Roma 1:3 - Ṉa Alaofua Falu 1923 1949

³ Sulia Kaluwane nia tha Jesus Christ na Lord kulu, ne futa mai ana kwalafa tha Defeta ana seena imole,

Roma 1:3 Referans Kwoze

Mathui 1:1

Ṉa buka ana talisibara sulia tha Jesus Christ, kaluwane tha Defeta, kaluwane tha Aberahamo.

Galesia 4:4

Ma sui buriana na si maṉa nia eri e fula bonaa, tha God e bii arasia mai Kaluwane nia, ne futa ana wela kini, futa sulia ṉa lo,

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Jone 1:49

Tha Nathaniala e luua, ka soree isana, Rabae, oe ṉa Kaluwane tha God; oe Kiṉa Isirela.

Luke 1:35

Ma angel eri e luua, ka soree isana, Tha Spirit Abu kai fula fafi oe, ma sukwaia Nia ne Inoto ka tatha kai nunufi oe: mania lau boo si do abu na kai futa ani oe keki alaṉia ana Kaluwane tha God.

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

I. Thesalonika 1:10

Ma muki maakwalia Kaluwane nia na kai lae mai i thalo, ne tataea faisia maea, tha Jesus neri, ne lau kulu faisia rakeiria na toto kai fula mai.

Roma 9:5

Na maka ba inao ki na ṉa maka kera ki, ma Wane iada ana see imole na tha Christ, ne inoto fafia si do ki sui bana, na God na keka taṉoa toto si sui. Emeni.

Jone 20:28

Ma tha Tomasi e luua, ka soree isana, Lord nau ma God nau.

Jone 10:30

Ni nau ma ṉa Maka, kamarea tee Do boo.

Mathui 1:16

Ma tha Jekofo e tharea tha Josefa kwaina ni Meri, kini na tha Jesus e futa ania, wane na keki alaṉia ana ṉa Christ.

II. Timothi 2:8

Oki manatatoona tha Jesus Christ, Wane ana kwalafa tha Defeta na kera tataea faisia toa mae ki, sulia si faaroṉoa lea nau:

I. Korinitha 1:9

Tha God e mamana, na kera aili kamulua mai ani nia muki kwaimani lea bia Kaluwane nia tha Jesus Christ na Lord kulu.

Si do Aposela ki kera ilidaki 2:30

Mania uria ne porofeta, me thaitoomana na tha God e othi isana, ka sorea na nia toto kai alua Christ ba, Wane ana kwalafana, kai ono ana do ni ono la nia ana inotoa;

Jone 20:31

Ma si do nei ki kera keda, fasi muki fitoona tha Jesus ṉa Christ, Kaluwane tha God; ma uria na mulu fitoo, muki maruki ana thatana.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?

Jone 5:25

Mamana, mamana, ku soree isamulua, Si maṉa eri karaṉi na mai, ma ka fula naa, na toto toa mae ki keki roṉoa ṉata lana Kaluwane tha God; ma toa na keki roṉoa keki maruki.

Luke 1:69

Ma ka falea susukee do ana marukia ifakulua Ana kwalafa wane ni ra nia tha Defeta;

Mathui 27:43

Nia kai fitoona tha God; kai suusi nia maṉa eri, mada sa nia thathami nia: uria ne sorea, Nau Kaluwane tha God.

Mathui 26:63

Ma tha Jesus ka bona bana. Ma aofia ni foa ka soree isana, Nau ku faaothi oe ana ṉa God maruki, Oko faaroṉo kamilia mada sa ni oe ṉa Christ, Kaluwane tha God.

Mathui 15:22

Ma rikia fasi, tee kini Kenana toto mai oli lana fanua eri ka lae mai, ka ’ai, ka una eri, Oki tatakomi nau, Lord ae, oe kaluwane tha Defeta; thari nau spirit taa e thaumalawela.

Mathui 12:23

Ma malului wane eki keka tona, ma keka sorea, Kaluwane tha Defeta nai nia?

Mathui 9:27

Ma si maṉa na tha Jesus e tatha faisia kula eri, ro wane maade rodo keko lae iburiana, keki ’ai, ma keki una eri, Oki tatakomi kamarea mai, oe kaluwane tha Defeta.

Mathui 3:17

Ma lio fasi, liṉana tee ṉata la too mai thalo lo ki, ka una eri, Kaluwane liliothaua nau funia; e lea iaku uri nia.

Mathui 1:6

Ma tha Jesi e tharea tha Defeta ṉa kiṉa. Ma tha Defeta e tharea tha Solomona ana kini ne totoowane atha Uriasi;

Si do na kera fatai nia 2:18

Ma oki keda isana angel ana figua nai Thaeataera; Si do eki Kaluwane tha God e sorea, na ro maa nia ki e ’uria era na kai lamalama, ma aaene ’uria si thalo na kera ugula kai sinasina:

II. Jone 1:7

Sulaania toa oro na keki malaoea imole kera lae mai uri la fanua nei iano, toa na kesi faamamanea na tha Jesus Christ e fula i seena imole. Wane ba kai malaoea imole neri ma maalimae ba tha Christ.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

I. Jone 5:5

Ni tei na si nia kai tatha ana fanua nei iano, mada sa wane eri e ai na ka fitoo na tha Jesus na ṉa Kaluwane tha God?

I. Jone 5:1

Ni tei bana na ka fitoo na tha Jesus na ṉa Christ e futa atha God: ma ni tei na ka liothau ana ṉa Maka kai liothau ana wela nia lau boo.

I. Jone 4:15

Ni tei bana na kai faamamanea na tha Jesus e Kaluwane tha God, tha God ka to ana wane eri, ma wane eri atha God.

I. Jone 3:23

Ma si ṉata fifi nia nai nia, kuki fitoona thatana Kaluwane nia tha Jesus Christ, ma kuki liothau kwailiu ani kulu, ’uria lau boo e soree isakulua.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

I. Jone 1:3

Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Roma 1:9

Sulaania tha God kai faamamanea si do ne thaitoomana suli nau, nia na nau ku ra ifana ana spirit nau asi faaroṉoa lea sulia Kaluwane nia, ka sorea na nau ku ṉata suli kamulua ana foa la nau ki ta si maṉa si ei,

Si do Aposela ki kera ilidaki 9:20

Ma si maṉa eri u boo nia ka ṉata sulia tha Christ i lala biu ni ofu la eki, na nia Kaluwane tha God.

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Si do Aposela ki kera ilidaki 3:13

God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.

Jone 7:42

Ta na sa kekeda la abu ba e sorea na Christ kai maṉo mai ana kwalafa tha Defeta, ma i Bethelihemo, toaa na tha Defeta e toto iei, mado?

Jone 1:34

Ma nau ku rikia naa, ma ku faamamanea wane eri Kaluwane tha God.

Roma 4:1

Sui si ta na kuki sorea tha Aberahamo, na maka kamilia sulia seena imole e fulatoona?

Roma 9:3

Sulaania ku thathamia sa keka alua taa la kai to fafi nau i talaaku kwa eeta faisia tha Christ uria dooraku kera, ina laku kera ana see imole:

I. Korinitha 10:18

Rikia fasi Isirela mala fanua nei iano: ta na sa toa eki na kera ania do ni foa la ki keki to ana kwaimani lea la bia fulii era ni foa la eri, mado?

I. Timothi 2:5

Sulaania tee God, ma tee wane lau boo ni fofolo la i maalutana God ma ṉa imole, tha Christ Jesus, ne imole boo,