Mathui 21:31 - Ṉa Alaofua Falu 1923 1949

³¹ Nifenia wane ana ro wane eki ne ilia si do maka nia e thathamia? Keka sorea, Wane inao. Tha Jesus ka soree isada, Mamana ku soree isamulua, wane eki na kera ṉalia takisi ki bia sesele eki keki lae ana tooa tha God inaomulua.

Mathui 21:31 Referans Kwoze

Luke 7:29

Ma toa eki sui bana na kera roṉoa, bia wane ni ṉali lana takisi ki, keka faamamanea na tha God e kokoto, keka babataesida ana babataesi la tha Jone.

Mathui 7:21

Toa eki sui boo na keki alaṉi nau ana Lord, Lord, e ai, na keki kotho i toaa i thalo; talitoona boo wane na kai ilia si do na Maka nau ne ni mei thalo kai thathamia.

II. Pita 3:9

Tha Lord e ai si lalakwee ili fofoa asi do ne alaṉai nia, ’uria si do na tei imole keki sorea; nia doanita iakulua ka tau, e ai si thathamia ta imole kai sui, e thathamia kera sui boo keki akeletania manatada.

Roma 5:20

Ma ṉa lo e lae lau bomai, fasi ade garo la eri kai oro alaa; ma asi kula na abula taa la e oro alaa, lea la e oro faamau ka tatha:

Roma 3:19

Kulu thaitoomana boo na si do ki sui bana ṉa lo e sorea, e ṉata isana toa eki na kere ni fara ṉa lo; fasi keki faabona fokoe imole ki sui bana, ma keki ofua toa na fanua nei iano ki sui bana keki to ifara si do na tha God na Wane ni Kotu kai sorea:

Mathui 20:16

Mania toa na kera aru buri toto keki tatha inao, ma toa na kera tatha inao toto keki aru buri.

Si do Aposela ki kera ilidaki 17:30

Mania si maṉa ba asi lio ni dora la ani nia ki tha God e doanita ania; ma sui si maṉa eri nia soree isana imole ki sui, ta si kula si ei, keka akeletania manatada:

Luke 19:22

Ma nia ka soree isana, Sulia si do ne tatha faisia fokomu nau ṉa wane ni kotu kwai ṉata suli oe, wane ni ra no taa. O thaitoomana ni nau wane ku naunau, kwa tafoa si do na kwasi ekwatania iano, ma kwa kwaia unii do ne rafo na nau kwasi afusia;

Luke 15:10

Una eri lau boo, nau ku soree isamulua, seethathala la ni inaofana angel tha God ki fafia tee wane ne abubula taa ne akeletania manatana.

Mathui 18:3

Ma ka sorea, Mamana ku soree isamulua, Mada sa e ai musi akele, fasi muki ’uria naa kala wela, e ai dodoloa muki kotho ana tooa i thalo.

Mathui 12:50

Sulia ni tei bana na kai ilia si do na Maka nau ne ni mei thalo e thathamia, nia na dooraku, ma waiwaena nau, ma thainaku.

Mathui 9:9

Ma si maṉa na tha Jesus e tatha faisia kula eri, nia rikia tee nonii wane, kera alaṉia ana tha Mathiu, kai ono asi kula ni ṉali lana takisi ki: ma nia ka soree isana, Lae mai iburiaku. Ma nia tatae, ka lae iburiana.

Mathui 6:5

Ma si maṉa noki foa, osi ’uria lau toa na keki olodola: uria na kera thathamia faamau keki takwe ma keki foa i la biu ni ofu la ki ma sula luuni tala ki, uria bana fasi imole keki rikida. Mamana ku soree isamulua, Kera ṉalia naa kwaiara kera.

Mathui 5:18

Uria mamana ku soree isamulua, Maṉa na thalo lo ma fanua nei iano si tatha u, tee kasi kula mado tee kasi kula ne faekwa asia boo e ai dodoloa so ka tatha faisia ṉa lo, kai maasia si maṉa na toto keki faamamanea naa si do ki sui bana.

Mathui 5:46

Uria na mada sa muki liothau ana toa na keki liothau iamulua, nifenia kwaiara kamulua? ta na sa toa na kera ṉalia takisi ki keki ade lau boo una eri, mado?

Mathui 21:30

Ma nia fula isana ruana wane, ka sore una ba lau boo. Ma nia luua, ka sorea, Kwai lae, arai ena: sui ka ai si lae bana.

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Jone 3:5

Tha Jesus e luua, ka una eri, Mamana, mamana, ku soree isamu, Mada sa ta wane si futa ana kafo bia tha Spirit, nia sa ka kotho ana tooa tha God e ai.