Nehemiah 8:1 - Ṉa Alaofua Falu 1923 1949

¹ Ma toa eki sui bana ada tee si lio ma tee si manata la, keka figu isana tala eri ne ni otofana maethakaa kafo; ma keka soree isana wane ni kekeda eri na tha Esera sa kai ṉalia mai buka ana lo tha Mosisi, lo eri na tha Jihova e ṉata fifi sulia na ba isana Isirela.

Nehemiah 8:1 Referans Kwoze

Nehemiah 3:26

Ma sui Netinimu ki keka to bada i Ofelo, ka fula asi kula otofana maethakaa kafo, ne lio uria si kula ana tae lana thato, ma faelaṉi ni toi la eri na ka takwe i maana fera eri.

Mathui 23:34

Mania, rikia fasi, kwai arasia mai porofeta ki isamulua, bia toa liode too, ma wane ni kekeda ki: tei wane iada muki thauṉia ma muka fota fafida ana ’ai rarafolo; ma tei wane iada muka kwae tataria ana sulida i la biu ni ofu la kamulua ki, ma toto muka tona ilamatanida too ana tee toaa susu, lae ka fula ata toaa susu:

Mathui 23:13

Taa la kai thauṉi kamulua, wane ni kekeda ki ma Farisi ki, toa na muki olodola! uria na mulu fonoa tooa i thalo faisia imole: kamulua e ai musi kotho iei, ma toa na sa keki kotho mena e ai musi alamatanida kesi kotho iei.

Mathui 23:2

Ka una eri, Wane ni kekeda ki bia Farisi ki keki ono i fuila tha Mosesi:

Mathui 13:52

Ma nia ka soree isada, Mania wane eri ana wane ni kekeda ki na kera tolea ana tooa i thalo e ’uria ta wane gwauwai ana biu, ne ṉalia mai si do falu ki bia do u ki naa ana ogogonia nia.

Nehemiah 12:37

Ma isana maethakaa ruka‐mauri eri ne ni otofada, keka tae ana lalaefa uria toaa susu tha Defeta, asi kula ana tae lana sulufau eri, ka tatha fafia maafera tha Defeta, lalae keka fula ana maethakaa kafo, ne lio uria si kula ana tae lana thato.

Nehemiah 8:16

Mania toa eki keka lae nada, keka ṉalia mai, keka thauwai nia ooba kera ki, wane boo ifafona maafera nia, ta wane boo ifafona maafera nia, ma i la labata kera ki, ma i la labata ki ana biu tha God, ma sulia tala rerebaa isana maethakaa kafo, ma sulia tala rerebaa isana maethakaa i Ifiremu.

Nehemiah 8:3

Ma nia ka teemai nia si ṉataa ne ilaala sulia tala eri ne ni otofana maethakaa kafo, ka thafalia i la si uusuwadia u boo, ka fula i initoona thato, inaofana wane eki, ma kini eki, ma toa eki na kera talaana thaitoomana lana maalutana; ma toa eki sui bana keka fafuroṉoa si baea ne i la buka ana ṉa lo.

Nehemiah 12:26

Wane eki kera to bada afa boṉi eki ana to lana tha Joikimu na kaluwane tha Jesua, kaluwane tha Josadeka, ma afa boṉi eki ana to lana wane gwauwai gafumanu eri na tha Niimaea, ma ana to lana wane ni foa eri na ṉa wane ni kekeda, tha Esera neri.