Mathui 25:40 - Ṉa Alaofua Falu 1923 1949

⁴⁰ Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Mathui 25:40 Referans Kwoze

Mathui 10:42

Ma ni tei bana na kai falea ta titiui kafo gwari ni bana ifata wane ana wane faekwa nei ki kei kuu, sulia nia wane na nau ku tolea, mamana ku soree isamulua, sa kwaiara nia ka ai e ai.

Mako 9:41

Uria ni tei bana na kai falea ta titiui kafo iamulua muki kuufia, ana thataku, uria na kamulua do ṉa Christ, mamana ku soree isamulua, sa kwaiara nia ka ai e ai.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

Mathui 10:40

Wane na kai thathagona kamulua kai thathagoni nau, ma wane na kai thathagoni nau kai thathagoni nia ne arasi nau mai.

Mathui 18:10

Muki lio ada muka fare faekwa ana ta wela ana kali wela nei ki; uria ku soree isamulua, I thalo lo angel kera ki keki rikia ṉado maana Maka nau ne ni mei thalo.

I. Jone 4:20

Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?

Hibaru ki 6:10

Uria na tha God e ai si abula kekeo fasi kai lio dora asi ra kamulua ma ulafu la kamulua ba ana liothau la na mulu fatai nia uria thatana, asi kula, eri na mulu rara mai ifana toa abu eki ka fula asi maṉa eri.

Efesasi 5:30

Sulaania kulu si do ki na ana seena, ana marikona ma ogina.

Galesia 5:13

Sulaania ni kamulua, doora kera, kera aili kamulua mai fasi muki tonee to; sui to lea la eri do ifana seena imole fasi kai inoto e ai, muki ra kwailiu ifamulua ana liothau la.

Roma 8:29

Sulaania toa ne thaitoomana totonao si do na keki ilia, toa eki manatana e sorea lau boo totonao keki ’uria nuna Kaluwane nia, fasi nia kai ulunao ana baree wai doorana oro ki:

Mathui 28:10

Sui tha Jesus ka soree isada, Musi mamau: lae, muki faaroṉoa dooraku kera keki lae kau uri Galili, ma toto keki riki nau kula eri.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

II. Korinitha 4:5

Uria na mili ṉata suli kamilia i talaamilia e ai, sulia tha Christ Jesus na nia Lord, ma ni kamilia wane ni ra kamulua ki inunufatha Jesus.

Jone 20:17

Tha Jesus ka soree isana, Osi sua nau; uria ni nau e ai kwasi tae u isana Maka nau: oko lae isana dooraku kera, oko faaroṉo kera, Nau kwai tae kau isana Maka nau ma Maka kamulua, isana God nau ma God kamulua.

Mathui 25:39

Ma si maṉa ta na mili riki oe o matai, mado o to i la lokafu, ma mika fula isamu?

Mathui 25:45

Sui nia kai luuda, ka una eri, Mamana ku soree isamulua, Uria na musi ilia ata wane ne faekwa asia ana wane nei ki, e ai musi ilia ani nau.

Luke 19:38

Keka una eri, Lea iana, Kiṉa eri ne fula ana thatana tha Lord: enenoa i thalo lo, ma inotoa asi kula da ia ka tatha.

Si do na kera fatai nia 17:14

Toa eki kikui firu bia ṉa Lama, ma ṉa Lama si nia kai tatha iadalua, uria nia Lord inoto ka tatha ana lord ki, ma Kiṉa inoto ka tatha ana kiṉa ki; ma toa eki lau boo na kiku lae bi nia, na kera ailida mai ma kera filida ma kiku mamana.

Si do na kera fatai nia 19:16

Ma ana thatana na kera keda fafia tooni nia ma fafia thafana, Kiṉa inoto ka tatha ana kiṉa ki, ma Lord inoto ka tatha ana lord ki.