Roma 1:1 - Ṉa Alaofua Falu 1923 1949

¹ Tha Polo, wane ni ra tha Jesus Christ, na kera aili nau fasi kwai aposela, ma kera fili nau ifana si faaroṉoa lea tha God,

Roma 1:1 Referans Kwoze

Si do Aposela ki kera ilidaki 9:15

Ma ṉa Lord ka soree isana, Oki lae amua: uria nia do ni taiṉei la na nau ku filia ifaku, fasi kai ṉalia thataku inaofana Jenetaele ki ma kiṉa ki, ma kwalafa tha Isirela:

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

I. Korinitha 1:1

Tha Polo, wane na kera aili nau ku aposela tha Jesus Christ asi do na tha God e thathamia, ma doorakulua na tha Sothenisi,

Kolose 1:1

Polo, aposela tha Jesus Christ sulia si do na tha God e thathamia, ma doorakulua tha Timothiasi,

Taetasi 1:1

Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

Roma 1:9

Sulaania tha God kai faamamanea si do ne thaitoomana suli nau, nia na nau ku ra ifana ana spirit nau asi faaroṉoa lea sulia Kaluwane nia, ka sorea na nau ku ṉata suli kamulua ana foa la nau ki ta si maṉa si ei,

II. Korinitha 1:1

Polo, aposela tha Jesus Christ asi do na tha God e thathamia, ma doorakulua na tha Timothi, isana figua tha God nai Korinitha, bia toa abu eki sui bana na kera to i fanua i Akaia ni sui:

I. Korinitha 9:1

Nau aposela e ai? nau kwasi tonee to? kwasi rikia tha Jesus Christ na Lord kulu? ni kamulua ṉa ra nau ana ṉa Lord e ai?

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

I. Timothi 1:1

Polo, Aposela tha Jesus Christ sulia si ṉata fifi tha God ne faamaruki kulu, ma tha Lord Jesus Christ na kulu manatatoo ṉado uria;

Galesia 1:1

Polo, ṉa aposela (aposela wane ki e ai, ma sulia wane ki ka ai lau boo, atha Jesus Christ ana, ma tha God na Maka, ne tataea faisia toa mae ki),

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

I. Thesalonika 2:2

Ma si maṉa na mili toto totonao ana seefia, ma kera fare taa iamilia i Filifae na ba, si do mulu thaitoomana neri, mili bii seeraa ana God kamilia fasi miki ṉata sulia si faaroṉoa lea tha God isamulua i maalutana do oro ne suusia.

Roma 1:5

Wane na mili ṉalia lea la ma thatana aposela ki ani nia, fasi keki ade sulia si do na kulu fitoona i maalutana toa na fanua ni sui bana, uria thatana:

Filifae 1:1

Tha Polo ma tha Timothiasi, wane ni ra tha Christ Jesus ki, isana toa abu ki sui boo atha Christ Jesus nai Filifae, bia wane nanao ki ma wane ni ra ki:

Si do na kera fatai nia 1:1

Si do na tha Jesus Christ e fatai nia, na tha God e falea ifana fasi kai fatai nia si do eki na kai makee fula bomai, e ai si ei, isana toa ni ra nia ki: ma nia falea mai me fatai nia ana angel nia isana wane ni ra nia na tha Jone;

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ:

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Jemesi 1:1

Tha Jemesi, wane ni ra tha God ma tha Lord Jesus Christ, kai aratai lea la ana tee akwala ma ro kulee toa ba ki na kera lae tataka.

Hibaru ki 5:4

Me ai ta wane si faabaita nia i talaana fasi kai ilia si do eri, ma wane eri ana na tha God ka aili nia mania, ’uria lau boo tha Erona.

Filifae 2:11

Ma fasi meana toa eki sui bana kai faamamanea tha Jesus Christ na nia Lord, ana inotoa tha God na Maka.

Efesasi 4:11

Ma nia e falea tei aposela ki; ma tei porofeta; ma tei toa ana ṉata la sulia si faaroṉoa lea; ma tei toa ana toi la kalia sifi nia ki, ma toa ni kwaifamanatai ki;

Efesasi 1:13

Nia na ni kamulua lau boo, buriana na mulu roṉoa si baea ana mamana la eri, si faaroṉoa lea ana marukia kamulua, — nia na, si maṉa na mulu fitoona, kera faaṉado kamulua lau boo ani nia atha Spirit Abu ana alaṉaia eri,

II. Korinitha 12:11

Nau ku oewanea naa ana faabaita laku i talaaku: kamulua mulu suuwai nau ania; uria do kokoto sa ni kamulua muki ṉata suli nau: sulaania nau kwasi aru buri ana toa na kera inoto ka tatha i maalutana aposela ki, boro so ni nau tonee do ni mena.

II. Korinitha 11:5

Uria na manataku na nau e ai dodoloa kwai aru buri ana toa inoto ka tatha i maalutana aposela ki.

II. Korinitha 4:5

Uria na mili ṉata suli kamilia i talaamilia e ai, sulia tha Christ Jesus na nia Lord, ma ni kamilia wane ni ra kamulua ki inunufatha Jesus.

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Si do Aposela ki kera ilidaki 22:21

Ma nia soree isaku, Oki lae: uria ni nau kwai arasi oe oki lae da faisia si kula eri uria Jenetaele ki.

Si do Aposela ki kera ilidaki 22:7

Ma nau ku asi nau i theegano, ku roṉoa liṉana si ṉata la ne una eri isaku, Solo, Solo, uria ta noki tona ilamatai nau?

