Mathui 25:46 - Ṉa Alaofua Falu 1923 1949

⁴⁶ Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

Mathui 25:46 Referans Kwoze

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Jone 5:29

Ma keki kotho i maa; toa na kera ilia si do ne lea, keki tatae ana marukia: ma toa na kera ilia si do ne taa, keki tatae ana kotu la.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Si do na kera fatai nia 20:15

Ma ni tei bana na kesi fulatoona thatana kesi keda i la buka ana marukia, keka naṉa ani nia asi kula eri ne fuṉu ana era.

II. Thesalonika 1:9

Na keki to ana kwae la, keki labatai teefau ani kera toto si sui faisia maana ṉa Lord ma faisia inotoa sukwaia nia,

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Si do na kera fatai nia 20:10

Ma kera naṉa atha devil ne loleda asi kula ne ’uria gwa kafo ne baita, me fuṉu ana era ma do thasune makwa fifi, si kula na do maruki eri ne kwasi ni iei ma porofeta eri ne ai si mamana; ma keki thau fifi iada afa thato ma afa rodo toto si sui.

Mathui 25:41

Sui nia kai sorea lau boo isana toa ibali mauli nia, Lae kamulua faisi nau, toa na taa la ka to fafi kamulua, muka lae i la era na kai to tatha, na kera thauwai nia maakwalia tha devil ma angel nia ki:

Si do Aposela ki kera ilidaki 24:15

Ku manatatoo ṉado atha God uria si do eri, na ni kera keka maakwalia lau boo, na si maṉa ana tatae lana toa mae ki kai fula mai, tatae lana toa kokoto ki ma toa na kesi kokoto lau boo.

I. Jone 2:25

Ma alaṉaia eri ne alaṉai nia iakulua nai nia, ṉa marukia tatha.

Galesia 6:8

Sulaania wane na kai fasia si do ki ifana seena i talaana kai kasia ana seena si do na kai fufuraa; wane eri molo na kai fasia si do ki ifatha Spirit kai kasia atha Spirit marukia tatha.

Luke 16:26

Ma ta si lau boo bia si do eki sui, tee kurua baita e ṉado i maalutakulua, ma toa na kera thathamia keki to kunei keka tatha isamulua keka dora ania, bia toa na kera to kula ena keka dora ana lae la folo mai isamilia.

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Mathui 19:29

Ma ni tei ne akwasia maafera ki, mado doorana kera, mado waiwaena nia ki, mado maka nia, mado thainana, mado wela ki, mado oole ki, inunufana thataku, toto kai ṉalia tee taleṉee do fuliṉana do ne akwasidaki, ma kai fulatoona marukia tatha.

Mathui 13:43

Asi maṉa eri toa na kera kokoto keki sinasina mai mala thato ana tooa Maka kera. Wane ana ta ro aliṉa uria roṉo la, kai ronoi fasi.

Jude 1:21

Ma muka beta suli kamulua fasi muki to i la liothau la tha God, si maṉa na muki maakwalia tatakomia na Lord kulu tha Jesus Christ ana marukia tatha.

Mathui 19:16

Ma rikia fasi, tee wane e lae mai ma ka soree isana, Wane ni kwaifamanatai ae, oe na abula lamu e lea, ta si ta ne lea kwai ilia, fasi kwai rikia marukia tatha?

Mathui 25:45

Sui nia kai luuda, ka una eri, Mamana ku soree isamulua, Uria na musi ilia ata wane ne faekwa asia ana wane nei ki, e ai musi ilia ani nau.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Jone 6:27

Musi rara uria faṉa na toto kai taa, muki ra uria faṉa na kai to ṉado ana marukia tatha, na Kaluwane imole kai falea iamulua: uria nia God na Maka e safua ana do ni faaṉado lana.

Jone 6:40

Ma si do na nia ne arasi nau mai e thathamia nania, sa ni tei na kai rikia ṉa Kaluwane, ma kai fitoona, ana marukia tatha; ma nau kwai tataea afa boṉi iisi eri.

Si do Aposela ki kera ilidaki 13:46

Ma tha Polo bia tha Banabasi kero ṉata seeraa, keko sorea, Do kera ilia e ai si ei boo, keka faaroṉo kamulua totonao ana bae lana tha God. Ma sui uria na mulu usutania faisi kamulua, manatamulua na musi farana marukia tatha, lio fasi, meki akele uria Jenetaele ki.

Si do Aposela ki kera ilidaki 13:48

Ma si maṉa na Jenetaele ki kera roṉoa si do eri, kera seethathala, keka faainotoa bae lana ṉa Lord: ma toa eki sui bana na kera filida ana marukia tatha keka fitoo.