Mathui 15:28 - Ṉa Alaofua Falu 1923 1949

²⁸ Ma tha Jesus e luua, ka soree isana, Kini ena ae, fitooa oe e baita: keki ilia ifamu sulaania thathami la o thathamia. Ma thari nia ka maruki too ana kadee maṉa eri.

Mathui 15:28 Referans Kwoze

Mathui 8:13

Ma tha Jesus ka soree isana senitiurione eri, Lae kamua; sulia fitoo lamu, keki ilia ifamu. Ma wane ni ra eri ka maruki ana kadee maṉa eri.

Mako 5:34

Ma nia ka soree isana, Thari nau ae, fitooa oe e faamaruki oe; oki lae ana eneno la, ma oki maruki naa faisia do ne thathauṉi oe.

Mathui 9:22

Ma tha Jesus e akele buri, ka riki nia ma ka sorea, Thari nau ae, kai lea i manatamu; fitooa oe e faamaruki oe. Ma kini eri ka maruki bonaa too asi kadamaṉa eri.

Fa Ṉu Abu ki 145:19

Nia kai falea boo si do na toa na keka faare baita iana kera thathamia; nia kai roṉoa lau boo aṉi lada, kai faamaruki kera.

Mathui 8:10

Si maṉa na tha Jesus e roṉoa, nia ka kwele, ma ka soree isana toa na kera lae iburiana, Mamana ku soree isamulua, e ai kwasi fulatoona fitooa ne baita una eri, i Isirela mena ka ai.

Luke 17:5

Ma aposela ki kera soree isana ṉa Lord, Oki safua fitooa kamilia.

Luke 7:50

Ma nia ka soree isana kini eri, Fitooa oe e faamaruki oe; oki lae ana enenoa.

Luke 7:9

Si maṉa na tha Jesus e roṉoa si do eki, nia ka kwele ani nia, ma ka akele, ka soree isana toa na kera lae iburiana, Nau ku soree isamulua, e ai kwasi fulatoona fitooa ne baita una eri, i Isirela mena ka ai.

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

Mathui 14:31

Ma si maṉa eri u boo tha Jesus e tekwasia kau abana, ka rau ani nia, ma ka soree isana, Wane fitooa oe e faekwa, o fitala uria ta?

Mathui 15:27

Ma nia ka sorea, Iu, Lord: uria na kui ki mena keki ania nanafui do na kai thada faisia tatafe wane na kai thareda.