Taetasi 2:12 - Ṉa Alaofua Falu 1923 1949

¹² Do ne faamanatai kulu, fasi kuka tofea si lio ni fare faekwa la atha God ma si thathami la taa kada nei ki, ma kuki abula seeeno ma kokoto ma asi lio ni fare baita la atha God asi maṉa eri;

Taetasi 2:12 Referans Kwoze

Mathui 16:24

Sui tha Jesus ka soree isana toa nia ne toleda, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Roma 6:19

Nau ku ṉata ana ṉata lana imole ki sulaania feda lana seemulua: uria na talafana na mulu falea si do na ana seemulua ki ana do ni ra la ki ana manata taa la ma asi do na kera lufia ifana si do na kera lufia, alafana lau boo si maṉa eri muki falea si do na ana seemulua ki ana do ni ra la ki ana kokoto la ifana faaabu lamulua la.

Fa Ṉu Abu ki 4:3

Muki thaitoomana fasi na tha Jihova e filia wane ne faare baita atha God ifana i talaana: tha Jihova kai roṉoa si maṉa kwai ’ai thatana.

II. Pita 2:9

Toa na kera fare baita atha God, tha Lord e thaitoomana rau la iada ana bae aliṉa la, ma ka suusia toa na kesi kokoto ki la lokafu ana kwae la maakwalia fa boṉi ana kotu baita;

I. Jone 2:6

Wane na ka sorea ne to ani nia, lea na wane eri kai abula lau boo sulia abula lana.

II. Timothi 3:12

Iu, ma toa eki sui boo na keki thathamii to asi lio ni fare baita la atha God atha Christ Jesus, keki fulatoona tona ilamatai lada la.

Si do na kera fatai nia 14:12

Si do na si lio ni susuu la toa abu ki ka maakwalia neri, toa eki na keka roo sulia si ṉata fifi tha God ki, ma si do kera fitoona sulia tha Jesus.

Luke 1:75

Ana abu la ma kokoto la inaofana sulia fa boṉi na kuki to ki.

I. Thesalonika 4:7

Uria na tha God e ai si aili kulu uria manata taa la, ana faaabu lakulua la bana.

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

I. Thesalonika 4:9

Ma sulia liothau la uria baree wai doorana doanita sa mado e ai kwa kekeda kau isamulua: uria ni kamulua, tha God e tooa isamulua na muka liothau kwailiu ani kamulua;

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

Roma 6:12

Mania musi alamatania abula taa la si inoto fafia seemulua na toto kai mae, fasi muki ade sulia si thathami la taa nia ki:

Mathui 28:20

Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

I. Jone 2:27

Ma ni kamulua, gwai eri na nia e kiki kamulua ania ka to ani kamulua, ma musi rofea ta wane na kai kwaifamanatai isamulua; ma ’uria lau boo do nia e kiki kamulua ania ka kwaifa manatai isamulua sulia si do ki sui boo, ma ka mamana, ma do ni lole la e ai, ma ’uria si do ne tooa isamulua, muki to ani nia.

II. Pita 3:11

Mania uria na kera to’oa si do eki sui boo kai thaka kwailiu una eri, nifana maalutana to la ne kokoto muki to ania ana abula lamulua ne abu ma asi lio ni fare baita la atha God,

Hibaru ki 8:11

Ma kera sa keka kwaifamanatai too tee wane iada isana wane nia, Ma isana doorana, sa keka una eri, Oki thaitoomana tha Lord, e ai: Sulaania toa eki sui boo keki tala thaitoomaku, Ka thafali ana imole iada ne faekwa ka tatha, ka fula ana imole baita ka tatha.

I. Timothi 6:17

Oki faaroṉoa toa na kera rikii do i kada nei, kesi fare baita ani kera i talaada, me kesi lio uria do na keka rikidaki ne ai si to ṉado isada, keki manatatoo ṉado uria ṉa God maruki, na kai fale baita iakulua asi do ki sui bana fasi kuki seethathala ania;

I. Timothi 4:12

Osi alamatania ta wane si fare faekwa iamu uria no wane o bii baita; abula lamu kai dodoloa fasi toa na kera fitoo keki lio uria, ana ṉata lamu, ana abula lamu, ana liothau la, atha Spirit, ana fitoo lamu, ana manatamu kai thathaulia.

Kolose 1:22

Ana seena i talaana uria maea, fasi kai fatai kamulua muki abu ma muki dodoloa ma kesi rikia ta si do na keki sore kamulua fafia inaofana:

Galesia 5:24

Ma toa eki atha Christ kera fota fafia seena imole ana ’ai rarafolo ana si lio ma si thathami la taa nia ki.

Galesia 1:4

Ne alamatai nia uria abula taa la kulu ki, fasi kai faamaruki kulu faisia si maṉa eri ne taa, sulia si do nia e thathamia ne God kulu ma Maka kulu:

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

Roma 8:13

Sulaania mada sa muki abula sulia see imole, muki mae e ai si ei boo; ma mada sa atha Spirit muki faamaea abula lana see imole, muki maruki boo.

Si do Aposela ki kera ilidaki 24:25

Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.

Si do Aposela ki kera ilidaki 24:16

Ma asi kula eri ku aṉasi lau boo fasi lioku kai dodoloa ṉado uria tha God ma uria imole ki.

I. Jone 5:19

Kulu thaitoomana kulu do tha God ki, ma fanua nei iano sui boo ka teo atha Taa.

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Jone 14:30

Nau e ai kwasi ṉata oro lau bi kamulua, uria na nia ne inoto ana fanua nei iano toto kai lae mai: me ai ta do si ni ifana ani nau;

Jone 6:25

Lalae kera fulatoona ana bali asi laba, keka soree isana, Rabae ai, iaṉita no fula kunei?

Luke 1:6

Ma keroa sui boo keko kokoto inaofatha God, keko abula sulia si ṉata fifi ma si ṉata too ṉado tha Lord ki, keko dodoloa.

Fa Ṉu Abu ki 105:45

Fasi keki ade sulia si ade la ne gwaludaki, ma keki betaa lo nia ki. Kamulua sui muka taṉoa tha Jihova.

Jude 1:18

Na kera soree isamulua na ba, Asi maṉa iisi toa ni onioṉa la keki fula, na keki abula sulia si thathami la taa kera ki asi lio ni fare faekwa la atha God.

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

Mathui 12:32

Ma ni tei bana na kai sorea ta si ṉata taa seena Kaluwane imole, keki manata lubea; ma ni tei bana na kai ṉata seena tha Spirit Abu, e ai kesi manata lubea, ana kada nei mena ka ai, ma kada na ni u ka ai lau boo.

I. Timothi 6:9

Ma toa na keki thathamii rikii do keki asi kera ana bae aliṉa la ma aikwai ma ana thathami lana do oro ne oewanea ma ka faataali kera, si do na kai ilia wane ki keki lola asi do na kai labatai teefau anida ma kai faaaana maṉoda.

Jemesi 1:27

Si lio thathaulia ma dodoloa ana manata baita la atha God, inaofana God kulu na Maka kulu nai nia, wane lae kai makelea wela na maka kera e mae ma gwa oru ki maṉa ne taa iada, kai beta suli nia fasi fanua nei iano ka ai si sua nia.