4 Si do eki kera ilia, fasi keki faamamanea si do na porofeta e sorea, be una eri,
Osi mamau, thari Saeono: rikia fasi, Kiṉa oe kai lae mai, kai ono fafona kaela ase.
Ma si do eri sui boo ka mamana naa, fasi keki faamamanea si do na tha Lord e sorea mai ana porofeta, be una eri,
Ma sui si do eki sui bana ka mamana, fasi keki faamamanea kekeda lana porofeta ba ki. Ma si maṉa eri toa ne toleda kera akwasi nia, keka thaka.
Sui mada sa ta wane kai sorea ta si do isamaroa, moki sorea, Ṉa Lord e thathamia; ma si maṉa eri u boo nia kai alamatania mai.
Ma keko tolea kalee ase eri isatha Jesus, keka naṉa ana tooni kera ki fafia; ma nia ka ono i fafona.
Ma kero talaia mai isatha Jesus: ma keka naṉa ana tooni kera ki i fafona kalee ase eri, ma keka finua tha Jesus ka ono i fafona.
Afa boṉi iburiana, malului wane baita na kera lae mai isana fafaṉa eri, si maṉa na kera roṉoa na tha Jesus kai lae na mai uri Jerusalema,