Mathui 4:23 - Ṉa Alaofua Falu 1923 1949

²³ Ma tha Jesus e liliufia i la Galili ka sui, ka kwaifamanatai la biu ni ofu la kera ki, ma ka ṉata sulia faaroṉoa lea ana ṉa tooa, ma ka faamarukia toa na si do oro ki e thauṉida bia toa na kera matai ana mataia oro ki bana i maalutana toa eri.

Mathui 4:23 Referans Kwoze

Mathui 9:35

Ma tha Jesus e lae olili i la toaa susu ki ma toaa faekwa ki, kai kwaifamanatai la biu ni ofu la kera ki, ma ka ṉata sulia faaroṉoa lea ana tooa, ma kai faamarukia toa na si do oro ki e thauṉida bia toa na kera matai ana mataia oro ki bana.

Mako 1:39

Ma nia ka ṉata i la biu ni ofu la kera ki ta si kula si ei boo i Galili, ma ka arasia spirit taa ki.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Luke 7:22

Sui tha Jesus e luuda, ka soree isada, Lae amaroa, moka faaroṉoa tha Jone asi do moro rikidaki ma si do moro roṉodaki; toa maade rodo keki lio, toa aede katu keki lae, toa uru e thauṉida keka faafaluda, toa aliṉade bani keki roṉo, toa mae keka tataeda, toa na kesi rikii do keka ṉata sulia si faaroṉoa lea isada.

Mathui 11:5

Toa maade rodo keki lio naa, toa aede katu keki lae, toa uru e thauṉida keki faafaluda; toa aliṉade bani keki roṉo, ma toa mae keki tataeda, ma toa na kesi rikii do keki ṉata sulia faaroṉoa lea isada.

Mathui 13:54

Ma lalae mai e fula i fanua nia, nia ka kwaifamanatai la biu ni ofu la kera, adedea keka tona, ma keka sorea, Ifei mai wane nei e ṉalia liotooa nei iei, bia ra baita nei ki?

Mako 1:21

Ma kera lae uri Kapaneama; ma si maṉa eri u boo ana fa boṉi mamaloa nia kotho i la biu ni ofu la, kai kwaifamanatai.

Fa Ṉu Abu ki 103:3

Ni nia na ka manata lube oe faisia abula taa la oe ki ni sui bana; ni nia na ka faamaruki oe faisia mataia oe ki sui boo:

Roma 10:15

Ma nifana ade lana fasi keki ṉata suli nia si maṉa na kesi arasida uria? ’uria si do na kera keda, Riki lana aaeda e lea asia, toa eki na kera ṉata sulia si faaroṉoa lea ana enenoa ma kere ṉalia mai si faaroṉoa lea sulia si do lea ki!

Luke 8:1

Ma lalae mai iburiana, nia ka liufia i la toaa susu ki ma toaa faekwa ki sui bana, kai ṉata ma ka fatai nia si faaroṉ a lea ana tooa tha God, ma akwala ma ro wane eki bi nia,

Mako 6:2

Sui lalae fula afa boṉi mamaloa, nia ka bii kwaifamanatai la biu ni ofu la: ma toa oro kera roṉoa, keka tona, keka una eri, Ifei mai wane nei e ṉalia do eki iei? ma, Si liotooa ta na kera falea ifana, na ra sukwai una eki mena keki ilia ana abana?

Mathui 24:14

Ma faaroṉoa lea nei ana tooa keki ṉata sulia i la fanua ni sui bomana ana faamamane la ifana toa ana fanua ni sui: ma susui lana kada nei ka bii fula.

Mathui 12:9

Ma nia lae kau, ka kotho i la biu ni ofu la kera:

Jone 18:20

Tha Jesus e luua, ka una eri, Nau ku ṉata lalaa isana toa na fanua: ku kwaifamanatai ṉado i la biu ni ofu la ma i la biu baita tha God, kula na Ju ki sui bana keki ofu mai iei; ma nau e ai kwasi sore thaufuni ata do.

Luke 13:10

Ma nia kai kwaifamanatai i la ta biu ana biu ni ofu la ki afa boṉi mamaloa.

Luke 9:11

Ma toa eki si maṉa na kera thaitoomana keka lae iburiana: ma nia ka thathagonida, ma ka ṉata isada sulia tooa tha God, ma ka faamarukia toa na kera rofea faamaruki lada.

