Mathui 22:43 - Ṉa Alaofua Falu 1923 1949

⁴³ Nia ka soree isada, Sui nifana ade lana na tha Defeta atha Spirit ka alaṉi nia ana Lord, ka una eri,

Mathui 22:43 Referans Kwoze

Si do na kera fatai nia 4:2

Ma si maṉa eri u boo ku ni atha Spirit: ma rikia fasi, do ni ono la ana inotoa ni thalo, ma nia ne ono ana do ni ono la eri;

Si do na kera fatai nia 1:10

Nau ku ni atha Spirit afa boṉi ṉa Lord, ma ku roṉoa liṉana si ṉata la baita iburiaku, ’uria liṉana buṉu

II. Pita 1:21

Uria ne ai ta tona si ṉata na ta porofeta e keda si fula ana ta si maṉa asi do na wane e tala thathamia: wane abu tha God ki kera ṉata mai, uria na tha Spirit Abu e faaṉata kera.

Hibaru ki 3:7

Mania, ’uria si do na tha Spirit Abu e sorea, Itaraena mada sa muki roṉoa liṉana ṉata lana,

Si do Aposela ki kera ilidaki 1:16

Doora kera, kekeda la abu eri kera faamamanea e ai si ei boo, si do na tha Spirit Abu e sorea totonao ana fokona tha Defeta sulia tha Judasi, wane ne fatai nia tala isana toa na kera raua tha Jesus.

Mako 12:36

Uria na tha Defeta talani nia e sorea atha Spirit Abu, Tha Lord e soree isana Lord nau, Oki ono ibali aba aola nau, Maasia si maṉa kwai adea maalimae oe ki kera do ni alu lana aaemu ifafona.

I. Korinitha 12:3

Mania nau kwai faaroṉo kamulua muki thaitoomana, ne ai ta wane na kai bae ana Spirit tha God kai sorea Taa la kai to fafia tha Jesus; me ai ta wane si talaana sore lana, Tha Jesus kai Lord, talitoona bana atha Spirit Abu.