Mathui 6:33 - Ṉa Alaofua Falu 1923 1949

³³ Muki rofe totonao uria tooa tha God, ma kokoto la nia; ma si do eki sui bana keki safua bia ifamulua.

Mathui 6:33 Referans Kwoze

Luke 12:31

Muki rofe uria tooa tha God, ma si do eki sui boo keki safua bia ifamulua.

Mathui 5:6

Lea iada, toa na keki thaofa ma lioda ka lalaṉa uria kokoto la: uria na toto keki abusu.

Jone 6:27

Musi rara uria faṉa na toto kai taa, muki ra uria faṉa na kai to ṉado ana marukia tatha, na Kaluwane imole kai falea iamulua: uria nia God na Maka e safua ana do ni faaṉado lana.

Roma 14:17

Sulaania tooa tha God e ai si ni ana faṉa la ma kuu la, ana kokoto la ma enenoa ma seethathala la atha Spirit Abu.

Fa Ṉu Abu ki 37:25

Nau ṉa wane bii baita i dini, ma si maṉa eri ku arai ṉaa; una ena mena, nau e a’i kwasi rikia ana ta si maṉa sa kera luka faekwa ana wane kokoto, mado kwalafaa nia sa keka gania ta si faṉa.

Fa Ṉu Abu ki 37:3

Oko fitoona tha Jihova; ilia fasi si ra ne lea; to amua ii la fanua, ma oko lae buriana si ade la ne mamana.

Mathui 19:29

Ma ni tei ne akwasia maafera ki, mado doorana kera, mado waiwaena nia ki, mado maka nia, mado thainana, mado wela ki, mado oole ki, inunufana thataku, toto kai ṉalia tee taleṉee do fuliṉana do ne akwasidaki, ma kai fulatoona marukia tatha.

Roma 8:31

Sui si ta na kuki sorea sulia si do eki? Mada sa tha God kai adomi kulu, ni tei na kai maalimae iakulua?

I. Timothi 4:8

Uria na seemabea asi do seena imole e suka lea; ma si lio ni fare baita la atha God e lea asi do ki sui, kai alaṉai nia marukia si maṉa eri, ma asi maṉa na ni u.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Roma 1:17

Sulaania asi kula eri kera fatai nia kokoto la ne ita mai atha God ana fitooa ma uria fitooa: ’uria kera keda, Ma wane kokoto kai maruki uria fitooa.

Filifae 3:9

Ma fasi keki fulatooku ani nia, fafia kokoto la nau i talaaku na ni ana ṉa lo e ai, fafia kokoto la ne lae mai ana fitoona lana tha Christ, kokoto la ne ita mai atha God ana fitooa neri:

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Mathui 4:17

Too asi maṉa eri tha Jesus thafalia kai ṉata, ma ka una eri, Muka akeletania manatamulua; uria na tooa i thalo ni karafi naa.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

II. Thesalonika 1:5

Si do na ka fatai lalaa asi do kokoto na tha God na Wane ni Kotu kai sorea; fasi manatana na ni kamulua muki farana tooa tha God, si do na mulu to ana taa la inunufana:

Roma 10:3

Sulaania uria na kera dora ania maalutana kokoto la tha God, ma kera thathamii faaṉadoa kokoto lada i talaada, kesi roo sulia kokoto la tha God.

Si do Aposela ki kera ilidaki 28:31

Kai ṉata sulia tooa tha God, ma kai tooa si do sulia tha Lord Jesus Christ ki ana seeraa la faamau, me ai ta wane si lufi nia faisia.

II. Pita 1:11

Uria asi kula eri keki ifinia maa ka baita uri kamulua muki kotho ana tooa na kai to tatha, tooa Lord kulu ne faamaruki kulu tha Jesus Christ.

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Luke 1:6

Ma keroa sui boo keko kokoto inaofatha God, keko abula sulia si ṉata fifi ma si ṉata too ṉado tha Lord ki, keko dodoloa.

I. Korinitha 3:22

Tha Polo, mado tha Apolosi, mado tha Kifasi, mado fanua nei iano, mado marukia, mado maea, mado si do ni maṉa eri ki, mado si do ni u ki mai; si do ki sui bana na ṉa do kamulua ki;

Si do Aposela ki kera ilidaki 20:25

Ma rikia fasi, si maṉa eri ku thaitoomana ni kamulua sui boo, toa na nau ku liliu i maalutamulua, ku ṉata sulia tooa tha God, e ai musi rikia lau maaku.

Fa Ṉu Abu ki 112:3

Si ogogonia ma si do nia ne rikidaki e ni maafera wane eri: ma kokoto la nia kai toto si sui.

Mathui 19:28

Ma tha Jesus ka soree isada, Mamana ku soree isamulua, na toa na mulu lae iburiaku, ana futa falu la asi maṉa na Kaluwane imole kai ono ana do ni ono la nia ana inotoa, kamulua lau boo muka ono ana tafulu fa do ni ono la ma ro fa do, muki wane ni kotu ki ana tafulu kulee toa ma ro kulee toa Isirela.

Jone 5:4

Uria tee angel kai sisifo mai ana tee si mana uri la gwa osi eri, kai igiigia kafo: sui ni tei bana na kai sifo totonao uri la kafo eri iburiana na kera igiigia, keka faamarukia faisia atona bana ta mataia ne thauṉi uia.]