Nehemiah 7:2 - Ṉa Alaofua Falu 1923 19492 Nau ku bii alua dooraku na tha Ananae, ma tha Ananaea, na wane ne inoto ana biu baita kiṉa, kekoi nanao ana fono toi la kalia Jerusalema: uria ni nia wane mamana, me faare baita atha God ka tatha ana toa oro. Gade chapit la |
Ma akua ta leta isatha Esafa, na wane ni beta la sulia masuu kiṉa nei, ’ai oro ki ni iei, fasi kai falea akua tei rebee ai ki fasi kwai thauwai nia ma’e ’ai ki ifana baba maethakaa ki i la labata ana biu baita eri, ma ifana sulufau kakalia toaa susu eri, ma ifana maafera ni nau kwai kotho isana. Ma kiṉa nei kai falea boo si do eki sulia abana God nau ne lea fafi nau.
Ma nau ku alua tei wane keki nanao asi kula eki ana ogogonia ki, wane ni foa na tha Selemaea neri, ma wane ni kekeda na tha Sadoka, ma ana Lifaete ki tha Bedaea: ma iburiada tha Anana kaluwane tha Saka, kaluwane tha Matanaea: uria na kera sorea sulia wane eki na wane mamana ki neri, ma ra kera na toli la ifana ina lada kera.
Wane gafumanu ki na kera gwauwai, na kera toto inaoku, kera suuwai nia toa eki keka usida boo, keka ṉalia ta si faṉa ma ta si waene faisida, fai tafulu sekele ana silifa ka safua; iu, wane ni ra kera ki mena keka thasi naunau uria toa eki: ni nau molo, uria faare baita la na nau ku faare baita atha God, e a’i kwasi ade una eri.
Ma nau kwa una eri isadaroa, Ada keka ifinia maethakaa Jerusalema ki si maṉa na thato e a’i si thatofifi u; ma si maṉa na keki takwe bada isana, keki fonoa baba eki, keki faaṉadoa: keki alua wane i Jerusalema ki keki tharai ana ofu la ki asi maṉa kera ki, wane boo otofana maafera nia, ta wane boo otofana maafera nia.