Taetasi 1:4 - Ṉa Alaofua Falu 1923 1949

⁴ Isatha Taetasi, wela mamana nau asi do eki na koro fitoona: Lea la, tatakomia, ma enenoa, ita atha God na Maka ma tha Lord Jesus Christ ne faamaruki kulu.

Taetasi 1:4 Referans Kwoze

II. Timothi 1:2

Isatha Timothi, wela liliothaua nau: Lea la, tatakomia, enenoa, ita atha God na Maka ma tha Christ Jesus na Lord kulu.

Jude 1:3

Toa liliothaua nau ki, si maṉa nau ku seemabe faamau ana kekeda la kau isamulua sulia marukia eri na kulu maruki ania, ruruuku e thathamia e ai si ei kwai kekeda bokau isamulua, kwai soree isamulua muki seemabe ana firu la uria si do eki na kulu fitoona na kera fale teefau naa ania fasi kai to ṉado ifana toa abu eki.

II. Pita 1:11

Uria asi kula eri keki ifinia maa ka baita uri kamulua muki kotho ana tooa na kai to tatha, tooa Lord kulu ne faamaruki kulu tha Jesus Christ.

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

II. Korinitha 2:13

E ai kwasi seceno i ruruuku, uria na kwasi fulatoona dooraku tha Taetasi: ku alulu bia toa eri, kwa lae faisia kula eri uri Masedonia.

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

II. Korinitha 8:23

Ma sulia tha Taetasi, nia ado bi nau ma kai ra ofu bi nau ifamulua; mado sulia doorakulua eki, keroa toa na figua eki kera arasida, keroa do na kai faainotoa tha Christ.

Roma 1:12

Keki faainamaruki kulu ofu neri, ni nau ana fitooa kamulua, ma ni kamulua ana fitooa nau.

Jone 4:42

Ma keka soree isana kini eri, Si maṉa eri miki fitoona sui, sulaania bae lamu e ai: uria ni kamilia mili roṉoa bae lana i talaamilia, mika thaitoomana na nia Christ ba mamana boo, Wane na kai faamarukia toa na fanua nei iano.

I. Jone 5:14

Ma seeraa la na ni iakulua uri nia neri, na, mada sa kuka gania atona bana ta si do sulia si do nia thathamia, nia roṉoa ṉata lakulua:

II. Pita 3:2

Fasi muka onotoona si baea ba ki na porofeta abu eki kera ṉata sulia dini u mai inao, ma si ṉata fifi ṉa Lord na Wane ni Kwaifaamaruki ana aposela kamulua ki:

II. Pita 2:20

Uria na mada sa, ana thaitoomana lana tha Lord Jesus Christ na Wane ni Kwaifaamaruki, kera thaka naa faisia si do ana fanua nei iano ki na kai faataali kia, ma sui kera katu lau ania iburi ma do eki si nia ka tatha ani kera, to lada iburi kai taa ka tatha ana to lada totonao.

Taetasi 1:3

Ma sui asi maṉa nia ki e fatai nia bae lana asi ṉata la, na kera takofalea iaku sulia si ṉata fifi tha God ne faamaruki kulu;

Kolose 1:2

Isana toa abu eki ma baree wai doorana mamana eki atha Christ nai Kolose: Lea la iamulua ma enenoa ita atha God na Maka kulu ma tha Lord Jesus Christ.

Efesasi 1:2

Lea la iamulua ma enenoa ita mai atha God na Maka kulu ma tha Lord Jesus Christ.

Galesia 2:3

Ma tha Taetasi mena ne lae bi nau, na wane i Girisi, kesi suuwai nia keki kwai kali nia:

II. Korinitha 12:18

Ku ṉata kwaitakoi isatha Taetasi, ma ku arasia kau doorakulua eri bi nia. Tha Taetasi e abula dodora iamulua ana ta si do? mesi abula sulia tee Spirit eri boo? abula lamarea e ai si totoo?

II. Korinitha 8:16

Ma sore lea la ifatha God, ne alua liothau la baita eri boo uri kamulua i ruruuna tha Taetasi.

II. Korinitha 8:6

Adedea mika soree isatha Taetasi, na ’uria nia e thafalii ra inao, kai faasuia lau boo ra inao, kai faasuia lau boo ra eri ana lea la ani kamulua lau boo.

II. Korinitha 7:6

Una ena mena tha God, na ka faainamarukia toa kelawanea ki, e faainamaruki kamilia ana fula lana tha Taetasi;

II. Korinitha 4:13

Ma uria na Spirit eri boo ana fitooa ka to ani kamilia, talafana si do na kera keda, Ku fitoo naa, mania nau ku ṉata; alafana lau boo ni kamilia mili fitoo, mania kamilia lau boo mika ṉata;

Roma 1:7

Isana toa nai Roma ki sui bana, na tha God e liothau ani kamulua, toa abu ne aili kamulua mai: Lea la iamulua ma enenoa ita mai atha God na Maka kulu ma tha Lord Jesus Christ.

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

I. Timothi 1:12

Ma nau ku sore lea atha Christ Jesus na Lord kulu, ne faasukwai nau mai, uria nia e takofale nau ku mamana, me alu nau ana ra nia;

II. Timothi 1:1

Polo, aposela tha Jesus Christ asi do na tha God e thathamia, ana alaṉaia eri na ṉa marukia na ni atha Christ Jesus,

II. Timothi 4:10

Uria na tha Dimasi e akwasi nau, sulaania nia thathamia si do kada nei ki, e lae uri Thesalonika; tha Keresenasi uri Galesia, tha Taetasi uri Dalamesia.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;