Nehemiah 9:5 - Ṉa Alaofua Falu 1923 1949

⁵ Sui Lifaete eki, tha Jesua, ma tha Kamiele, tha Baani, tha Asanaea, tha Serebaea, tha Odaeja, tha Sebanaea, ma tha Betaea, keka una eri, Muka takwe iaa, taṉoa fasi tha Jihova na God kamulua toto si sui: taṉo la e farana thatamu ne inoto faamau me ni iaa ka tatha asi do eki sui bana na kera faare baita ania ma keka taṉoa.

Nehemiah 9:5 Referans Kwoze

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

Mathui 11:25

Asi maṉa eri tha Jesus e luua, ka sorea, Nau ku sore lea iamu, Maka ae, Lord ana thalo lo ma fanua nei iano, uria na thaufunia si do eki faisia toa liode too ma toa manatade kali, mo fatai nia isana wela aabu ki:

Fa Ṉu Abu ki 146:2

Sulia fa boṉi eki na nau kwai to, kwai taṉoa boo tha Jihova: nau kwai kwaia ṉado fa ṉu ki isana God nau si maṉa na kwai to ana marukia.

Fa Ṉu Abu ki 145:5

Nau kwai ṉata sulia inotoa baita ka tatha na keki faare baita iamu sulia, ma si ra oe ni kwele la anidaki.

Fa Ṉu Abu ki 145:2

Sulia boṉi nau kwai taṉo oe; kwai taṉoa thatamu toto si sui.

Fa Ṉu Abu ki 134:1

Rikia fasi, taṉoa tha Jihova, kamulua sui na toa ni ra tha Jihova, na muka takwe afa rodo i la biu tha Jihova.

Fa Ṉu Abu ki 106:2

Ni tei neri ne talaana ṉata la sulia abula lana tha Jihova ne rigita, mado fatai lana si do eki sui bana na keki taṉoa thatana fafia?

Fa Ṉu Abu ki 16:2

Nau ku una eri isatha Jihova, Arai nau na ni oe: ni oe e a’i faisia, e a’i akua ta lea la.

Nehemiah 9:4

Sui tei Lifaete ki keka takwe ada ifafona kasi kula dedema eri ne ni iaa; tha Jesua neri, ma tha Baani, tha Kamiele, tha Sebanaea, tha Bani, tha Senani; keka ’ai thatana tha Jihova na God kera ana ’ai la baita.

Nehemiah 9:6

Tha Jihova na ni oe, talifili oe italaamu; o thauwai nia thalo lo ma fanua eki fafia thalo lo ki, bia omea baita kera ki sui bona, fanua na i iano ma si do ki sui boo na ni fafona, amali eki ma si do ki sui boo na ni laala, ma ni oe neri noko lio sulaania si do eki sui bana; ma omea baita i thalo lo keka faare baita iamu.

Fa Ṉu Abu ki 66:2

Muka kwaia fa ṉu ana taṉo lana thatana ne inoto faamau: muka taṉoa ana faare inoto la iana.

Fa Ṉu Abu ki 99:3

Keki taṉoa fasi thatamu ne baita ma ka kwaifamaui: ni nia e abu.