Mathui 9:35 - Ṉa Alaofua Falu 1923 1949

³⁵ Ma tha Jesus e lae olili i la toaa susu ki ma toaa faekwa ki, kai kwaifamanatai la biu ni ofu la kera ki, ma ka ṉata sulia faaroṉoa lea ana tooa, ma kai faamarukia toa na si do oro ki e thauṉida bia toa na kera matai ana mataia oro ki bana.

Mathui 9:35 Referans Kwoze

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Mako 6:56

Ma fanua ifei na nia ka fula iei, i la toaa faekwa ki, mado i la toaa susu ki, mado i fanua na ṉadee si toaa ni iei, kera alua toa na kera matai keki teo isana usia ki, ma kera ṉata kwaitakoi isana fasi mado e ai keka suana boro so talitoona tagwarana tooni nia ni mena: ma toa eki na kera sua nia kera maruki.

Mathui 11:5

Toa maade rodo keki lio naa, toa aede katu keki lae, toa uru e thauṉida keki faafaluda; toa aliṉade bani keki roṉo, ma toa mae keki tataeda, ma toa na kesi rikii do keki ṉata sulia faaroṉoa lea isada.

Luke 13:22

Ma nia ka liu i la toaa susu ki ma toaa faekwa ki, kai kwaifamanatai, ma kai lae uri Jerusalema.

Si do Aposela ki kera ilidaki 2:22

Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Mako 6:6

Ma nia ka kwele sulaania fitala lada. Ma nia ka lae olili la toaa faekwa eki, ka kwaifamanatai.

Mathui 11:1

Ma lalae mai, buriana na tha Jesus e faaroṉoa sui naa akwala ma ro wane nia ki ne toleda ana ade la sa keki ilia, nia lae kau fasi ka kwaifamanatai ma ka ṉata i la toaa susu kera ki.

Mathui 10:1

Ma nia ailia mai akwala ma ro wane nia ne toleda isana, ma ka falea sukwaia ifada fafia spirit taa ki, fasi keki arasida, bia fasi keki faamarukia toa na si do oro ki bana e thauṉida bia toa na kera matai ana mataia oro ki.

Mako 1:14

Sui buriana na kera alua tha Jone i la lokafu, tha Jesus ka fula i Galili, ka ṉata sulia faaroṉoa lea ana tooa tha God,