Mathui 16:17 - Ṉa Alaofua Falu 1923 1949

¹⁷ Ma tha Jesus e luua, ka soree isana, Lea iamu, Saimona, kaluwane tha Jona: uria na imole, do ana mariko bia abu, e ai ne fatai nia isamu, Maka nau ana ne ni mei thalo

Mathui 16:17 Referans Kwoze

Jone 6:45

Kera keda ana porofeta ba ki, Ma tha God kai faamanatai kera sui. Mania ni tei ne roṉoa ana ṉa Maka, me thaitoomana naa, kai lae mai isaku.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Galesia 1:16

E thathamii fatai nia Kaluwane nia i ruruuku, fasi kwa ṉata suli nia i maalutana Jenetaele ki; si maṉa eri u boo e ai kwasi ṉata bia imole ana marikobia abu.

I. Korinitha 15:50

Ma si do nau ku sorea neri, doora kera, na mariko ma abu e ai si talaana fulatoona lana tooa tha God; ma do na toto kai fufuraa ka ai si fulatoona si do na kai toto ka ai si fufuraa.

Efesasi 3:5

Na kesi faaroṉo ania ana wela wane ana unii wane nai nao ki, alafana si do na kera fatai nia si maṉa eri isana aposela abu nia ki ma porofeta ki atha Spirit;

I. Jone 4:15

Ni tei bana na kai faamamanea na tha Jesus e Kaluwane tha God, tha God ka to ana wane eri, ma wane eri atha God.

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

Efesasi 2:8

Sulaania ana lea la kera faamaruki kamulua uria fitooa; ma fitooa eri do ita mai ani kamulua e ai: si do na tha God e tona falea neri:

Jone 1:42

Ma nia tole nia isatha Jesus. Tha Jesus ka lio uri nia, ka sorea, Oe tha Saimona kaluwane tha Jonasi: keki alaṉi oe ana Kifasi (ma toolaṉai lana thata eri, Ṉa fau).

Hibaru ki 2:14

Mania sulaania baree wela eri ada abu bia mariko, ni nia lau boo e ṉalia seedo eri boo; fasi ana mae lana kai faaai nia ne gwauwai ana maea, na tha devil;

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.