Si do Aposela ki kera ilidaki 20:24

Ma nau ku doanita asi do eki sui boo, ma kwasi ogoni ana maṉoku, ’uria si do nau ku liothau ania, fasi kwai fita lea ana fita la nau, ma kwai ilia si ra eri na nau ku ṉalia atha Lord Jesus, faamamane lana si do nau ku thaitoomana sulia si faaroṉoa lea ana lea la tha God.

Si do na kera fatai nia 22:9

Ma nia ka soree isaku, Ada oko ilia: nau ku ra ifatha God ’uria lau boo ni oe ma dooramu kera na porofeta ba ki, bia toa na keka ade sulia si baea ana buka nai: oki faabaita tha God.

Kolose 1:25

Na kera alu nau nau wane ni ra la ania, sulia si do na tha God e takofale nau ania kwai ra ania uri kamulua, uria faamamane lana bae lana tha God,

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Roma 16:25

Sui nia ne sukwai ana faaṉado lamulua la sulia si faaroṉoa lea nau ma ṉata la eri sulia tha Jesus Christ, sulia si do eri na kera fatai nia ne toto thaufuni ita mai asi maṉa u asia mai inao ne ai si sui,

Roma 16:18

Sulaania toa una eki e ai kesi ra ifana ṉa Lord kulu tha Jesus Christ, ifana rakeda i talaada; ma ana ṉata lada roṉo lane lea ma bae lada ne gwagwaria keka lolea manatana toa na kesi maakwalia taa la anida.

Roma 15:29

Ma nau ku thaitoomana, si maṉa kwai fula isamulua, kwai fula ana lea la baita ka tatha na ni asi faaroṉoa lea tha Christ.

Roma 11:13

Uria nau ku ṉata isani kamulua Jenetaele ki. Sulaania nau aposela Jenetaele ki, nau ku fare baita ana ra nau:

Si do Aposela ki kera ilidaki 27:23

Sulaania tee angel ana ṉa God na do nia ni nau, ma kwa ra lau boo ifana, e takwe isaku afa rodo eri boo,

Si do Aposela ki kera ilidaki 26:1

Ma tha Agiripa ka soree isatha Polo, Keki alamatai oe oki tala ṉata amua ana adomi lamu la. Sui tha Polo ka tekwasia abana, ka ṉata fasi kai suusia taa la faisi nia:

Si do Aposela ki kera ilidaki 13:9

Sui tha Solo, na kera alaṉi nia lau boo atha Polo, na kera faafuṉu nia atha Spirit Abu, ka lio tete uri nia,

Jone 15:15

E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 12:26

Mada sa ta wane ka ra ifaku, nia kai lae mai iburiaku; ma si kula nau kwai to iei, kula eri lau boo wane ni ra nau kai to iei: mada sa ta wane ka ra ifaku, nia na Maka nau kai fare baita ania.

Si do na kera fatai nia 22:6

Ma nia ka soree isaku, Si baea fitoo ma mamana neri: ma tha Lord, ṉa God ana spirit eki ana porofeta ba ki, e arasia angel nia uria fatai lana si do eki isana toa ni ra nia ki na kai makee fula e ai si ei boo.

Hibaru ki 7:26

Uria na aofia ni foa ne una eri e faraka, Wane abu, ne ai si lole, ne dodoloa, ne eeta faisia toa na kera abula taa, na kera alua kai baita ka tatha ana thalo lo ki;

Si do Aposela ki kera ilidaki 26:14

Ma si maṉa ni kamilia sui mili asi kamilia i theegano, nau ku roṉoa liṉana si ṉata la ne una eri isaku ana ṉata lana Hibaru ki, Solo, Solo, uria ta noki tona ilamatai nau? e afetai iamu soki ato falaburi i maana sua.

Si do Aposela ki kera ilidaki 21:40

Ma si maṉa ne alamatania, tha Polo ka takwe ana lalaefa, ka faabona toa eki ana abana; ma si maṉa kera to aroro, nia ṉata isada ana ṉata lana Hibaru ki, ka una eri,

Jone 15:20

Muki onotoona si baea ba na nau ku soree isamulua, Wane ni ra e ai si baita si tatha ana wane inoto nia. Mada sa kera tona ilamatai nau, keki tona ilamatai kamulua lau boo; mada sa kera ade sulia bae laku, keki ade lau boo sulia bae lamulua.

Mako 1:14

Sui buriana na kera alua tha Jone i la lokafu, tha Jesus ka fula i Galili, ka ṉata sulia faaroṉoa lea ana tooa tha God,

II. Korinitha 2:12

Ma si maṉa ba na nau ku fula i Toroasi uria si faaroṉoa lea tha Christ, ma kera ifinia maa ifaku ana ṉa Lord,

II. Korinitha 11:7

Mado ku abula taa asi kula eri na nau ku abula seseka fasi keki faabaita kamulua, uria na musi usi nau si maṉa ba nau ku ṉata sulia si faaroṉoa lea tha God isamulua?

I. Thesalonika 2:8

Talafana, uria na mili thathami kamulua, mili seethathala ana fale lana, talitoona si faaroṉoa lea tha God ifamulua e ai, maṉomilia i talaamilia lau boo, sulaania mili riki kamulua ka lea faamau.

I. Thesalonika 2:9

Uria na mulu manatatoona, doora kera, ra kamilia na mili ulafu ania na ba ma ra baita kamilia: na mili ra afa rodo ma afa thato, fasi e ai misi kulua fafia ta wane iamulua, si maṉa na mili ṉata sulia si faaroṉoa lea tha God isamulua.

I. Pita 4:17

Uria na si maṉa eri Wane ni Kotu kai thafalii ṉata sulia toa nai biu tha God: ma mada sa do eri kai thafali mai totonao ani kulu, gwauna na ṉa ta, toa eki na kesi ade sulia si faaroṉoa lea tha God?