Mathui 16:16 - Ṉa Alaofua Falu 1923 1949

¹⁶ Ma tha Saimona Pita e luua, ka sorea, Oe ṉa Christ, Kaluwane ṉa God maruki.

Mathui 16:16 Referans Kwoze

Mathui 14:33

Ma toa na kera ni la foorua eri keka faabaita nia, keka una eri, Oe Kaluwane tha God mamana boo.

Jone 11:27

Nia soree isana, Iu, Lord: ku fitoo naa na ni oe Christ ba, Kaluwane tha God, wane na kera maakwali oe oki lae mai i fanua nei iano.

I. Jone 4:15

Ni tei bana na kai faamamanea na tha Jesus e Kaluwane tha God, tha God ka to ana wane eri, ma wane eri atha God.

Mathui 27:54

Ma si maṉa na senitiurione, ma toa na kera to bi nia keki lio uria tha Jesus, kera rikia anunu eri, bia si do na kera ilidaki, keka mau faamau, keka una eri, Kaluwane tha God mamana boo nai nia.

I. Timothi 4:10

Kulu ulafu ma kuki aṉasi, uria na kuki manatatoo ṉado uria ṉa God maruki, nia na ka faamarukia toa na fanua ni sui, ma toa na kera fitoo e faamarukida mamana boo.

Si do Aposela ki kera ilidaki 9:20

Ma si maṉa eri u boo nia ka ṉata sulia tha Christ i lala biu ni ofu la eki, na nia Kaluwane tha God.

I. Thesalonika 1:9

Uria ni kera kera uunu suli kamilia sulia fula la na mili fula ania isamulua; ma sulia kariabula la na mulu kariabula ania uria tha God faisia god eeta ki, fasi muka ra ifana ṉa God maruki ma mamana,

Mathui 26:63

Ma tha Jesus ka bona bana. Ma aofia ni foa ka soree isana, Nau ku faaothi oe ana ṉa God maruki, Oko faaroṉo kamilia mada sa ni oe ṉa Christ, Kaluwane tha God.

I. Jone 5:5

Ni tei na si nia kai tatha ana fanua nei iano, mada sa wane eri e ai na ka fitoo na tha Jesus na ṉa Kaluwane tha God?

Hibaru ki 10:31

Do ni kwaifamaui na imole kai asi nia i abana ṉa God maruki.

Roma 1:4

Ma kera fatai nia na nia Kaluwane tha God ana sukwaia, sulia Spirit ne abu, ana tatae la eri faisia toa mae ki;

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

Mako 14:61

Ma nia ka bona bana, e ai si luua ana ta si do. Ma aofia ni foa ruana ka soetoona lau, ka soree isana, Oe ṉa Christ, Kaluwane ni Nia na kera taṉoa?

Jone 20:31

Ma si do nei ki kera keda, fasi muki fitoona tha Jesus ṉa Christ, Kaluwane tha God; ma uria na mulu fitoo, muki maruki ana thatana.

Jone 1:49

Tha Nathaniala e luua, ka soree isana, Rabae, oe ṉa Kaluwane tha God; oe Kiṉa Isirela.

Hibaru ki 12:22

Ma ni kamulua mulu fula mai isana gwa tolo i Saeono, ma isana toaa susu ṉa God maruki, Jerusalema mai i thalo, ma isana angel ooro ka oro na eta eta ka dora,

I. Timothi 3:15

Ma sui mada sa kwai to tau u, fasi oki thaitoomana abula la ne kokoto ana imole i lala biu tha God, na figua ṉa God maruki, betana mamana la eri ma si do ne takwe i fafona.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

II. Korinitha 6:16

Ma ta si ta fetei na biu baita tha God kai kwaimani fafia bia god na kesi mamana ki? uria ni kamulua biu ṉa God maruki; ’uria si do na tha God e sorea, be una eri, Nau kwai to ani kera, ma kwai abula ani kera; ma ni nau kwai God kera, ma keki toa nau ki.

II. Korinitha 3:3

Na kera fatai kamulua mulu leta tha Christ, na mili ra ania, na kera keda ana kafo ni kekeda la e ai, ana Spirit ṉa God maruki; fafia do ni kekeda la na kere thauwanidaki ana fau e ai, fafia do ni kekeda la ki na ṉa ruruui imole.

Si do Aposela ki kera ilidaki 14:15

Keko una eri, Thaa wane ae, uria ta na mulu ade una eri? Kamarea imole ki ’uri kamulua lau boo, na mere ṉalia mai si faaroṉoa lea ifamulua, fasi muki akele faisia si do eki ne ai si kwaiadomi uria ṉa God maruki, ne thauwai nia thalo lo ma fanua nei iano ma ṉa amali, ma si do ki sui bana ana do eki:

Mathui 4:3

Ma do eri na kai bae aliṉana imole kai fula neri, kai soree isana, So ni oe Kaluwane tha God, oki sorea ṉa fau nei ki kai lioe berede.

Fa Ṉu Abu ki 42:2

Maṉoku ka maelikuu atha God, na God ne maruki bana: iaṉita kwai lae, kwai to fatai inaofatha God?

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Jone 6:69

Ma kamilia mili fitoo ma mili thaitoomana ni oe Christ ba, Kaluwane ṉa God ne maruki.

Mathui 1:16

Ma tha Jekofo e tharea tha Josefa kwaina ni Meri, kini na tha Jesus e futa ania, wane na keki alaṉia ana ṉa Christ.

Mathui 16:15

Nia ka soree isada, Ma ni kamulua muki sorea nau ni tei?

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

Jone 6:57

Talafana ṉa Maka ne maruki e arasi nau mai, ma nau ku maruki sulia ṉa Maka; alafana lau boo imole na kai ani nau, nia kai maruki lau boo suli nau.

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

II. Korinitha 1:19

Uria na Kaluwane tha God, tha Jesus Christ, na kamilia mili ṉata sulia i maalutamulua, kamilia tha Silafenasi ma tha Timothiasi, manatana si rurua ana iu ma e ai, ani nia iu.

Hibaru ki 3:12

Muki fia, doora kera, ada mado e ai atona bana ta wane iamulua ana ruruuna ne taa ma ka fitala, na ka akwasia ṉa God maruki:

Hibaru ki 9:14

Ta na sa abuna tha Christ, ne fale nia ana do dodoloa ni foa la ifatha God atha Spirit na kai to tatha, kai sukwai ka tatha fasi kai faafalua liomulua faisia si ra wane ne mae ki muki ra ifana ṉa God maruki, mado?

Si do na kera fatai nia 7:2

Ma nau ku rikia tee angel lau na ka tae mai faisia ibali tae lana thato, fafia do ni faaṉado la ṉa God maruki: ma nia ka ’ai ana ’ai la baita isana fai angel eki, na kera aluda fasi keka labatania fanua nei iano ma ṉa amali,

Si do Aposela ki kera ilidaki 8:37

Ma tha Filifi ka sorea, Mada soki fitoo ana ruruumu teefau, do kera alamatania. Ma nia luua, ka sorea, Nau ku faamamanea tha Jesus Christ na nia Kaluwane tha God.]