Mathui 6:10 - Ṉa Alaofua Falu 1923 1949

¹⁰ Tooa oe kai lae mai. Keki ilia si do no thathamidaki iano kai ’uria lau boo i thalo.

Mathui 6:10 Referans Kwoze

Hibaru ki 10:36

Uria na muki rofea si lio ni susuu la, fasi, lalae mulu ilia naa si do na tha God e thathamia, muki bii ṉalia alaṉaia eri.

Jone 4:34

Tha Jesus ka soree isada, Faṉa nau na ade la sulaania si do ni nia ne arasi nau mai e thathamia, ma ili lana ra nia.

Mathui 26:42

Ma ruana nia ka lae lau kau, ka foa, ka una eri, Maka nau ae, mada sa do nei e ai kesi talaana sa kai tatha kau, si maṉa kwasi kuufia u, si do no thathamia keki ilia.

Mathui 12:50

Sulia ni tei bana na kai ilia si do na Maka nau ne ni mei thalo e thathamia, nia na dooraku, ma waiwaena nau, ma thainaku.

I. Thesalonika 5:18

I maalutana si do ki sui bana na ka fula muki sore lea: uria na si do na tha God e thathamia atha Christ Jesus uri kamulua neri.

Roma 12:2

Ma musi abula ’uria abula lana unii wane nai maṉa eri: keki alu kamulua muki eeta uria manatamulua na kera adea e falu, fasi muki ilitoona si do na tha God e thathamia ne lea, ma do na kera ala fafia, ma ka sukwai teefau.

Jone 6:40

Ma si do na nia ne arasi nau mai e thathamia nania, sa ni tei na kai rikia ṉa Kaluwane, ma kai fitoona, ana marukia tatha; ma nau kwai tataea afa boṉi iisi eri.

Kolose 1:9

Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Efesasi 6:6

Ana si maṉa eri bana na keki rikia ra lamulua, sa muki ade mala toa na kera thathamia fafalea lana imole ki e ai; ma uria na kamulua toa ni ra tha Christ ki, liomulua na kai ilia si do na tha God e thathamia;

Fa Ṉu Abu ki 40:8

Ku seethathala ana ili lana si do no thathamia, God nau ae; iu, lo oe eri ni la ruruuku.

Mathui 7:21

Toa eki sui boo na keki alaṉi nau ana Lord, Lord, e ai, na keki kotho i toaa i thalo; talitoona boo wane na kai ilia si do na Maka nau ne ni mei thalo kai thathamia.

I. Pita 2:15

Uria na si do na tha God e thathamia neri, na ana abula lea lamulua muki faabona wane oewanea ki na kesi thaitoomana maalutana si do ki:

Hibaru ki 13:21

Kai faasukwai teefau ani kamulua asi ra lea ki sui bana fasi muki ilia si do ne thathamia, ma ka ilia si do nia rikia ka lea ani kamulua, atha Jesus Christ; na keki fare inoto ani nia toto si sui. Emeni.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

Luke 22:42

Ka una eri, Maka ae, mado so thathamia, oki ṉalia titiu nei faisi nau: sui uria bana nau ku thathamia e ai, mamana lana ni oe.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Si do na kera fatai nia 19:6

Ma nau ku roṉoa si do ne ’uria liṉana ṉata lana malului wane, ma ’uria kuru lana kafo oro ki, ma ’uria liṉana kukururua faamau, ne una eri, Haliluia: uria na tha Lord God, ne Sukwai ka tatha, ka inoto ka tatha.

I. Thesalonika 4:3

Uria na si do na tha God e thathamia neri, na faaabu lamulua la, na muka to faisia oe la;

Si do Aposela ki kera ilidaki 21:14

Ma si maṉa ne ai si alamatai kamilia mika bulasia ruruuna, mili to faisia, mili una eri, Keki ilia si do na ṉa Lord e thathamia.

Si do Aposela ki kera ilidaki 13:22

Ma buriana ne idua wane eri, nia falea mai tha Defeta ka kiṉa ani kera; me faamamanea lau boo si do ne thaitoomana sulia wane eri, ka sorea, Nau ku fulatoona tha Defeta, kaluwane tha Jesi, wane na ruruuku e ala fafia, na kai ilia si do nau ku thathamidaki ka sui bana.

Mathui 4:17

Too asi maṉa eri tha Jesus thafalia kai ṉata, ma ka una eri, Muka akeletania manatamulua; uria na tooa i thalo ni karafi naa.

Si do na kera fatai nia 12:10

Ma nau ku roṉoa liṉana si ṉata la baita i thalo, ne una eri, Ṉa marukia, ma ṉa sukwaia, ma ṉa tooa God kia, e fula na mai si maṉa eri, ma ṉa inotoa Christ nia: sulaania kera naṉa ani nia ne aalaṉia dooraka kera asi do ki, ne aalaṉi kera asi do eki inaofana God kia afa thato ma afa rodo.

I. Pita 4:2

Fasi asi maṉa na nia kai to u ana seena imole e ai si to lau uria si do eki na wane ki kera thathamia, si do na tha God e thathamia naa na nia kai to uria.

Hibaru ki 10:7

Sui nau ku sorea, Rikia fasi, kwai lae mai (Ana buka ba na kera kosua kera ke da si do eri sulinau) Fasi kwai ilia si do no thathamia, God.

Luke 19:38

Keka una eri, Lea iana, Kiṉa eri ne fula ana thatana tha Lord: enenoa i thalo lo, ma inotoa asi kula da ia ka tatha.

Mako 3:35

Sulia ni tei bana na kai ilia si do na tha God e thathamia, nia na dooraku, ma waiwaena nau, ma thainaku.

Mathui 16:28

Mamana ku soree isamulua, Tei wane keki to bada ana toa na keki takwe kunei, ne ai dodoloa keki thaitoomana maea, keki rikia Kaluwane imole kai lae mai ana tooa nia, sui keka bii mae.

Nehemiah 9:6

Tha Jihova na ni oe, talifili oe italaamu; o thauwai nia thalo lo ma fanua eki fafia thalo lo ki, bia omea baita kera ki sui bona, fanua na i iano ma si do ki sui boo na ni fafona, amali eki ma si do ki sui boo na ni laala, ma ni oe neri noko lio sulaania si do eki sui bana; ma omea baita i thalo lo keka faare baita iamu.

Mako 11:10

Lea la ifana tooa maka kia tha Defeta na kai lae mai ana thatana tha Lord: Nia ne ni mai thalo ka thufi nia.

Si do na kera fatai nia 11:15

Ma fiuna angel ka ufia buṉu; ma si ṉata la baita ki ka fula mai i thalo iburiana, na keka una eri, Ṉa tooa fanua nei iano ni naa ifana Lord kia, ma Christ nia: ma nia kai inoto ka tatha toto si sui.

Si do na kera fatai nia 20:4

Ma nau ku rikia do ni ono la ana inotoa ki, ma kera ono ania, ma kera alua toa eki kiku wane ni kotu ki: ma nau ku rikia anona toa eki na kera sigilia gwaudalua uria si do na kilu faamamanea sulia tha Jesus, ma uria bae lana tha God, ma toa eki ne ai kesi faabaita do maruki eri ne kwasi, mado nuna, ma kesi alamatanida keki gera si do nia eri i maa darada ma i abada; ma kiku maruki lau, kiku inoto ka tatha bia tha Christ sulia tee tooni fa ṉali.

Fa Ṉu Abu ki 2:6

Una ena mena, nau ku gwaia naa kiṉa nau i gwauna fa ua abu nau na Saeono.

Hibaru ki 1:14

Ta na sa ni kera sui kera spirit ni ra ki, na kera arasida mai keki ra ifana toa eki na keki fulatoona marukia, mado?

Kolose 1:13

Nia ne faamaruki kulu faisia sukwaia ana maerodo, me lamatalakulua kuka to ana tooa Kaluwane liliothaua nia;

Luke 19:11

Ma si maṉa na kera roṉoa si do eki, nia safua ma ka ṉata asi tarifula, uria ne to karaṉia i Jerusalema, ma uria na manatade soso na tooa tha God kai fula fatai asi maṉa eri u boo.

Si do Aposela ki kera ilidaki 22:14

Ma nia sorea, Na God maka kulu ba inao ki e fili oe oki thaitoomana si do nia thathamia, ma oki riki nia ne Kokoto, oki roṉoa liṉana si ṉata la ana fokona.