Nehemiah 1:11 - Ṉa Alaofua Falu 1923 1949

¹¹ Arai Lo ae, nau ku ṉata kwaitakoi kau isamu, alamatai nia fasi aliṉamu kai fafuroṉoa foa la wane ni ra oe, ma foa la toa ni ra oe nei ki, na mili thathamii faare baita ana thatamu: ma oko falea fasi mamanaa ifana wane ni ra oe itaraena, oko falea tatakomia ifana i maana wane nei. (Uria ni nau wane ku ṉalia titiu ni kuu la ifana kiṉa nei.)

Nehemiah 1:11 Referans Kwoze

Nehemiah 1:6

Alamatania fasi aliṉamu kai fafuroṉo, ma maamu kai tharai, fasi oki roṉoa foa la wane ni ra oe nei na nau kwai foa inaofamu asi maṉa eri, afa thato mafa rodo, uria toa ni ra oe eki na kwalafaa tha Isirela, ma nau kwai faaroṉo lalaa ana abula taa la kwalafaa tha Isirela ki, na mili abula taa ania uri oe na ba: ni nau ma toa maka nau ki mili abula taa boo.

Nehemiah 2:8

Ma akua ta leta isatha Esafa, na wane ni beta la sulia masuu kiṉa nei, ’ai oro ki ni iei, fasi kai falea akua tei rebee ai ki fasi kwai thauwai nia ma’e ’ai ki ifana baba maethakaa ki i la labata ana biu baita eri, ma ifana sulufau kakalia toaa susu eri, ma ifana maafera ni nau kwai kotho isana. Ma kiṉa nei kai falea boo si do eki sulia abana God nau ne lea fafi nau.

Nehemiah 2:1

Ma lalae mai ana fa madami Nisana ana ruana taṉafula fa ṉali kiṉa nei na tha Atasasisi, ta si waene ni inaofana: ma nau ku tafoa si waene eri, ku falea isana kiṉa nei. Ma inao mai maaku si lilio ni liodilaa inaofana.

Hibaru ki 13:18

Muki foa uri kamilia: uria na mili thaitoomana boo amilia si lio ne lea, mili thathamia to lamilia kai dodoloa asi do ki sui bana.

Fa Ṉu Abu ki 130:2

Arai Lo ae, roṉoa fasi liṉana ṉata laku: oko fafueliṉaa fasi liṉana ṉata fifi laku ana foa la ki.

Fa Ṉu Abu ki 86:6

Oko fafueliṉaa foa la nau, Jihova ae; oko fafuroṉoa liṉana ṉata fifi laku ana foa la isamu.

GENESIS 40:21

Ma nia ka oli fafia wane eri ne nanao ana toa ni beta lana waene, kai ra lau bana asi ra eri; ma nia kai falea titiui do i abana tha Fero:

GENESIS 40:23

Una ena mena, wane eri ne nanao ana toa ni beta lana waene e a’i si onotoona tha Josefa; ka liodora ani nia.

GENESIS 41:9

Sui wane eri ne nanao ana toa ni beta lana waene ka ṉata mai satha Fero, ka una eri, Afa boṉi nei nau ku onotoona abula garo laku:

GENESIS 32:11

Nau ku thathamia oki suusi nau faisia abana thooku, faisia abana tha Iso neri: uria ni nau ku mau ani nia, ada ka lae mai, ka thauṉi nau, ma kini ne welaa bia wela nia ki.

GENESIS 43:14

Ma nau ku thathamia na tha God ne Sukwai ka Tatha kai adea na muki fulatoona tatakomi la inaofana wane eri, fasi kai arasia mai dooramulua ba ma tha Benijamini. Mada sa wela nau ki keka mae faisi nau, kwai inamae bonaa.

GENESIS 32:28

Ma wane eri ka sorea, Kesi alaṉia lau thatamu atha Jekofo, keki alaṉia atha Isirela: sulaania o firu bia tha God ma bia imole ki, ma sii oe e tatha naa.

GENESIS 40:2

Ma tha Fero ka rakeiri uria ro wane ana wane ni ra nia ki, wane ne nanao ana toa ni beta lana waene neri, ma wane ne nanao ana toa ni naare la.

GENESIS 24:42

Ma lalae ku fula ibaari isana malaui kafo nei, ma nau ku una eri, Jihova ae, God wane inoto nau na tha Aberahamo, mado soki falea mamanaa fafia laea nau na nau ku lae ania neri:

GENESIS 40:1

Ma lalae mai, buriana si ade la eki, wane ni beta lana waene ifana kiṉa eri i Ijifi, ma wane ne naarea fana nia, kero abula garo uria wane inoto keroa na ṉa kiṉa i Ijifi.

Fa Ṉu Abu ki 61:5

Sulaania ni oe, God ae, o roṉoa naa si do ku othidaki: o falea si do eri iaku na toa eki na kera faare baita ana thatamu keki fulatoona.

Fa Ṉu Abu ki 106:46

Nia ka alua lau boo si lio ni tatokomi la i ruruuna toa eki sui bana na omea kilua e lauda.