Mathui 27:32 - Ṉa Alaofua Falu 1923 1949

³² Ma si maṉa na kera lae mai, keka fulatoona tee wane i Saerini, thatana tha Saimona: nia kera tolobarea kai lae, fasi kai ṉalia ’ai rarafolo nia.

Mathui 27:32 Referans Kwoze

Mako 15:21

Ma tee wane, thatana tha Saimona, wane i Saerini, maka tha Alikasada ma tha Rufasi, e too ana tee fanua kakali mai, ka lae mai, ma kera tolobare nia kai ṉalia ’ai rarafolo nia.

Luke 23:26

Ma si maṉa na keki tole nia kau, kera rau ana tee nonii wane, tha Saimona wane i Saerini, e too ana tee fanua kakali mai ka lae mai, ma kera alua ’ai rarafolo eri fafi nia, fasi kai ṉalia buriatha Jesus.

Mathui 16:24

Sui tha Jesus ka soree isana toa nia ne toleda, Mada sa ta wane kai thathamii lae iburiaku, nia kai sorea nia dora ani nia i talaana, kai ṉalia ’ai rarafolo nia, ma kai lae iburiaku.

Si do Aposela ki kera ilidaki 6:9

Sui tei wane ana biu ni ofu la na kera alaṉia ana ofu la Libatine ki, ma ana toa i Saerini, ma toa i Alikisadaria, ma toa i Silisia ma i Asia, kera tae mai, keka oli susuu bia tha Sitifini.

Si do Aposela ki kera ilidaki 2:10

I Firitia ma i Pamofilia, i Ijifita ma asi kula ana Libia na ni kakalia i Saerini, ma wane kwaita ki ita mai i Roma, Ju ki bia Jenetaele ki na kera ade mala Ju,

Si do Aposela ki kera ilidaki 13:1

Ma tei porofeta ma tei wane ni kwaifamanatai ki ni Adioko, i la figua nai kula eri, tha Banabasi, ma tha Simiona na kera alaṉi nia ana Wanebulu, ma tha Lusiasi wane i Saerini, ma tha Manena na kera thare ni safu atha Heroda na kiṉa eri bi nia, ma tha Solo.

Si do Aposela ki kera ilidaki 11:20

Ma sui tei toa iada wane i Saeporasi ma i Saerini ki, na si maṉa na kera fula i Adioko, keka ṉata isana toa i Girisi ki, keka ṉata sulia tha Lord Jesus.

Jone 19:17

Ma ni nia e lae kau, ka tala ṉalia ’ai rarafolo nia, uria si kula na kera alaṉia ana Si kula gwa lelete, ma toolaṉai lana si ṉata eri ana ṉata lana Hibaru ki, Gologotha:

Si do Aposela ki kera ilidaki 7:58

Ma kera suia kau i thara faisia toaa susu eri, keka ufauna: ma wane eki na kera faamamanea si do kera thaitoomana suli nia kera alua tooni kera ki isana aaena tee wane bii baita, thatana tha Solo.

Mathui 5:41

Ma ni tei bana na kai bare oe uria lae la sulia ta tee maele, oko lae bi nia sulia ta ro ai.