Taetasi 2:10 - Ṉa Alaofua Falu 1923 1949

¹⁰ Kesi abula dodora, ma keki fatai nia ṉado mamana lada ne lea; fasi keki ilia na keka taṉoa kwaifamanataia tha God ne faamaruki kulu asi do ki sui bana.

Taetasi 2:10 Referans Kwoze

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

I. Pita 2:12

Abula lamulua kai faramulua i maalutana Jenetaele ki; fasi, asi do eri boo na kera ṉata taa suli kamulua ania mala sulia toa na kera abula taa, asi ra lea kamulua ki na keki rikia neri, keki faainotoa tha God afa boṉi ana makele lada la.

II. Jone 1:9

Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

Efesasi 4:1

Mania ni nau, wane ana ṉa Lord na kera suusi nau i la lokafu, ku ṉata kwaitakoi ku soree isamulua muki abula ana abula la ne farana aili la eri na kera aili kamulua mania,

I. Pita 3:16

Liomulua kai lea; fasi, asi do eri boo na kera ṉata taa suli kamulua ania, keki faaseenonia toa eki na kera tamani taa sulia to lamulua ne lea atha Christ.

Taetasi 1:3

Ma sui asi maṉa nia ki e fatai nia bae lana asi ṉata la, na kera takofalea iaku sulia si ṉata fifi tha God ne faamaruki kulu;

I. Timothi 6:3

Mada sa ta wane ka kwaifamanatai ata kwaifamanatai eeta, me ai si ala fafia si baea taliṉei, bae lana na Lord kulu tha Jesus Christ, ma kwaifamanataia eri ne sulia si lio ni fare baita la atha God;

I. Timothi 6:1

Toa na kera suuwanida keka tona ra bada keki fare baita faamau ana wane inoto kera ki i talaada, ada kera ṉata ni faretoliṉi lana thata tha God ma kwaifamanataia eri.

I. Korinitha 4:2

Ma sui lau boo, si maṉa na kera takofalea ta wane ana ta si do, keki rofea wane ne mamana.

Luke 16:10

Wane ne mamana asi do faekwa asia boo e mamana lau boo asi do oro: ma wane ne ai si kokoto asi do faekwa asia boo e ai si kokoto lau boo asi do ne oro.

Mathui 24:45

Mania nifenia wane ni ra eri ne mamana ma liona ka too, na wane inoto nia e alu nia ka inoto ana toa na biu nia, fasi kai falea moriṉa kera asi maṉa ni fale lana?

Fa Ṉu Abu ki 101:6

Maaku kai lio uria toa ana fanua nei na kera abula mamana, fasi keki to bi nau: wane na kai lae sulia tala oolo, ni nia neri na kai ra ifaku.

I. Timothi 5:17

Muki fare baita faamau ana toa ulunao na kera ana lea ana ra tha God, ma toa eki u boo na kera ra asi baea eri ma ana kwaifamanataia.

I. Timothi 1:1

Polo, Aposela tha Jesus Christ sulia si ṉata fifi tha God ne faamaruki kulu, ma tha Lord Jesus Christ na kulu manatatoo ṉado uria;

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

Jone 12:6

Ma nia ṉata una eri, uria na toa na kesi rikii do ki keka oga nia e ai; uria nia wane ne abula dodora, wai malefo kera ni isana, nia kai ṉaṉalia do na kera alua iei.

Luke 1:47

Ma spirit nau e seethathala atha God ne faamaruki nau.

Luke 1:80

Ma wela eri ka baita alaa, ma spirit nia ka sukwai alaa, ma nia ka to i la fanua kwasi lalae ka fula afa boṉi na kera fatai nia isana Isirela.

Taetasi 3:4

Ma sui si maṉa na ade lea lana tha God ne faamaruki kulu, ma liothau la nia uria imole ki, e fula mai,