Nehemiah 6:1 - Ṉa Alaofua Falu 1923 1949

¹ Ma lalae mai si maṉa na tha Sabalata, ma tha Tobaea, ma tha Gasemu, wane eri i Arebia, ma oroṉana maalimae kamilia ki, kera roṉoa naa thauwaia na nau ku thauwai nia ana sulufau eri, ne a’i ta si kula na kera ogea si laa naa (boro so ka fula mena asi maṉa ba nau kwasi takwelaṉania u baba ana maethakaa eki);

Nehemiah 6:1 Referans Kwoze

Nehemiah 2:19

Ma si maṉa na Sabalata ṉa Horonaete, ma wane ni ra eri na tha Tobaea ṉa Amonaete, ma tha Gasemu na wane i Arebia, kera roṉoa, keka waela, keka aefara iamilia, keka faare faekwa ani kamilia, keka una eri, Si ta neri na ni kamulua muki ilia? muki firu bia kiṉa nei, mado?

Nehemiah 2:10

Si maṉa na tha Sabalata ṉa Horonaete, ma wane ni ra eri na tha Tobaea ṉa Amonaete kero roṉoa, keko bii liodila faamau, sulaania wane ne fula mai fasi kai adomia kwalafaa tha Isirela ki.

Nehemiah 4:1

Ma lalae mai, si maṉa na tha Samabalata e roṉo kamilia, na mika uia sulufau eri, nia ka rakeiri, ka rakeaṉoṉo faamau, ka aefara ana Ju ki.

Nehemiah 3:3

Sui baba ifana maethakaa gwa i’a ki, kaluwane tha Asena ki keka thauwai nia; keka alua ma’e ’ai nia ki, ma keka takwelaṉania rebee ’ai ki ifana, bia fuila ki nia ki, ma falo nia ki.

Nehemiah 3:1

Sui aofia ni foa na tha Ilaesifu ka tae mai bia ina lana kera na wane ni foa ki, ma keka thauwai nia baba ifana maethakaa sifi ki; keka faaabua, keka takwelaṉania rebee ’ai ki ifana; lalae ka fula ana faelaṉi ni toi la i Mia keka faaabua, ana faelaṉi ni toi la tha Ananila neri.

Nehemiah 3:6

Ma maethakaa eri ne ni mai inao, tha Jihoida kaluwane tha Basea, ma tha Mesalama kaluwane tha Besodaea, keko thauwai faalu lau ania; keka alua ma’e ’ai ana baba eri ki, ma keka takwelaṉania rebee ’ai ki ifana, ma fuila ki nia ki, ma falo nia ki.

Nehemiah 7:1

Ma lalae mai, si maṉa na mili uia sulufau eri ka fono, ma nau ku takwelaṉania naa baba eki, ma kera alua naa wane ni fono toi la kalia maethakaa ki ma wane ni ṉu la ki ma Lifaete ki,

Nehemiah 13:4

Ma asi maṉa inaona si ade la eri, wane ni foa eri na tha Ilaesifu, na kera alua fasi kai nanao ana kadee biu eki ana biu God kamilia, e ado bia tha Tobaea;