Mathui 17:27 - Ṉa Alaofua Falu 1923 1949

²⁷ Ma sui, ada koki faataofai kera bakoroa, oki lae uri amali, oki arua finau, ma ia noko sulea totonao oki ṉalia; ma buriana no fofoea naa fokona, do oki rikia tee malefo: ṉalia, oko falea ifada, malefo thatakoroa neri.

Mathui 17:27 Referans Kwoze

II. Korinitha 6:3

Misi lukatania si maṉa na sa mika faataofai nia ta wane ana ta si do, ada keki ṉata taa sulia ra eri na mili ra ania;

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

I. Korinitha 8:9

Ma muki beta suli kamulua ada mado e ai sukwaia kamulua eri na ṉa do ni faataofai lana toa na kera maketho.

I. Korinitha 8:13

Mania, mada sa faṉa ka faataofai nia dooraku, nau e ai kwasi ania lau sina see ta do, ka thafalii asi maṉa eri ka oli alaa naa, ada kwa faataofai nia dooraku.

Fa Ṉu Abu ki 8:8

Thaaro i mamaṉaa ki, ma i’a ki na i la amali, ma atona bana ta si do na ka tatha sulia tala eki la matakwa ki.

Roma 14:21

Lea noki to fasia ani lana sina see ta do, mado kuufi lana waene, mado ili lana atona bana ta si do na dooramu kai lakwadora ania, mado kai taofai nia ania, mado kai feda sulia.

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

GENESIS 1:28

Ma tha God e alua lea la ka to fafidaroa, ma tha God ka una eri isadaroa, Kwalafamaroa keki oro faamau ka lae alaa, ma muki fuṉu i fanua na i iano, muki alua kai roo suli kamulua: muki inoto fafia gwa i’a eki la amali, ma fafia thaaro i mamatalea ki, ma fafia do maruki eki sui boo na keki isu ifafona fanua na i iano.

I. Thesalonika 5:22

Muki to faisia si do ki sui bana ne taa.

Jone 6:61

Ma sui tha Jesus, uria ne thaitoomana i talaana na toa nia ne toleda kera uubulu asi do eri, ka soree isada, Do eri kai faataofai kamulua?

Mathui 5:29

Ma mada sa balii maa aola oe kei faataofai oe, lafua, oko naṉa ania faisi oe: uria ne lea ifamu tee si do ana seemu kei ei, me ai kesi naṉa ana seemu sui boo i la hell.

Mathui 5:30

Ma mada sa balii aba aola oe kei faataofai oe, oki kwaemusia, ma oki naṉa ania faisi oe: uria ne lea ifamu na tee si do ana seemu kei ei, me ai kesi naṉa ana seemu sui boo i la hell.

Mathui 17:26

Tha Pita ka soree isana, Ana toa eeta ki. Tha Jesus ka soree isana, Mania kaluwane ki seeda ka laa neri.

Mathui 18:6

Ma ni tei bana na kai faataofai nia tee wela ana kala wela nei ki na keki fitooku, e lea ana wane eri keka tarufai nia ta gwa fau baita ni maga lana uiti i luana, ma keka thuthumatania i la initoona amali.

Mathui 18:8

Mania mada sa abamu mado aaemu kai faataofai oe, oki kwaia, ma oki u ania faisi oe: do e lea iamu oki kotho ana marukia fafia aba mu mado ae kodo, e ai si lea na amua ta ro aba mado ta ro ae ma keki u ani oe i la era na kai to tatha.

Mako 9:42

Ma ni tei bana na kai faataofai nia tee wela ana wela faekwa nei ki na keki fitooku, lea ka tatha ana wane eri keka tarufai nia gwa fau baita ni maga lana uiti i luana, ma keka naṉa ania i la amali.

Mako 9:43

Ma mada sa abamu kai faataofai oe, oki kwaia: do e lea iamu oki fulatoona marukia fafia aba mu, e ai si lea na amua ta ro aba ma oki lae uri hell, i la era na kesi talaana kwaemaeli lana;

Luke 17:2

E lea ana wane eri mada sa kera tarufai nia gwa fau ni maga lana uiti i luana, ma keka naṉa ania i la amali, una eri e lea ka tatha ana sa nia kai adea ta wela ana wela faekwa nei ki kai taofai nia.