Taetasi 1:2 - Ṉa Alaofua Falu 1923 1949

² Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

Taetasi 1:2 Referans Kwoze

I. Jone 2:25

Ma alaṉaia eri ne alaṉai nia iakulua nai nia, ṉa marukia tatha.

II. Timothi 1:9

Ne faamaruki kulu, me aili kulu mai ana aili la ne abu, sulaania ra kulu ki e ai, sulaania si do ni nia e tala thathamii ilia ma uria lea la nia, na kera falea naa iakulua atha Christ Jesus to u asia mai inao ne ai si sui,

Jude 1:21

Ma muka beta suli kamulua fasi muki to i la liothau la tha God, si maṉa na muki maakwalia tatakomia na Lord kulu tha Jesus Christ ana marukia tatha.

II. Timothi 1:1

Polo, aposela tha Jesus Christ asi do na tha God e thathamia, ana alaṉaia eri na ṉa marukia na ni atha Christ Jesus,

Taetasi 3:7

Fasi, uria na kera ala fafia kokoto lakulua uria lea la nia, kuki inamaruki ana Maka kulu asi do na kulu manatatoo ṉado uria na ṉa marukia tatha.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

II. Timothi 2:15

Oki aṉasi fasi oki fatai oe isatha God wane na nia kai ala fafi oe, wane ni ra na maamu si asia uria ra oe, noki ukali lea asi baea mamana eri.

II. Timothi 2:13

Mada sa ni kulu kuka fitala, ni nia kai mamana kai to bana; uria nia sa ka sorea e dora bana ani nia i talaana e ai.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Taetasi 2:7

Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

I. Thesalonika 5:8

Ma ni kulu, uria na kulu do ṉa thato, kuki inoto ana seekulua, kuki alua fafia ruruukulua do na kai suusia taa la faisia, na ṉa fitooa ma ṉa liothau la; ma fafia gwaukulua do na kai suusia taa la faisia, na ṉa manatatoo ṉado la uria marukia.

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Si do na kera fatai nia 17:8

Do maruki eri ne kwasi no rikia na ba e toto i dini, ma si maṉa eri ka ai naa, ma sui kai makee tae faisia ṉa kilu kwasi, sui kai lae fasi kai to ana taa la toto si sui. Ma toa na fanua nei iano, na kesi keda thatada asi maṉa ana boa lana fanua nei iano i la buka ana marukia, keki kwele, si maṉa na keki rikia do maruki eri ne kwasi, ne toto i dini, ma si maṉa eri ka ai naa, ma toto kai fula mai.

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

II. Timothi 2:10

Mania nau ku susuu asi do ki sui bana ifana toa na tha God e filida, fasi ni kera lau boo keki fulatoona marukia eri na ni atha Christ Jesus bia inotoa na kai to tatha.

I. Timothi 6:19

Keki alua ta do lea ana takwe la ifafona maakwali kera uria si maṉa na ni u, fasi keki rau ana marukia ne mamana boo.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Si do Aposela ki kera ilidaki 15:18

Tha Lord e soroa, nia na ka fafatai nia si do eki ka toto bana ita mai ana thafali lana fanua nei iano ka fula asi maṉa eri.

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 10:28

Ma nau ku falea marukia tatha ifada; ma toto kesi sui, me ai ta imole si lauda faisia abaku.

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

Jone 6:54

Ni tei bana na kai ania seeku ma kai kuufia abuku ana marukia tatha; ma nau kwai tataea afa boṉi iisi.

Jone 5:39

Muki rofe i la kekeda la abu eki, uria na manatamulua soso na marukia tatha ni iei ifamulua; ma si do eki boo na kai faamamanea suli nau;

I. Timothi 6:12

Oko firu ana firua lea eri asi do eki na kulu fitoona, oki rau ana marukia tatha eri, do na kera aili oe uria, no faamamanea lea inaofana toa oro na kera riki oe.

I. Thesalonika 2:15

Na kera thauṉia tha Lord Jesus ma porofeta kera ba ki, ma kera tari kamilia lau boo faisida, ma kesi faalea tha God, ma kera maalimae ana imole ni sui;

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Roma 5:4

Ma si lio ni susuu la kai ṉalia mai si lio ana thaitoomana lana si do ne ilitoodaki sui naa; ma si lio eri kai ṉalia mai manatatoo ṉado la uria si do ne lea:

Roma 5:2

Wane na kulu idu karaṉi lau bomai ani nia uria fitooa ana lea la eri na kulu takwe ania si maṉa eri; ma kulu seethathala ana manatatoo ṉado la uria inotoa tha God.

Roma 2:7

Ifana toa eki na kera rofe, asi lio ni susuu ṉado ana ili lana lea la, uria inotoa ma fare baita la ma si do na toto si fufura, kai falea marukia tatha:

Roma 1:2

Si do ne alaṉai nia dini u mai inao asi ṉata porofeta nia ki i la kekeda la abu eki,

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Mako 10:30

Nia kai ṉalia tee talaṉee do asi maṉa eri fuliṉana do ne akwasidaki, ana maafera ki, ma doorana kera, ma waiwaena ki, ma thainana kera, ma wela ki, ma oole ki, bia tona ilamatai la ki; ma asi kada na ni u kai ṉalia marukia tatha.

Mako 10:17

Ma si maṉa nia kai lae sula tale, tee wane e fita mai, ka boururu isana, ma ka soetoona, Wane ni kwaifamanatai ae, oe na abula lamu e lea, si ta na kwai ilia fasi kwai fulatoona marukia tatha?