Taetasi 1:9 - Ṉa Alaofua Falu 1923 1949

⁹ Kai rau asi baea mamana ne totoo bia kwaifamanataia eri, fasi kai talaana ṉata la sulia kwaifamanataia taliṉei eri, ma faaseenoni lana toa na kera suusia.

Taetasi 1:9 Referans Kwoze

II. Thesalonika 2:15

Mania, doora kera, muki takwe ṉado, ma muka rau ana kwaifamanatai la eki na kera tooa isamulua, ana bae lada, mado ana leta na mili keda.

II. Timothi 1:13

Oki rau asi baea taliṉei ba ki ne dodoloa fasi keki lio uria, si do no roṉoa ani nau, ana fitooa ma liothau la na ni atha Christ Jesus.

I. Timothi 6:3

Mada sa ta wane ka kwaifamanatai ata kwaifamanatai eeta, me ai si ala fafia si baea taliṉei, bae lana na Lord kulu tha Jesus Christ, ma kwaifamanataia eri ne sulia si lio ni fare baita la atha God;

I. Timothi 1:10

Ifana wane na kera oe ki, ifana wane ki na kera oe lau bada uri kera i talaada, ifana wane lauwane ki, ifana toa na kera sorea si do ne ai si mamana, toa na kera othi ni lole la ki, ma atona bana ta si do lau ne ai si talaana kwaifamanataia taliṉei eri;

Si do na kera fatai nia 3:3

Mania oki onotoona si do bo ṉalidaki mo roṉoa; ma oki ade sulia, ma oki akeletania manatamu. Mania mada sa osi tharai, nau kwai lae isamu ’uria wane na kai bili; ma osi thaitoomana si kadee maṉa ṉa nau kwai fula isamu.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Taetasi 2:1

Ma ni oe oki sorea si do ki ne farana si kwaifa manataia taliṉei:

Taetasi 1:11

Toa noki faabona kera e ai si ei boo; wane ki na kera tole garo ana baree wela ki sui, uria na kera tooa si do ne ai si kokoto ki, uria malefo ne faataali kia.

II. Timothi 4:3

Uria na si maṉa toto kai fula na kesi alamatania keki faaroṉoda asi kwaifamanataia taliṉei eri; ma aliṉada kai mamale, adedea keki ofua toa in kwaifamanatai iada sulia thathami la taa kera ki;

I. Thesalonika 5:21

Muki ilitoona si do ki sui bana; muki rau ṉado asi do ne lea;

Si do na kera fatai nia 3:11

Rikia fasi, nau kwai lae fofoa kau isamu: oki rau ṉado asi do na ni isamu, fasi e ai ta imole si laua do ni eregwau oe.

Si do na kera fatai nia 2:25

Ma si do ni fafi kamulua si maṉa eri, muki rau ania maasi nau kwa fula.

Jude 1:3

Toa liliothaua nau ki, si maṉa nau ku seemabe faamau ana kekeda la kau isamulua sulia marukia eri na kulu maruki ania, ruruuku e thathamia e ai si ei kwai kekeda bokau isamulua, kwai soree isamulua muki seemabe ana firu la uria si do eki na kulu fitoona na kera fale teefau naa ania fasi kai to ṉado ifana toa abu eki.

II. Timothi 2:25

Kai abula marabibi si maṉa na kai faakokotoa toa na kera maalimae ani nia; fasi mado e ai tha God kai falea manata akele la ifada uria thaitoomana lana mamana la eri,

II. Timothi 2:2

Ma si do ba ki no roṉoa ani nau i maalutana toa oro na kera roṉoa, si do eki oki takofalea ana wane mamana ki, na kera talaana kwaifamanatai la lau isana tai toa lau boo.

I. Timothi 4:9

Si ṉata eri e mamana, me farana keki faamamanea ṉado.

I. Timothi 1:19

Si maṉa noki rau ana fitooa ma si lio ne lea; do tei toa kera usutania faisida, keka katu, mala faka ne dekwe, faisia si do eki na kulu fitoona:

Si do Aposela ki kera ilidaki 18:28

Sulaania nia e olitei nia ṉata lana Ju ki ana sukwaia, me ili lalaa ania, ka fatai nia ana kekeda la abu eki na tha Jesus na ṉa Christ.

I. Korinitha 14:24

Ma mada sa kamulua sui muka ṉata mala porofeta, ma tee nonii wane ne fitala mado na ka dora ana maalutana si do ki kai kotho lau bomai, kamulua sui muki faaseenoni nia, kamulua sui muki ṉata mala wane ni kotu suli nia;

II. Timothi 3:14

Ma ni oe oki to ṉado asi do ba ki na kera tooa isamu mo thaitoomana e mamana, uria no thaitoomana toa ba ki na kera tooa do eki isamu;