Mathui 26:2 - Ṉa Alaofua Falu 1923 1949

² Mulu thaitoomana ro fa boṉi naa e to faisia fafaṉa tathafafi la, ma Kaluwane imole keki falea fasi keki fota fafi nia ana ’ai rarafolo.

Mathui 26:2 Referans Kwoze

Jone 18:2

Ma tha Judasi lau boo, ne faaalamai nia, e thaitoomana si kula eri: uria na tha Jesus kai fufula ṉado i kula eri bia toa nia ne toleda.

Jone 11:55

Ma tathafafi la ba ana Ju ki e kwaikaraṉi naa: ma toa oro kera lae faisia fanua kakali ki mai, kera tae uri Jerusalema si maṉa na tathafafi la e ai si fula u mai, fasi keki faafalu kera.

Mathui 17:22

Ma si maṉa na kilu to i Galili, tha Jesus e soree isada, Kaluwane imole toto keki falea i abana imole;

Jone 12:1

Mania si maṉa na ono fa boṉi e to ana fafaṉa tathafafi la ba tha Jesus e lae mai uri Bethani, asi kula na tha Lasarasi ka ni iei, wane ba na tha Jesus e tataea faisia toa mae ki.

Jone 2:13

Ma tathafafi la ba, fafaṉa Ju ki, e kwaikaraṉi naa, ma tha Jesus e tae uri Jerusalema.

Luke 22:15

Ma nia ka soree isada, Manataku e toea faamau, ku thathathamia faamau kwai ania tathafafi la nei bi kamulua maṉa kwasi to u ana taa la:

Mathui 27:4

Ka una eri, Nau ku abula taa na nau ku faaalamai nia abuna wane ne ai si abula taa ana ta si do. Ma keka sorea, Do kai oga kamilia neri? oe oki baelia.

Mathui 10:4

Tha Saimona ṉa Kenanaete, ma tha Judasi Isikarioto, wane eri lau boo ne faaalamai nia.

Jone 18:32

Fasi bae lana tha Jesus kai mamana, na nia sorea na ba, ka fatai nia mae la na nia toto kai mae ania.