Mathui 28:20 - Ṉa Alaofua Falu 1923 1949

²⁰ Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

Mathui 28:20 Referans Kwoze

Fa Ṉu Abu ki 46:7

Jihova ana omea baita ki ni isakulua; God tha Jekofo na ṉa biu laṉi ifakulua. (Totoo fasi.)

GENESIS 39:21

Ma sui tha Jihova e to bia tha Josefa, ka tatakomi nia ana ade lea lana, ka adea na wane ne nanao ana lokafu eri ka riki nia ka lea.

Mathui 1:23

Rikia fasi, thari eri toto kai iana, ma kai tharea ta kaluwane, Ma keka alaṉia atha Emaniuela; ma si ṉata eri e una eri, Tha God bi kulu.

Mathui 18:20

Uria na si kula na ta ro imole mado ta ulu ei keki figu ana thataku, kula eri ku ni maalutada.

Fa Ṉu Abu ki 46:11

Jihova ana omea baita ki ni isakulua; God tha Jekofo na ṉa biu laṉi ifakulua. (Totoo fasi.)

Mako 16:20

Ma kera lae nada, keka ṉata i la fanua eki sui boo, ma tha Lord ka ra bida, ka faaṉadoa si baea eri ana bala si do ki ne lae iburi. Emeni.

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

I. Korinitha 14:37

Mada sa ta wane manataia i talaana na nia porofeta, mado wane tha Spirit, nia kai thaitoomana maalutana si do nau ku kedadaki isamulua, na si do eki na si ṉata fifi ṉa Lord.

II. Timothi 4:17

Ma sui ṉa Lord e takwe isaku, ma ka faasukwai nau; fasi suli nau si ṉata eri keki faaroṉo teefau ania, ma fasi Jenetaele ki sui boo keki roṉoi: ma kera lau nau faisia fokona laeona.

Si do Aposela ki kera ilidaki 2:42

Ma kera seemabe ṉado uria roṉo lana kwaifamanatai lana aposela ki ma ana kwaimani lea la bida, ana ni lana berede eri ma ana foa la eki.

Mathui 6:13

Ma osi talai kamilia isana bae aliṉa la, oki suusi kamilia faisia tha Taa, sulaania na do oe na ṉa tooa, ma ṉa sukwaia, ma ṉa inotoa, toto si sui. Emeni.

I. Korinitha 11:2

Sui nau ku tano kamulua, doora kera, uria na mulu onotooku asi do ki sui, ma mulu rau ṉado asi kwaifamanataia ba ki, ’uria lau boo nau ku faaroṉo, kamulua ania.

Mathui 13:49

Toto kai una eri ana susui lana kada nei: angel ki keki lae mai, keki talisia toa taa faisia toa kokoto,

Fa Ṉu Abu ki 72:19

Ma muka taṉoa toto si sui thatana ne inoto ka tatha; ma inotoa baita nia kai fuṉu i la fanua na i iano ni sui bana. Emeni, ma Emeni.

Si do na kera fatai nia 22:14

Lea iada, toa na kikui taua tooni kilua ki, fasi keki falea sukwaia ifadalua kikui ṉalia ’ai ana marukia, ma kikui kotho ana mae thaka eki uri la toaa susu.

II. Pita 3:2

Fasi muka onotoona si baea ba ki na porofeta abu eki kera ṉata sulia dini u mai inao, ma si ṉata fifi ṉa Lord na Wane ni Kwaifaamaruki ana aposela kamulua ki:

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

Si do na kera fatai nia 1:18

Ma Wane ku Maruki; ma nau ku mae na ba, ma rikia fasi, nau ku maruki toto si sui, Emeni, ma ṉa ki ana maea ma fanua toa mae ki ni isaku.

I. Korinitha 11:23

Uria ni nau ku ṉalia ana ṉa Lord si do na nau ku faaroṉo kamulua lau boo ania, na tha Lord Jesus afa rodo eri na kera faaalamai nia e ṉalia berede;

Mathui 24:3

Ma si maṉa nia kai ono sulia gwa tolo i Olifesi, toa ne toleda kera fula isana tee kera, keka una eri, Oki faaroṉo kamilia, do eki kai mamana iaṉita? ma nifenia bala ana fula lamu, ma susui lana kada nei?