Mathui 21:27 - Ṉa Alaofua Falu 1923 1949

²⁷ Ma kera luua tha Jesus, keka sorea, E ai misi thaitoomana. Nia lau boo ka soree isada, Nau kwasi faaroṉo kamulua lau boo ana sukwaia na nau kwai ilia ana do nei ki.

Mathui 21:27 Referans Kwoze

II. Korinitha 4:3

Ma mada sa kera thu fafia si faaroṉoa lea kamilia eri asi maku, kera thu fafia i ruruuna toa na kera ni sula tala ana maea:

Roma 1:28

Ma talafana na kera lalakwee thaitoomana tha God, alafana lau boo tha God e lukatai kera asi lio ne taa bonaa, keki ilia si do ne ai si kokoto ki;

Jone 9:30

Wane eri e luuda, ka soree isada, Si kula na keki kwele ania nania, na mulu dora ana si kula ne ita mai iei, ma una ena mena nia ka ifinia maaku.

Mathui 16:3

Ma i uusuwadia mulu sorea, Fanua kai kuburua itaraena: uria na thalo lo e memenaa ma ka mafuaroa. Toa muka olodola, mulu thaitoomana olotoona lana seena thalo lo; ma sui mulu dora ana olotoona lana bala si maṉa eki.

Mathui 15:14

Keki to ada: kera ṉa toa maade rodo na keki tatha inaona toa maade rodo. Mada sa wane maane rodo kai tatha inaona wane maane rodo, keroa sui boo keko aru i la kilu.

Mathui 21:26

Sui mada sa kuka sorea, E ita mai ana imole; kulu mau ana malului wane; uria na kera sui kera sorea tha Jone ṉa porofeta.

Mathui 21:28

Una ena nifenia manatamulua? Tee wane ana ta ro kaluwane; ma nia fula isana wane inao, ka sorea, Kaluwane nau, lae oki ra itaraena i la oolee faene.