Mathui 17:17 - Ṉa Alaofua Falu 1923 1949

¹⁷ Ma tha Jesus e luua, ka sorea, Kamulua unii wane na musi fitoo ma muki lae eeta, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai kunei isaku.

Mathui 17:17 Referans Kwoze

Mathui 6:30

Mania mada sa tha God kai faatooni una eri ana lolo, na kai to bana itaraena i la ra, ma usuwadi keki u ania i la era ni naare la, nia ka ai si falea tooni ne lea ka tatha ifamulua, toa na fitooa kamulua e faekwa?

Si do Aposela ki kera ilidaki 13:18

Ma sulia fuliṉana fai tafulu fa ṉali e nanai kera i la fanua kwasi.

Mako 16:14

Buriana si do eki nia ka fula fatai isana akwala wane ba ki ma tee wane si maṉa na keki teoreri isana faṉa la; ma ka soreda fafia fitala lada ma sadi lana ruruuda, uria na kesi fitoona ṉata lana toa na kera riki nia buriana ne tatae.

Mako 9:19

Nia luuda, ka sorea, Kamulua unii wane na musi fitoo, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai isaku.

Mathui 13:58

Ma nia e ai si ilia tei ra baita oro i kula eri sulaania fitala la kera.

Mathui 8:26

Ma nia ka soree isada, Uria ta na muki mau, toa na fitooa kamulua e faekwa? Ma si maṉa eri nia tatae, ka sorea thauthau ma amali; ma amali ka daununu asia naa.

Jone 20:27

Sui nia soree isatha Tomasi, Falea mai kukumu, oki rikia ro aba nau ki; ma oko falea mai abamu, oki rete ania i ninimana rakeku: ma osi fitala, oki fitoo.

Luke 24:25

Ma nia ka soree isada, Ro wane moro oewanea, ma ruruumaroa e bokone, musi faamamanea si do ki sui na porofeta ba ki kera sorea!

Luke 9:41

Ma tha Jesus e luua, ka sorea, Kamulua unii wane na musi fitoo ma muka lae eeta, ta fita fa boṉi lau kwai to isamulua, ma kwa doanita iamulua? talaia mai kaluwane oe kunei.

Mathui 16:8

Ma tha Jesus e thaitoomana, ka soree isada, Toa na fitooa kamulua e faekwa, uria ta na muki ṉata uri kamulua i talaamulua, sulia ne ai amulua ta berede?

Fa Ṉu Abu ki 95:10

Sulia fai tafulu fa ṉali e tataa iaku uria unii wane eri, ku sorea, Toa nei kera ade garo ṉado i ruruuda, ma kesi thaitoomana tala nau ki:

Mathui 17:16

Ma nau ku talaia mai isana toa oe noki toleda, ma keka dora ana faamaruki lana.

Mathui 17:18

Ma tha Jesus e sorea spirit taa eri; ma nia ka lae faisi nia: ma wela eri ka maruki too ana kadee maṉa eri.

Si do Aposela ki kera ilidaki 2:40

Ma asi baea oro e faamamanea lau boo si do ne thaitoomana, ma ka faamanatai kera, ka una eri, Muki faamaruki kamulua faisia unii wane nai ne abula kekeo.

II. Korinitha 11:1

Nau ku thathamia faamau muki doanita iaku ana oewanea la faekwa: iu muki doanita boo ania.