Mathui 27:63 - Ṉa Alaofua Falu 1923 1949

⁶³ Keka una eri, Arai ae, mili manatatoona wane ba ne mamalaoe e sorea, maṉa nia maruki u, Buriana ulu fa boṉi kwai tatae lau.

Mathui 27:63 Referans Kwoze

Luke 9:22

Ka una eri, Kaluwane imole kai to ana taa la oro ki e ai si ei boo, ma ulunao ki bia wane inoto ni foa ki bia wane ni kekeda ki keki lalakwatania, ma keka thau ṉi nia, ma nia kai tatae ana ula fa boṉi.

Mathui 16:21

Too asi maṉa eri tha Jesus e thafalia ka faaroṉoa toa nia ne toleda na kera too nia kai lae e ai si ei boo uri Jerusalema, ma kai to ana taa la oro ki e ai si ei boo sulia manatana ulunao ki ma wane inoto ni foa ki bia wane ni kekeda ki, ma keka thauṉi nia, ma nia kai tatae ana ula fa boṉi.

Jone 2:19

Tha Jesus e luuda, ka soree isada, Muki ogea biu tha God nania, ma nau kwai kasia lau ana ulu fa boṉi.

Luke 18:33

Ma keki kwae tataria ana suila ma keki thauṉi nia: ma ana ula fa boṉi nia kai tatae lau.

Mako 10:34

Ma toto keki aefara iana, ma keki kwae tataria ana suila, ma keki ṉisufi nia, ma keki thauṉi nia; ma ulu fa boṉi e sui, nia kai tatae lau.

Mako 8:31

Ma nia bii kwaifamanatai isada sulia Kaluwane imole, kai to ana taa la oro ki e ai si ei boo, ma ulunao ki, bia wane inoto ni foa ki, bia wane ni kekeda ki, keki lalakwatania, ma keki thauṉi nia, ma ulu fa boṉi ka sui, nia kai tatae lau.

Mathui 20:19

Ma keka fale nia ifana Jenetaele ki fasi keka aefara ania, keka kwae tataria ana suila, ma keka fota fafi nia ana ’ai rarafolo: ma ana ula fa boṉi keki tataea.

Mathui 17:23

Ma toto keki thauṉia, ma keka tataea lau ana ula fa boṉi. Ma lioda ka dila ka tatha.

Mathui 26:61

Keko sorea, Wane nei e sorea, Nau ku talaana oge lana biu baita tha God, ma kwai kasia lau sulia ulu fa boṉi.

II. Korinitha 6:8

Ana inotoa ma fare faekwa la, asi do taa na kera sorea suli kamilia ma si do lea; mala toa na kera malaoe, ma sui mili mamana;

Jone 7:12

Ma malului wane eki kera uubulu faamau suli nia: tei toa kera sorea, Nia wane kokoto; tei toa lau kera sorea, E ai lau; nia kai tole garo ana malului wane nei.

Luke 23:2

Ma keka alaṉi nia asi do ki, keka una eri, Mili rikia wane nei ka bulasi garo ana kulee toa nei, ka lufia misi falea malefo atha Sisa, ka sorea ni nia ṉa Christ ṉa Kiṉa.

Jone 7:47

Mania Farisi ki kera luuda, keka una eri, Kera talai garo ani kamulua lau boo?

Mathui 27:64

Mania oki sorea keki fono toi lea faisia kwaiṉeia eri lalae ka fula ana ula fa boṉi, ada mado e ai toa nia ne toleda keki lae mai la rodo, keki bili nia kau, ma keka soree isana toa nai, Nia tatae naa faisia toa mae: ma garo la nei buri kai taa ka tatha ana do nai nao.

Mathui 28:6

E ai si ni kunei; uria ne tatae naa, ka ’uria ne sorea na ba. Lae mai, rikia si kula na ṉa Lord e teteo iei.

Mako 9:31

Uria ne kwaifamanatai isana toa nia ne toleda, ka soree isada, Kaluwane imole kera falea naa i abana imole ki, ma toto keki thauṉi nia; ma iburiana kera thauṉi nia, nia kai tatae ana ula fa boni.

Luke 18:31

Ma nia ka ailia akwala ma ro wane eki isana, ma ka sorea isada, Rikia fasi, kuki tae uri Jerusalema, ma si do ba ki sui bana na porofeta ki kera keda sulia Kaluwane imole kai mamana.