Mathui 16:1 - Ṉa Alaofua Falu 1923 1949

¹ Ma Farisi ki bia Sadiusi ki kera fula, keka ilitoona, keka soree isana sa nia ka fatai nia bala ta si do i thalo mai isada.

Mathui 16:1 Referans Kwoze

Luke 11:16

Ma tei wane lau kera ilitoona, kera thathamia nia ka fatai nia bala si do i thalo mai.

Si do Aposela ki kera ilidaki 4:1

Ma si maṉa na keko ṉata isana toa eki, wane ni foa ki ma wane ne inoto ana biu baita tha God ma Sadiusi ki kera fula isada,

Mathui 16:6

Sui tha Jesus ka soree isada, Muki to kinakina, muka fia lefena Farisi ki bia Sadiusi ki.

I. Korinitha 1:22

Sulaania Ju ki kera gania bala si do ki, ma toa i Girisi keki rofe uria liotooa:

Jone 8:6

Ma si do eri kera sorea, keka faaṉata nia fasi kai ṉata garo, ma keki fulatoona ta si do fasi keki alaṉi nia ania. Ma tha Jesus e agwaoro iano, ka kekeda i theegano ana kukuna.

Si do Aposela ki kera ilidaki 5:17

Sui aofia ni foa e tae mai, bia toa eki sui bana na kera to bi nia (toa na kera faamamanea kwaifamanatai lana Sadiusi ki neri), kera fuṉu ana uga la,

Luke 20:27

Sui tei wane ana Sadiusi ki kera fula isana, toa na keki sorea e ai ta tatae la faisia maea; ma keka soetoona,

Luke 20:23

Ma nia ka thaitoomana kwaiolofi la taa kera, ma ka soree isada, Uria ta na muki ilitooku?

Luke 10:25

Ma rikia fasi, tee nonii wane ni kwaifamanatai ana ṉa lo e tatae ia kai ilitoona, ka una eri, Wane ni kwaifamanatai ae, si ta na kwai ilia fasi kwai fulatoona marukia tatha?

Mako 12:18

Ma sui Sadiusi ki keka fula isana, toa na keki sorea e ai ta tatae la faisia maea; ma keka soetoona, keka una eri,

Mako 12:15

Kamilia miki falea, mado misi falea? Ma nia thaitoomana olodola la kera, ka soree isada, Uria ta na muki ilitooku? ṉalia mai tee peni isaku, fasi kwai rikia.

Mako 10:2

Ma Farisi ki kera fula isana, keki soetoona, Keki alamatania wane kai arasia kwaina? kera ilitoona.

Mathui 27:62

Sui lalae boṉi Tagudo e dani, wane inoto ni foa ki bia Farisi ki kera ofu mai isatha Paelate,

Mathui 23:2

Ka una eri, Wane ni kekeda ki bia Farisi ki keki ono i fuila tha Mosesi:

Mathui 22:23

Afa boṉi eri Sadiusi ki kera fula isana, toa na keki sorea e ai ta tatae la faisia maea: ma keka soetoona,

Mathui 22:18

Ma tha Jesus ka thaitoomana si lio taa kera eri, ma ka sorea, Uria ta na muki ilitooku, toa muki olodola?

Mathui 22:15

Sui Farisi ki kera lae, keka furia ṉata sulia si ade la keki ilia fasi keka faaṉata nia asi ṉata ne garo.

Mathui 19:3

Ma Farisi ki kera fula isana, keka ilitoona, keka una eri, Kera alamatania wane kai arasia kwaina fafia si do ki sui bana?

Mathui 15:1

Sui wane ni kekeda ki bia Farisi ki kera toto mai Jerusalema keka lae mai isatha Jesus, keka una eri,

Mathui 12:14

Ma Farisi eki kera kotho i maa, keka furiṉata fafi nia, uria si ade la na keki ilia fasi keka thauṉi nia.

Mathui 9:11

Ma si maṉa na Farisi ki kera rikia, keka soree isana toa nia ne toleda, Uria ta na Wane ni kwaifamanatai kamulua kai faṉa bia wane na kera ṉalia takisi ki, ma toa na kera abula taa?

Mathui 5:20

Uria ku soree isamulua, Mada sa kokoto la kamulua e ai si talua kokoto la wane ni kekeda ki bia Farisi ki, kamulua e ai dodoloa muki kotho ana tooa i thalo.