Roma 10:3 - Ṉa Alaofua Falu 1923 1949

³ Sulaania uria na kera dora ania maalutana kokoto la tha God, ma kera thathamii faaṉadoa kokoto lada i talaada, kesi roo sulia kokoto la tha God.

Roma 10:3 Referans Kwoze

Filifae 3:9

Ma fasi keki fulatooku ani nia, fafia kokoto la nau i talaaku na ni ana ṉa lo e ai, fafia kokoto la ne lae mai ana fitoona lana tha Christ, kokoto la ne ita mai atha God ana fitooa neri:

Luke 16:15

Ma nia ka soree isada, Kamulua toa na mulu tala sorea inaofana imole na mulu kokoto; ma tha God e thaitoomana ruruumulua: uria si do na kera faabaita i maalutana imole ki si do na tha God e rikia ka mamagu ania.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Roma 5:19

Sulaania talafana ana ade lana tee nonii wane ne ade faisia si ṉata kera ilia na toa oro eki kera toa ana abula taa la, alafana lau boo ana ade lana tee nonii wane ne ade sulia si ṉata keki ilia na toa oro eki keki kokoto.

Roma 1:17

Sulaania asi kula eri kera fatai nia kokoto la ne ita mai atha God ana fitooa ma uria fitooa: ’uria kera keda, Ma wane kokoto kai maruki uria fitooa.

Roma 3:22

Kokoto la ne ita mai atha God ana fitoona lana tha Jesus Christ neri, ifana toa eki sui boo na kera fitoo; uria ne ai kesi eeta kwailiu;

Luke 10:29

Ma nia thathamii sorea nia kokoto, ma ka soree isatha Jesus, Ma wane nau eri ni tei?

Nehemiah 9:33

Ma sui si lio oe e oolo asi ade la eki sui bana na kera ilia iamilia neri, uria na ni oe o abula kokoto; ni kamilia molo mili abula taa boo:

Fa Ṉu Abu ki 71:19

Kokoto lamu, God ae, ka tae lau bana, ka baita; ni oe, God, no ilia si do baita ki, ni tei neri na kai totoo bi oe?

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Roma 3:26

Uria fatai lana kokoto la nia asi maṉa eri: fasi ni nia kai kokoto, ma kai ala fafia kokoto lana wane ne fitoona tha Jesus.

Roma 10:2

Sulaania nau ku faamamanea si do nau ku thaitoomana sulida, seemabea ifatha God ni isada, ma sulia manata lea la e ai.

Roma 10:20

Ma tha Aisaia e seeraa faamau, ka sorea, Toa ne ai kesi rofe uri nau kera fulatooku; Ku to fatai isana toa ne ai kesi soetooku asi do ki.

Roma 11:7

Si ta ni lau? Si do Isirela e rofe uria, e ai si fulatoona; toa eki ne filida kera fulatoona boo, ma kera faarorodoa maana oroṉana toa: