Ma tha Jesus e akele buri, ka riki nia ma ka sorea, Thari nau ae, kai lea i manatamu; fitooa oe e faamaruki oe. Ma kini eri ka maruki bonaa too asi kadamaṉa eri.
Ma nia ade una eri sulia fa boṉi oro ki. Ma tha Polo, ne taa faamau iana, ka akele ma ka soree isana spirit eri, Nau ku soree isamu ana thatana tha Jesus Christ, oki lae faisi nia. Me lae faisia asi kadee maṉa eri boo.
Ma si maṉa nia kai lae u mai, spirit taa eri ka u ania, ma ka logetai nia. Ma tha Jesus ka sorea spirit taa eri, ma ka faamarukia wela eri, ma ka oli fafi nia isana maka nia.
Uria nia e faaroṉoa spirit taa eri ka lae faisia wane eri. Uria na si maṉa oro do eri e thauṉia: ma keka suusi nia, ma keka kania ana nailii thalo ma si do ni kani lana aaena imole; ma nia ka musia si do eki, ma spirit taa eri ka tari nia uri la fanua kwasi.
Ma nia ka faamarukia toa oro na kera matai ana mataia oro ki sui bana, bia ka arasia spirit taa ki faisia wane oro ki; ma nia e ai si alamatania spirit taa eki kesi bae, uria kera thaitoomana ni nia.
Ma tha Jesus e luua, ka soree isana, Kini ena ae, fitooa oe e baita: keki ilia ifamu sulaania thathami la o thathamia. Ma thari nia ka maruki too ana kadee maṉa eri.
Ma spirit taa ki lau boo keka kotho i maa faisia toa oro, keka ’ai, keka una eri, Oe ṉa Christ, Kaluwane tha God. Ma nia ka soreda, ma ka ai si alamatanida keki bae, uria na kera thaitoomana nia ṉa Christ.
Ma tha Jesus e luua, ka sorea, Kamulua unii wane na musi fitoo ma muki lae eeta, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai kunei isaku.