Mathui 3:7 - Ṉa Alaofua Falu 1923 1949

⁷ Sui si maṉa nia rikia wane oro ana Farisi ki bia Sadiusi ki keki lae mai ana babataesi la nia, nia ka soree isada, Kamulua kwalafana baekwa i toloki, ni tei ne faaroṉo kamulua muki thaka faisia rakeiria ne ni u?

Mathui 3:7 Referans Kwoze

Mathui 12:34

Kamulua kwalafana baekwa i tolo ki, si do lea ki muki sore ufita ania, na mulu taa nania? sulia fokona imole kai ṉata asi do ne oro i ruruuna.

I. Thesalonika 1:10

Ma muki maakwalia Kaluwane nia na kai lae mai i thalo, ne tataea faisia maea, tha Jesus neri, ne lau kulu faisia rakeiria na toto kai fula mai.

Roma 1:18

Sulaania rakeiria tha God kera fatai nia ne lae mai i thalo ka fula asi lio ni sui bana ne fare faekwa atha God ma asi abula la ni sui bana ne ai si kokoto ana wane ki, na kera thaitoomana mamana la eri, sui abula lada e ai si kokoto;

Mathui 23:33

Kamulua wa aala ki, kamulua kwalafana baekwa i tolo ki, toto muki thaka ufita faisia kotu baita ana hell?

Roma 5:9

Sui si maṉa eri na kera ala fafia kokoto la kulu uria abuna, e kwaiakaori ka tatha na keki faamaruki kulu faisia rakeiria eri ani nia.

Mathui 22:23

Afa boṉi eri Sadiusi ki kera fula isana, toa na keki sorea e ai ta tatae la faisia maea: ma keka soetoona,

Mathui 16:6

Sui tha Jesus ka soree isada, Muki to kinakina, muka fia lefena Farisi ki bia Sadiusi ki.

I. Jone 3:10

Asi kula eri kera fatai nia baree wela tha God, ma baree wela tha devil: ni tei bana ne ai si ilia kokoto la do tha God e ai, ma ni tei ne ai si liothau ana doorana.

Jone 9:40

Ma toa ana Farisi ki na kera ni isana kera roṉoa si do eki, ma keka soree isana, Ma ni kamilia, maamilia ka rodo lau boo?

Hibaru ki 11:7

Ana fitooa tha Noa, uria na tha God e faaroṉo nia totonao sulia si do ne ai si rikidaki u, sulaania mau la ne mau ania, ka thauwai nia ṉa aka ana faamaruki lana toa nai maafera nia; ma asi do eri e sorea toa na fanua nei iano kera abula taa boo, ma ka fulatoona kokoto la eri na ka fula mai uria fitooa.

Si do Aposela ki kera ilidaki 26:5

Keka thaitoomana to laku ita mai ana thafali lana, mada sa keki thathamii faamamanea si do kera thaitoomana suli nau, na sulia kwaifamanatai la toa na kera fare baita ka tatha ana biraṉamilia ana foa la, nau ku to ku Farisi.

Si do Aposela ki kera ilidaki 20:31

Mania muki tharai, muki onotoona na sulia ulu fa ṉali nau ku fafaamanatai kamulua sui, ta si maṉa si ei, afa rodo mafa thato ana kafona maaku.

Si do Aposela ki kera ilidaki 15:5

Ma sui tei toa ana toa na kera faamamanea kwaifamanatai lana Farisi ki na kera fitoo, kera tae ia, keka una eri, Keki kwai kali kera e ai si ei boo, ma keki faaroṉoda keki ade sulia ṉa lo tha Mosesi.

Si do Aposela ki kera ilidaki 5:17

Sui aofia ni foa e tae mai, bia toa eki sui bana na kera to bi nia (toa na kera faamamanea kwaifamanatai lana Sadiusi ki neri), kera fuṉu ana uga la,

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Jone 1:24

Ma Farisi ki kera arasida mai.

Luke 18:11

Farisi eri e takwe kai foa una eri ana i talaana, God ae, ku sore lea tale oe, na nau kwasi ’uria oroṉana toa, toa na keki laulau, toa na kesi kokoto, toa na kera oe, ma wane nei ni ṉali lana takisi ki mena e ai kwasi ’uria.

Luke 16:14

Ma Farisi ki lau boo, toa na kera liothau ana malefo, kera roṉoa si do eki sui boo; ma keka sumakwa ania.

Luke 7:30

Ma Farisi ki bia wane na kera kwaifamanatai ana ṉa lo, si do na tha God e thathamia keka faaaia faisi kera i talaada, kera lalakwa na nia ka babataesida.

Mako 12:18

Ma sui Sadiusi ki keka fula isana, toa na keki sorea e ai ta tatae la faisia maea; ma keka soetoona, keka una eri,

Mako 12:13

Ma kera arasia tei wane ana Farisi ki bia tei wane ana toa tha Heroda isana, fasi keki faaṉata nia asi ṉata ne garo.

Mako 8:15

Ma nia ka ṉata fifi isada, ka una eri, Muki to kinakina, muka fia lefena Farisi ki bia lefena tha Heroda.

Mathui 22:34

Ma si maṉa na Farisi ki kera roṉoa na nia e faabona Sadiusi ki, keka ofu kera neri.

Mathui 22:15

Sui Farisi ki kera lae, keka furia ṉata sulia si ade la keki ilia fasi keka faaṉata nia asi ṉata ne garo.

Mathui 12:24

Ma si maṉa na Farisi ki kera roṉoa, keka sorea, Wane nei e ai si arasia spirit taa ki ata do eeta e ai; kai arasia atha Bielasibaba ne inoto ana spirit taa ki.

Mathui 5:20

Uria ku soree isamulua, Mada sa kokoto la kamulua e ai si talua kokoto la wane ni kekeda ki bia Farisi ki, kamulua e ai dodoloa muki kotho ana tooa i thalo.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Hibaru ki 6:18

Fasi ana ro si do ki ne ṉado, ne ai si tatala, ne afetai ka tatha sa tha God kai lole ania, keki faainamaruki kulu faamau, ni kulu na kulu thaka uria marukia fasi kuki rau asi do na kera alua inaofakulua na kuki manatatoo ṉado uria;

Mathui 15:12

Sui toa ne toleda kera fula, keka soree isana, O thaitoomana Farisi ki kera taofai kera, si maṉa na kera roṉoa si ṉata eri?

Mathui 16:1

Ma Farisi ki bia Sadiusi ki kera fula, keka ilitoona, keka soree isana sa nia ka fatai nia bala ta si do i thalo mai isada.