Mathui 3:11 - Ṉa Alaofua Falu 1923 1949

¹¹ Nau ku babataesi kamulua boo ana kafo uria manata akele la: ma ni nia na kai lae mai buriaku e sukwai ka tatha iaku, na butu nia ki e ai kwasi farana ṉali lana: nia kai babataesi kamulua atha Spirit Abu bia era:

Mathui 3:11 Referans Kwoze

Luke 3:16

Tha Jone e luuda, ka soree isada sui, Nau ku babataesi kamulua boo ana kafo; ma tee wane kai lae mai ne sukwai ka tatha iaku, na si kwao ana butu nia ki kwasi farana luke lana: nia kai babataesi kamulua atha Spirit Abu bia era:

Si do Aposela ki kera ilidaki 1:5

Uria na tha Jone e babataesi boo ana kafo; ma ni kamulua ṉadee fa boṉi e sui keki bii babataesi kamulua atha Spirit Abu.

Taetasi 3:5

Asi ra ana kokoto la na kulu tala ilia e ai, ana tatakomia nia, e faamaruki kulu, ana do ni sisiu la ana thauwai falu la ma ana to lea la lau atha Spirit Abu,

I. Korinitha 12:13

Uria ana tee Spirit kera babataesi kia sui ana tee see do, Ju ki mado toa i Girisi, toa na kera suuwanida keka tona ra mado toa na kera tonee to; ma kera ilia na kia sui boo kia kuu ana tee Spirit.

Mathui 3:6

Ma nia e babataesi kera i la kafo i Jodana, keka faaroṉo ana abula taa la kera ki.

Si do Aposela ki kera ilidaki 19:4

Ma tha Polo ka sorea, Tha Jone e babataesi ana babataesi la ana manata akele la, ka soree isana toa eki, keki fitoona Wane na toto kai lae mai iburiana, tha Christ Jesus neri.

Luke 1:17

Ma nia kai lae inaona ana spirit ma sukwaia tha Elaeja, fasi kai oli fafia ruruuna wane kera welaa ki isana kala wela ki, ma toa na kera ade faisia si do ki fasi keki abula ana liotooa imole na kera kokoto; kai beta ta toa na keki thathai maakwalia tha Lord.

Jone 1:30

Wane eri boo nania na nau ku sorea suli nia, Tee wane kai lae mai buriku ne tatha naa inaoku: uria nia toto inaoku u boo.

Mako 1:4

Tha Jone e babataesi la fanua kwasi, ma ka ṉata sulia babataesi la ana manata akele la uria doanita la ana abula taa la ki.

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

I. Pita 5:5

Una eri lau boo, toa bii baita ki, muki roo sulia toa na kera arai ki naa. Iu, ni kamulua sui boo muki ali kamulua ana thafee to faekwa la, fasi muki ra kwailiu ifamulua: uria na tha God e maalimae ana toa na kera fafakao kera, ma kai falea lea la ifana toa na kera thafee to faekwa.

Jone 1:15

Tha Jone ka faamamanea si do ne thaitoomana suli nia, ka’ ai una eri, Wane eri nania na nau ku sorea suli nia, Wane na kai lae mai buriku e tatha naa inaoku: uria nia toto inaoku u boo.

Luke 3:3

Ma nia ka fula i la fanua ni sui kakalia i Jodana, kai ṉata sulia babataesi la ana manata akele la uria doanita la ana abula taa la ki;

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Si do Aposela ki kera ilidaki 8:38

Ma nia ka sorea do hosi kai aba kai takwe ṉado: ma keroa keko sifo uri la kafo, tha Filifi ma aufasu eri lau boo; ma nia ka babataesi nia.