Mathui 19:28 - Ṉa Alaofua Falu 1923 1949

²⁸ Ma tha Jesus ka soree isada, Mamana ku soree isamulua, na toa na mulu lae iburiaku, ana futa falu la asi maṉa na Kaluwane imole kai ono ana do ni ono la nia ana inotoa, kamulua lau boo muka ono ana tafulu fa do ni ono la ma ro fa do, muki wane ni kotu ki ana tafulu kulee toa ma ro kulee toa Isirela.

Mathui 19:28 Referans Kwoze

Mathui 25:31

Lalae Kaluwane imole kai lae mai ana inotoa nia, ma angel ki sui bana bi nia, asi maṉa eri nia kai ono ana do ni ono ana inotoa nia:

Si do na kera fatai nia 20:4

Ma nau ku rikia do ni ono la ana inotoa ki, ma kera ono ania, ma kera alua toa eki kiku wane ni kotu ki: ma nau ku rikia anona toa eki na kera sigilia gwaudalua uria si do na kilu faamamanea sulia tha Jesus, ma uria bae lana tha God, ma toa eki ne ai kesi faabaita do maruki eri ne kwasi, mado nuna, ma kesi alamatanida keki gera si do nia eri i maa darada ma i abada; ma kiku maruki lau, kiku inoto ka tatha bia tha Christ sulia tee tooni fa ṉali.

Si do na kera fatai nia 7:4

Ma nau ku roṉoa fita toa na kera faaṉado kera, kudui imole ma fai molee imole ma fai tooni imole, na kera faaṉadoa faisia i maalutana kulee toa eki sui boo ana kwalafa tha Isirela.

II. Pita 3:13

Sui, sulia alaṉaia nia, kulu maakwalia thalo lo ki kai falu lau ma fanua nei iano kai falu lau, si kula na kokoto la kai to mai iei.

Mathui 16:27

Sulaania Kaluwane imole kai lae mai ana inotoa Maka nia bia angel nia ki; ma asi maṉa eri nia kai kwaiaraṉai nia wane ni sui bana sulia abula lada.

Si do na kera fatai nia 21:5

Ma nia ne ono ana do ni ono la ana inotoa eri ka sorea, Rikia fasi, nau ku faafalua si do ki sui bana. Ma nia soree isaku, Oki keda: sulaania si baea fitoo ma mamana neri.

Si do na kera fatai nia 4:4

Ma kakalia do ni ono la ana inotoa eri ro tafulu do ni ono la ana inotoa ki ma fai do: ma nau ku rikia ro akwala ma fai ulunao ki kera ono mai ana do ni ono la eki, fafia tooni kwakwaoa ki; ma do ni eregwau na kera thauwai nia ana goloda ni la gwauda.

Si do na kera fatai nia 3:21

Wane na si nia kai tatha, nau kwai falea si kula eri ifana kai ono bi nau ana do ni ono la nau ana inotoa, ’uria lau boo si nau e tatha, ma ni nau ku ono bia Maka nau ana do ni ono la nia ana inotoa.

II. Timothi 2:12

Mada sa kuka susuu, toto kuki inoto lau boo bi nia: mada sa kuka sorea kulu dora bakulua iana, nia toto kai sorea e dora lau bana iakulua:

Si do Aposela ki kera ilidaki 3:21

Wane na ṉa thalo kai ṉalia e ai si ei boo maakwalia si maṉa eki ana alu lea la lau asi do ki sui bana, si do na tha God e ṉanata sulia ana fokona porofeta abu nia ki sui bana ita ana thafali lana fanua nei iano ka fula asi maṉa eri.

Mathui 20:21

Ma nia ka soree isana, Si ta no thathamia? Nia soree isana, Oki sorea sa ro kaluwane nau nei ki toto keko ono, ta wane ibali aba aola oe, ma ta wane ibali aba mauli oe, ana tooa oe.

Si do na kera fatai nia 22:2

Ne igwa i initoona tala i la toaa susu eri. Ma ’ai ana marukia e to iei ana ro ninimee kafo eki, ne fuṉu ana tee tafulu unii foee do ma ro unii foee do ki, ma unii foee do eki e eeta kwailiu, e fuṉu ṉado ta madami si ei: ma rena ’ai eri na ṉa do ana faamaruki lana toa ana fanua eeta ki.

Si do na kera fatai nia 12:1

Ma kera rikia bala si do baita i thalo; tee kini ne tooni ana ṉa thato, ma ṉa madami ni fara aaena, ma i la gwauna do ni eregwau ana tee tafulu fa bubulu ro fa bubulu;

Mathui 6:33

Muki rofe totonao uria tooa tha God, ma kokoto la nia; ma si do eki sui bana keki safua bia ifamulua.

Mathui 8:20

Ma tha Jesus ka soree isana, Fokisi ki adalua malau ki, ma thaaro nei mamatalea ki adalua nui ki; ma Kaluwane imole e ai ana ta si kula fasi ka reriṉania gwauna iei.

Mathui 19:27

Sui tha Pita e luua, ka soree isana, Rikia fasi, kamilia mili akwasia si do ki sui bana, ma mika lae iburiamu; mania si ta na toto mika rikia?

Mako 10:37

Keko soree isana, Oki falea si kula eri ifamarea, fasi toto meki ono bamarea, ta wane ibali aba aola oe, ma ta wane ibali aba mauli oe, ana inotoa oe.

Si do na kera fatai nia 11:16

Ma ro akwala ma fai ulunao eki, na keka ono inaofatha God ana do ni ono la ana inotoa kera ki, keka aru fafia maada iano, keka faabaita tha God,

Si do na kera fatai nia 22:5

Ma fanua sa ka rodo lau ta si maṉa e ai; ma kesi rofea ada laa lana ta laeta, mado laa lana thato; uria na tha Lord God kai laafida: ma keki inoto ka tatha toto si sui.