Mathui 9:4 - Ṉa Alaofua Falu 1923 1949

⁴ Ma tha Jesus, uria ne thaitoomana manatada, ka sorea, Uria ta na muki manatatoona si do taa ki i manatamulua?

Mathui 9:4 Referans Kwoze

Luke 6:8

Sui nia e thaitoomana lioda; ma ka soree isana wane eri na abane mae, Tatae, oki takwe i maalutamilia. Ma nia tatae, ka takwe.

Mathui 12:25

Ma tha Jesus e thaitoomana manatada, ma ka soree isada, Tooa ni sui bana na keki tala firu bi kera i talaada, keki funu; ma toaa susu ni sui bana mado biui wane na keki tala firu bi kera i talaada, kesi ṉado:

Si do na kera fatai nia 2:23

Ma nau kwai thauṉia wela nia ki keki mae; ma figua eki sui bana keki thaitoomana nau ni nia na ku rofe i manatana imole ki ma i ruruuda: ma nau kwai falea si do na kai duua si ra kamulua ki fani kamulua sui, ta imole si ei.

Jone 16:30

Si maṉa eri mili thaitoomana naa no thaitoomana maalutana si do ki sui bana, ma osi rofea ta wane kai soetoomu: uria si do nei mili fitoo no lae mai oko ita atha God.

Luke 11:17

Ma ni nia, uria ne thaitoomana manatada, ka soree isada, Tooa ni sui bana na keki tala firu bi kera i talaada keki funu; ma biui wane na keki tala firu bi kera i talaada keki sui.

Fa Ṉu Abu ki 139:2

O thaitoomana ono laku ma tatae laku, o thaitoomana maalutana si manata la na i manataku si mana ne ni u mai.

Fa Ṉu Abu ki 44:21

Tha God kai rofetoona si ade la eri, mado? uria na ni nia ka thaitoomana si do eki ne to thaufuni i rurui imole.

Si do Aposela ki kera ilidaki 5:9

Sui tha Pita ka soree isana, Nifana ade lana ni kamaroa moro ṉata ofu na moka ilitoona Spirit tha Lord? rikia fasi, aaena toa na kera kwaiṉei nia kwaimu ni maa, ma keki ṉali oe kau.

Jone 16:19

Tha Jesus ka thaitoomana ua kera thathamii soetoona uria, ma ka soree isada, Muki soetoomulua kwailiu uria si do eri, na nau ku sorea, Ta kasi maṉa faekwa, ma kamulua e ai musi riki nau; sui ta kasi maṉa faekwa lau, ma muki riki nau lau?

Jone 6:64

Sui tei toa iamulua musi fitoo. Uria tha Jesus e thaitoomana u bomai ana thafali la ni tei kera na kesi fitoo, ma ni tei na toto kai faaalamai nia.

Jone 6:61

Ma sui tha Jesus, uria ne thaitoomana i talaana na toa nia ne toleda kera uubulu asi do eri, ka soree isada, Do eri kai faataofai kamulua?

Jone 21:17

Ula nia ka soree isana, Saimona, kaluwane tha Jonasi, oki thathami nau? Tha Pita liona ka dila uria na nia ula ka soree isana, Oki thathami nau? Ma nia soree isana, Lord, o thaitoomana si do ki sui bana; o thaitoomana na nau ku thathami oe boo. Tha Jesus e soree isana, Oko tharea sifi nau ki.

Luke 5:22

Ma si maṉa na tha Jesus e thaitoomana lioda, nia luuda, ma ka soree isada, Si ta na muki laloma sulia i ruruumulua?

Mako 12:15

Kamilia miki falea, mado misi falea? Ma nia thaitoomana olodola la kera, ka soree isada, Uria ta na muki ilitooku? ṉalia mai tee peni isaku, fasi kwai rikia.

Mako 2:8

Ma si maṉa eri u boo na tha Jesus ka thaitoomana i liona na kera laloma una eri adalua, nia ka soree isada, Uria ta na muki laloma sulia si do eki i ruruumulua?

Luke 7:40

Ma tha Jesus e luua, ka soree isana, Saimona, nau akua tee si do kwai soree isamu. Ma nia ka sorea, Wane ni kwaifamanatai ae, oki sorea mai.