ki ka kulua fafi kera, na kera tole garo anida ana thathami la taa oro ki,

II. Timothi 3:13

Ma wane taa ki ma toa ni lole la keki taa ka lae tatha, keki lole ma kera loleda lau boo.

Taetasi 1:16

Kera sorea na kera thaitoomana tha God, sui ra kera ki ka sorea kera dora bada ani nia, uria nia mamagu ani kera, kera ade faisia ṉata lana, ma sulia si ra lea ki sui bana kesi ala fafida.

Taetasi 2:12

Do ne faamanatai kulu, fasi kuka tofea si lio ni fare faekwa la atha God ma si thathami la taa kada nei ki, ma kuki abula seeeno ma kokoto ma asi lio ni fare baita la atha God asi maṉa eri;

GENESIS 38:9

Ma tha Onana e thaitoomana sulia wela sa keki tharea, na wela nia u boo ka a’i neri; ma lalae mai, si maṉa ne kotho mai sana kwaina thoona, ka kikia i theegano do sa kai kwalafia wela ania, ada ka alua wela ifana thoona.

GENESIS 39:16

Ma kini eri ka alua tooni nia eri ka to isana maasia wane inoto tha Josefa kai oli lau mai i maafera.