Taetasi 2:2 - Ṉa Alaofua Falu 1923 1949

² Na wane na kera arai ki naa keki inoto ana seeda i talaada, tainei, seeeno, taliṉei ana fitooa, ana liothau la, asi lio ni susuu:

Taetasi 2:2 Referans Kwoze

Galesia 5:23

Abula marabibi la, inoto la ana seemulua: e ai ta lo si to ana lufi lana si do una eki.

I. Pita 4:7

Ma susui lana si do ki sui bana e kwaikaraṉi naa: mania muki manata ni lea la, ma muki inoto ana seemulua uria foa la:

I. Timothi 3:11

Una eri lau boo kini ki keki to taiṉei, kesi lolole fafia imole, seeda si inoto iada, keki mamana asi do ki sui.

I. Pita 5:8

Muki inoto ana seemulua, muki tharai: sulaania maalimae kamulua tha devil, ’uria laeona na ka gagafu, ka liu, fasi kai rofe uria imole na nia kai dudumeme ania:

Taetasi 1:13

Si do na wane eri e faamamanea sulia si do nia thaitoomana e mamana boo. Mania oki ṉatafifi faamau isada, fasi keki taliṉei asi do eki na kulu fitoona,

I. Timothi 3:2

Mania wane nanao kai dodoloa, ana tee kwai boo, seena si inoto ani nia, kai seeeno, abula lana kai kokoto, kai beta ṉado sulia toa kwaita ki, liona kai too uria kwaifamanatai la;

I. Thesalonika 5:8

Ma ni kulu, uria na kulu do ṉa thato, kuki inoto ana seekulua, kuki alua fafia ruruukulua do na kai suusia taa la faisia, na ṉa fitooa ma ṉa liothau la; ma fafia gwaukulua do na kai suusia taa la faisia, na ṉa manatatoo ṉado la uria marukia.

Roma 12:3

Sulaania ana lea la na kera falea ifaku, ku lufi kamulua sui, ta wane iamulua si manata baita ani nia i talaana ka tatha asi manata la ne kokoto ifana; manatana kai ’uria manatana wane ne seeeno, ’uria baita lana fitooa na tha God e ukalia ifamulua sui, ta wane si ei boo.

I. Pita 1:13

Mania muki alia manatamulua, muki inoto ana seemulua ma muki manatatoo ṉado sukwai uria lea la eri na toto keki ṉalia mai ifamulua ana fatai lana tha Jesus Christ;

I. Korinitha 15:34

Muki tharai ana kokoto la, ma musi abula taa; uria na tei toa kesi thaitoomana tha God: ku ṉata una eri fasi kwa faaseenoni kamulua.

Fa Ṉu Abu ki 92:14

Asi maṉa na kera arai ki naa mena, keki fuṉu ana foee do ki; suula do eki kai fuṉu ani kera, ma keki katha:

II. Pita 1:6

Ma ana thaitoomana la inoto la ana seemulua; ma ana inoto la ana seemulua si lio ni susuu la; ma asi lio eri si lio ni fare baita la atha God;

Taetasi 2:7

Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

Taetasi 1:8

Kai beta ṉado sulia toa kwaita ki, kai liothau ana wane lea ki, kai seeeno, kai kokoto, kai abu, seena si inoto ani nia;

I. Timothi 3:4

Wane na kai ana ni lea la ana maafera nia, ma wela nia ki keki roo suli nia ana enenoa;

I. Timothi 1:5

Ma gwauna si ṉata fifi eri na ṉa loithau la ne ita ana rurui imole ne thathaulia ma asi lio ne lea ma fitooa na kesi lole ania:

I. Thesalonika 5:6

Mania kusi biṉa, ’uria oroṉana toa, kuki tharai ma kuki inoto ana seekulua.

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

II. Korinitha 5:13

Uria na mada sa mili oewanea, do eri ifatha God; mado mili manata, do eri ifamulua.

I. Korinitha 9:25

Ma ni tei na kai susuu fasi si nia kai tatha i la lalaba la ki kai inoto ana seena asi do ki sui bana. Ma toa eki kera ilia fasi keki ṉalia do ni eregwau la na toto kai taa; ni kulu molo fasi kuki ṉalia do ne toto si taa.

Si do Aposela ki kera ilidaki 24:25

Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.

Luke 8:35

Sui kilu lae kau fasi kiku rikia si do na kera ilia; ma keka fula isatha Jesus, ma keka fulatoona wane eri, na spirit taa ki kera kotho faisi nia, kai ono ana isana aaena tha Jesus, e tooni ma ka manata naa: ma keka mau.

Mako 5:15

Ma keka fula isatha Jesus, ma keka rikia wane eri na spirit taa e toto ania bia omea baita eri, kai ono, e tooni ma ka manata naa: ma toa eki keka mau.

I. Timothi 3:8

Una eri lau boo wane ni ra ki keki taiṉei, ka ai ada ta ro ṉata, kesi kukuufia waene, kesi ogogoni ana malefo ne faataali kia;

I. Timothi 1:2

Isatha Timothi, wela mamana nau ana fitooa: Lea la, tatakomia, enenoa, ita atha God na Maka kulu ma tha Jesus Christ na Lord kulu.

I. Timothi 1:10

Ifana wane na kera oe ki, ifana wane ki na kera oe lau bada uri kera i talaada, ifana wane lauwane ki, ifana toa na kera sorea si do ne ai si mamana, toa na kera othi ni lole la ki, ma atona bana ta si do lau ne ai si talaana kwaifamanataia taliṉei eri;

I. Timothi 1:14

Ma lea la Lord kulu e oro ka tatha bia fitooa ma liothau la na ni atha Christ Jesus.

I. Timothi 5:1

Osi sosorea ta wane ulunao, oki ṉata isana ’uria sa nia maka oe; kala wane ki ’uria dooramu kera:

Faelimone 1:9

Una ena mena, uria liothau la ku ṉata kwaitakoi isamu, nau tha Polo, wane ku arai naa, ma wane tha Jesus Christ na kera suusi nau lau boo si maṉa eri la lokafu: