Mathui 5:16 - Ṉa Alaofua Falu 1923 1949

¹⁶ Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Mathui 5:16 Referans Kwoze

I. Pita 2:12

Abula lamulua kai faramulua i maalutana Jenetaele ki; fasi, asi do eri boo na kera ṉata taa suli kamulua ania mala sulia toa na kera abula taa, asi ra lea kamulua ki na keki rikia neri, keki faainotoa tha God afa boṉi ana makele lada la.

Taetasi 2:7

Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

Jone 15:8

Si do na kai faainotoa Maka nau nai nia, na muki fuṉu ana foee do oro ki; fasi ni kamulua toa nau kwai tole kamulua.

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

I. Pita 3:16

Liomulua kai lea; fasi, asi do eri boo na kera ṉata taa suli kamulua ania, keki faaseenonia toa eki na kera tamani taa sulia to lamulua ne lea atha Christ.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Taetasi 3:14

Ma toa kulu ki lau boo keki too uria seemabe la asi ra lea ki na kai talaana si do na keki rofea e ai si ei boo, fasi e ai kesi ’uria ’ai ne ai si fuṉu.

I. Timothi 6:18

Oki faaroṉoda keki ilia si do ne lea, keki rikii do asi ra lea ki, keki thathai ana ukali lana si do kera ki, keki thathamii tona fale la;

II. Korinitha 9:13

Uria na sulaania kera ilitoomulua asi ra eri, keki taṉoa tha God uria na muka ade sulia si do na mulu faamamanea sulia si faaroṉoa lea tha Christ, ma uria na muka tona fale baita ifada ma ifana toa eri sui;

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Hibaru ki 10:24

Ma kuki manatatookulua kwailiu fasi kuka are kulu kwailiu ana liothau la ma asi ra lea ki;

I. Pita 4:11

Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.

I. Thesalonika 2:12

Fasi muka abula asi abula la ne farana tha God, ne aili kamulua uria tooa nia ma inotoa nia.

I. Pita 3:1

Una eri lau boo, ai ila ai ki, muki roo sulia kwaimulua i talaamulua; fasi, mada sa tei wane iada kesi ade mena sulia si baea eri, abula lana kwaida kai toleda mai, si baea ka ai faisida;

Si do Aposela ki kera ilidaki 9:36

Sui tee kini na tha Jesus e tole nia e ni Jopa, thatana ni Tabitha, ma toolaṉai lana thata eri ni Dokasi: kin, eri e seemabe ṉado asi ra lea ki ma ana fale la ne fale ana toa na kera to ana rofe la.

I. Timothi 5:25

Una eri lau boo tei ra lea ki kai to fatai; ma do ne ai si to fatai mena sa ka thaufuni e ai.

Mathui 5:45

Fasi ṉa Maka kamulua ne ni mai thalo, wela nia ki na ni kamulua: uria nia kai adea thato nia kei tae ana toa na kera taa bia toa na kera lea, ma kai falea mai dani ana toa na kera kokoto bia toa na kesi kokoto.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

I. Timothi 5:10

Keki ala fafi nia sulia si ra lea ki; mada sa nia e thai sulia wela ki, mada sa nia e beta toa kwaita ki, mada sa nia e taua aaena toa abu ki, mada sa nia e adomia toa ne taa iada ki, mada sa nia e seemabe asi ra ki sui bana ne lea.

I. Timothi 2:10

Keki lauṉi asi ra lea ki (si do ne farana kini ki na keki sorea kera fare baita atha God).

Galesia 1:24

Ma kera taṉoa tha God ani nau.

Taetasi 3:4

Ma sui si maṉa na ade lea lana tha God ne faamaruki kulu, ma liothau la nia uria imole ki, e fula mai,

I. Korinitha 14:25

Keki fatai nia si do thaufuni ki ni ruruuna; adedea kai asi nia iano kai faabaita tha God, kai sorea na tha God ni maalutamulua mamana boo.

Luke 11:2

Ma nia ka soree isada, Si maṉa na muki foa muka sorea, Maka kamilia no ni thalo, Keki faaabua thatamu. Tooa oe kai lae mai. Keki ilia si do no thathamidaki iano kai ’uria lau boo i thalo.

Mathui 9:8

Ma si maṉa na malului wane eki kera rikia, keka mau, ma keka fare inoto atha God, ne falea sukwaia una eri ifana imole.

Mathui 23:5

Ra kera sui bana keki ilia uria bana fasi imole ka rikia: kera thauwai nia filateri kera ki ka rerebaa, ma keka faarerebaa tagwarana tooni kera ki,

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Mathui 23:9

Ma musi maka ata wane i fanua nei iano: uria na amulua tee Maka, ne ni mei thalo.

Mathui 6:9

Mania muka foa ka una eri: Maka kamilia no ni thalo, Keki faaabua thatamu.