Mathui 2:13 - Ṉa Alaofua Falu 1923 1949

¹³ Ma buriana na kera lae naa, rikia fasi, angel tha Lord e fula fatai isatha Josefa i la moosubolea, ka una eri, Tatae, oko tolea kali wela nei bia thainana, oko thaka uri Ijifita, ma oki to kula eri maasia si maṉa kwai faaroṉo oe ania; uria na tha Heroda toto kai rofea kali wela nei uria thauṉi lana.

Mathui 2:13 Referans Kwoze

Si do Aposela ki kera ilidaki 12:11

Ma si maṉa na tha Pita ka bii thaitoomana lea, nia ka sorea, Ku bii thaitoomana mamana, na tha Lord e arasia mai angel nia ma ka faamaruki nau faisia abana tha Heroda, ma faisia si do eki sui boo na toa eki ana Ju ki kera manatatoo ṉado uria.

Si do Aposela ki kera ilidaki 10:7

Ma buriana na angel eri ne ṉata isatha Koneliasi e lae naa, nia ailia mai ro wane ana toa na kera ra i maafera nia, ma tee wane ana firua ne faabaita tha God, wane ana toa na kera ra ṉado ifana;

Si do Aposela ki kera ilidaki 5:19

Ma sui angel tha Lord e ifinia maana lokafu eri la rodo, ka toleda kau, ka sorea,

Mathui 2:12

Ma uria na tha God e faaroṉo kera ana moosubolea sorea kesi oli isatha Heroda, keka oli uri fanua kera ata tala eeta.

Mathui 1:20

Sui si maṉa nia kai manatatoona si do eki, rikia fasi, angel tha Lord ka fula fatai isana ana moosubolea, ka una eri: Josefa, oe kaluwane tha Defeta, osi mau ana tole lana kwaimu hi Meri isamu: sulia do ne to ani nia, do atha Spirit Abu.

Mathui 2:16

Ma tha Heroda, si maṉa ne rikia toa ba liode too kera malaoe nia, ka rakeiri faamau, ma ka kwaiasuwai, keka thau teefau ana kala wela ana wela wane ki na kera to i Bethelihemo, bia wela i oli lana fanua eri sui boo, ana wela sulia ro fa ṉali ki bia wela ne ai u ada ta ro fa ṉali, to sulaania si maṉa e soefifirisia ana toa liode too.

Si do na kera fatai nia 12:14

Ma keka falea ro kukubaree afa baita eri ifana kini eri, fasi kai lofo uri la fanua kwasi uri fanua nia, si kula na keki thare nia iei sulia si maṉa, ma ta si maṉa, ma ta kadee maṉa, faisia maana wa aala eri.

Si do Aposela ki kera ilidaki 16:36

Ma wane eri ni suusi lana lokafu ka faaroṉoa tha Polo ana ṉata ladaroa, ka una eri, Ro wane inoto ki kero kwaiarasi fasi keki alamatai kamaroa moki lae: mania moki lae mai, moki lae namaroa ana enenoa.

Si do Aposela ki kera ilidaki 10:22

Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Si do Aposela ki kera ilidaki 7:19

Wane eri e abula ana liotooa taa uria toa kulu ki, ma ka fare taa ana maka kulu nai nao ki, ka suuwanida keka naṉa ania wela aabu kera ki i maa fasi e ai kesi maruki.

Mathui 10:23

Ma lalae keki tona ilamatai kamulua i la toaa susu nei, muki thaka uria toaa iburiana: uria na mamana ku soree isamulua, Musi lae i la toaa susu i Isirela ki si sui u, ma Kaluwane imole ka fula.

Si do na kera fatai nia 12:6

Ma kini eri e thaka uri la fanua kwasi, asi kula na tha God e beta fanua iei maakwali nia, fasi keki thare nia iei sulia tee tooni fa boṉi ma ro taleṉee fa boṉi ma ono tafulu fa boṉi.

Si do na kera fatai nia 12:4

Ma nia ka ara ula balii bubulu ana bubulu lo i thalo ki ana kikiuna, me naṉa anida uri fanua nei iano: ma baekwa eri ka takwe inaofana kini eri na karaṉia kai tharewela, fasi lalae e tharea e sui, nia kai akabusua wela nia.

Mathui 2:22

Ma sui e roṉoa na tha Akileasi kai inoto i Judia fuliṉana maka nia tha Heroda, nia ka mau ana lae la uria fanua eri; ma uria na tha God e faaroṉoa i la moosubolea, nia ka lae uria si kula nai Galili ki,

Mathui 2:14

Ma nia tatae, ka talaia kali wela eri bia thainana i la rodo, ka lae uri Ijifita;

Si do Aposela ki kera ilidaki 12:7

Ma rikia fasi, angel tha Lord ka takwe isana, ma lalaa la ka laa ana kadee biu eri: ma nia kwae i ninimana rakena tha Pita, ka tharasi nia, ka una eri, Oki tatae fofoa. Ma nailii thalo eki ka asia faisia ro aba nia ki.