Mathui 7:23 - Ṉa Alaofua Falu 1923 1949

²³ Ma si maṉa eri nau kwai soree isada, Nau kwasi thaitoomamulua u boo: lae kau faisi nau, toa na mulu ra ana ra na kera lufia.

Mathui 7:23 Referans Kwoze

Mathui 25:41

Sui nia kai sorea lau boo isana toa ibali mauli nia, Lae kamulua faisi nau, toa na taa la ka to fafi kamulua, muka lae i la era na kai to tatha, na kera thauwai nia maakwalia tha devil ma angel nia ki:

Fa Ṉu Abu ki 6:8

Lae kau faisi nau, kamulua sui boo na muka ra asi ra na kera lufia; uria na tha Jihova e roṉoa naa liṉana aṉi la nau.

Luke 13:27

Ma nia kai sorea, Ku faaroṉo kamulua, Kwasi thaitoomana si kula na mulu too mai iei muka lae mai; lae kau faisi nau, kamulua sui toa na mulu ra ana ra na kera lufia.

Luke 13:25

Lalae si maṉa na wane ana biu e tatae naa, ma ka fonoa naa olofolo, ma muki takwe i maa, muki kikidi ana olofolo eri, muki una eri, Lord, Lord, oki ifini kamilia; ma nia kai luu kamulua, kai soree isamulua, Kwasi thaitoomana si kula na mulu too mai iei muka lae mai;

Mathui 25:12

Ma nia luuda, ka sorea, Mamana ku soree isamulua, E ai kwasi thaitoomamulua.

Jone 10:14

Ni nau ṉa wane ade lea na ku fono toi kalia sifi ki; ma nau ku thaitoomana si do nau ki, ma si do nau ki kera thaitoomaku,

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

II. Timothi 2:19

Ma sui gwa fau sukwai totonao tha God ki ka takwe ṉado, kera safua ana do ni faaṉado la nania, Tha Lord e thaitoomana toa nia ki: ma, Ni tei na ka ’ai ana thatana tha Christ kai ekwa asi abula la ne ai si kokoto.

Fa Ṉu Abu ki 5:5

Toa oewanea ki sa keki takwe inaofana maamu e a’i: o rikia ka taa toa eki sui bana na keka ra asi ra no lufia.

Fa Ṉu Abu ki 119:115

Lae kau faisi nau, kamulua na muka ilia si do taa; fasi kwai ade sulia si ṉataa God nau.