Luke 5:17

Ma lalae mai ana tee fa boṉi, si maṉa nia kai kwaifamanatai ana, Farisi ki bia wane na keka kwaifamanatai ana ṉa lo keki ono isana, na kera toto mai ana toaa eki sui bana i Galili ma i Judia ma i Jerusalema keka lae mai: ma sukwaia tha Lord kai to bana uria faamaruki lada.

Mako 6:6

Ma nia ka kwele sulaania fitala lada. Ma nia ka lae olili la toaa faekwa eki, ka kwaifamanatai.

Mako 3:10

Uria nia e faamarukia toa oro; adedea toa na kera matai ana mataia oro ni bana kera beresi nia fasi keki sua nia.

Mako 1:14

Sui buriana na kera alua tha Jone i la lokafu, tha Jesus ka fula i Galili, ka ṉata sulia faaroṉoa lea ana tooa tha God,

Fa Ṉu Abu ki 74:8

Kera una eri i ruruuda, Kulu labatai teefau ana do eki: si era kera e akofia biu ni ofu la tha God ki sui bana i la fanue.

Si do Aposela ki kera ilidaki 20:25

Ma rikia fasi, si maṉa eri ku thaitoomana ni kamulua sui boo, toa na nau ku liliu i maalutamulua, ku ṉata sulia tooa tha God, e ai musi rikia lau maaku.

Si do Aposela ki kera ilidaki 18:4

Ma nia kwaifamanatai la biu ni ofu la afa boṉi mamaloa ki, ta fa boṉi si ei, ka thathamii bulasia ruruuna Ju ki ma toa i Girisi ki.

Jone 6:59

Si do eki nia sorea i la biu ni ofu la, si maṉa no kwaifamanatai i Kapaneama.

Luke 10:9

Ma muki faamarukia toa na kera matai kula eri, ma muki soree isada, Tooa tha God e fula naa karaṉi kamulua.

Luke 6:17

ma nia sifo mai bida, ka takwe asi kula dedema, ma aini toa nia ne toleda, bia malului wane oro ana toa na kera toto i Judia sui bana bia Jerusalema, ma i fafoasi i Taera ma Saedona, na kera lae mai uria roṉo lana, ma uria faamaruki lada faisia mataia kera ki;

Mathui 14:14

Ma tha Jesus e lae mai, ka rikia malului wane baita, ma nia tatakomida, ma ka faamarukia toa iada na kera matai.

Mathui 13:19

Si maṉa na wane kai roṉoa si baea ana ṉa tooa, ma ka ai si thaitoomana maalutana, tha Taa kai lae mai, ma ka laua kau si do na kera afusia i la ruruuna. Nia neri na kera afusia i ninimana tale.

Mathui 3:2

Kei una eri, Muki akeletania manatamulua; uria na tooa i thalo ni karafi naa.

Jone 7:1

Buriana si do eki tha Jesus e lae i Galili: uria na nia lalakwa lae i Judia, sulaania Ju ki kera rofea si ade la na keki ilia fasi keki thauṉi nia.

Luke 20:1

Ma lalae mai, ana tee fa boṉi afa boṉi eki, si maṉa na nia kai kwaifamanatai isana toa eki la biu baita tha God, ma kai ṉata sulia si faaroṉoa lea eri, wane inoto ni foa ki ma wane ni kekeda ki keka fula isana bia ulunao ki;

Luke 4:14

Ma tha Jesus e oli ana sukwaia tha Spirit uri Galili: ma kera uunu suli nia ka talo i la fanua eki sui bana kakali ki mai.

Luke 6:6

Ma lalae mai ta fa boṉi mamaloa lau, nia ka kotho i la biu ni ofu la, ka kwaifamanatai: ma tee wane ka ni kula eri, na aba aola nia e mae.

Luke 7:21

Ma asi kadee maṉa eri boo nia ka faamarukia toa oro faisia feda la ki ma si do ne thauṉida ma spirit taa ki; ma toa oro na maade rodo nia ka adea maada ka laa.

Luke 9:60

Tha Jesus ka soree isana, Oki akwasia toa mae ki keka alua wane kera ne mae; ma oko lae oko faaroṉo faladoa ana tooa tha God.

Luke 16:16

Na lo bia porofeta ba ki kera toto ka fula asi maṉa na tha Jone ka fula: too asi maṉa eri keka ṉata sulia si faaroṉoa lea ana tooa tha God, ma wane ni sui keki kwaisuuwai, keki lae iei.

Si do Aposela ki kera ilidaki 28:31

Kai ṉata sulia tooa tha God, ma kai tooa si do sulia tha Lord Jesus Christ ki ana seeraa la faamau, me ai ta wane si lufi nia faisia.