Mathui 8:4 - Ṉa Alaofua Falu 1923 1949

⁴ Ma tha Jesus ka soree isana, Ada oko faaroṉoa ta wane; lae kamua, oko fatai oe isana wane ni foa, ma oko falea si do na tha Mosesi e sorea, ana faamamane la isada.

Mathui 8:4 Referans Kwoze

Luke 17:14

Ma si maṉa ne rikida, nia ka soree isada, Lae, muki fatai kamulua isana wane ni foa ki. Ma lalae, si maṉa na keki lae, kera faafaluda.

Luke 5:14

Ma nia ka faaroṉo nia si faaroṉoa ta wane: lae kamua, oko fatai oe isana wane ni foa, ma oki faledo maana faafalu lamu, kai lae sulaania si do na tha Mosesi e sorea, ana faamamane la isada.

Mako 7:36

Ma nia ka bae fifi isada kesi faaroṉoa ta wane: sui nia ka bae fifi isada ka faamau mena, keka bii faaroṉo faladoa ania.

Mathui 9:30

Ma maada ka laa. Ma tha Jesus ka bae fifi asia isada, ka una eri, Ada ta wane ka roroṉoa.

Mako 6:11

Ma ni tee bana ne ai si thathagoni kamulua, ma ka ai si roṉoa bae lamulua, si maṉa na muki lae faisia fanua eri, muki tagaraṉai nia gegeona theegano faisia lofo aemulua ana faamamane la isada. Mamana ku soree isamulua, Si do taa na kai uria i Sodomo ma i Gomora kai faekwa asi do taa na kai uria toaa susu eri afa boni ana kotu baita.

Mako 5:43

Ma nia ṉata fifi isada fasi ta wane si roṉoa: ma ka faaroṉo kera keka falea ta si do thari eri kai ania.

Mathui 17:9

Ma si maṉa na kera sifo mai faisia gwa tolo eri, tha Jesus e faaroṉo kera, ka una eri, Musi faaroṉo asi do na mulu rikia isata wane, ka maasia si maṉa na Kaluwane imole e tatae naa faisia toa mae ki.

Mathui 10:18

iu ma toto keki talai kamulua mai isana inaofana wane inoto ki ma kiṉa ki inunufaku, uria faamamane la isadalua bia Jenetaele ki.

Mathui 6:1

Muka fia ada muki ilia si do kokoto na muki ilia inaofana imole, fasi keki rikia: mada sa muka ade una eri, ka ai amulua ta kwaiara isana Maka kamulua ne ni mei thalo.

Mathui 5:17

Ada muka soso so ku lae mai uria tofe la faisia ṉa lo mado porofeta ba ki: kwasi lae mai uria tofe la faisia e ai, ku lae mai uria faamamane lana.

Jone 8:50

Ma nau kwasi rofea inotoa nau i talaaku: ni nia to bana na kai rofea, ṉa wane ni kotu na kai ṉata neri.

Jone 7:18

Wane na kai ṉata i talaana kai rofe uria faainoto lana i talaana: ma wane na kai rofe kai faainoto nia ne arasi nia mai, wane eri e mamana, me ai ta do kekeo si ni ani nia.

Jone 5:41

Nau kwasi rofea sa imole ki keki faainoto nau.

Luke 21:13

Si do fasi muki faamamanea si do na mulu thaitoomana.

Mako 8:30

Ma nia ka ṉata fifi isada kesi faaroṉoa ta wane ani nia.

Mathui 16:20

Sui nia ka bae fifi isana toa ne toleda e ai kesi faaroṉoa ta wane na nia tha Jesus ṉa Christ.

Mathui 3:15

Ma tha Jesus e luua, ka soree isana, Alamatai nia si kada eri: sulia fasi e farakoroa na koki faamamane una eri ana kokoto la ni sui boo. Ma nia kai bii alamatai nia neri.

Mako 13:9

Ma muki to kinakina ana beta lamulua la: uria na toto keki fale kamulua ifana ofu la ki; ma keki kwae kamulua i la biu ni ofu la ki; ma toto keki talai kamulua inaofana wane inoto ki ma kiṉa ki inunufaku, uria faamamane la isadalua.

Mako 3:12

Ma nia ka faaroṉo fifi ani kera e ai kesi faaroṉo ani nia.

Mako 9:9

Ma si maṉa na keki sifo faisia gwa tolo eri, nia ka ṉata fifi isada kesi uunu sulia si do na kera rikidaki isata wane, maasia si maṉa na Kaluwane imole kai tatae faisia toa mae ki, keka bii faaroṉo ania.

Luke 4:41

Ma spirit taa ki lau boo keka kotho i maa faisia toa oro, keka ’ai, keka una eri, Oe ṉa Christ, Kaluwane tha God. Ma nia ka soreda, ma ka ai si alamatanida keki bae, uria na kera thaitoomana nia ṉa Christ.

Luke 8:56

Ma maka nia ma thainana keka tona: ma nia ṉata fifi isada kesi faaroṉoa ta wane asi do na kera ilia.

Luke 9:21

Ma nia ṉata fifi isada, ka faaroṉoda kesi faaroṉo asi do eri isata wane;